| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 2 الأولىالأولى 1 2
النتائج 11 إلى 15 من 15

الموضوع: حشو عصب

  1. #11

    الصورة الرمزية amir

    رقم العضوية : 1365

    تاريخ التسجيل : 08Jul2007

    المشاركات : 3,408

    النوع : ذكر

    الاقامة : القاهره, مدينه نصر

    السيارة: SUNNY 2007

    السيارة[2]: FELECIA 1998

    دراجة بخارية: لا

    الحالة : amir غير متواجد حالياً

    افتراضي -

    hasad">

    واضح من المشاركات كلها في الموضوع ان الناس فعلا عندها خوف لا نهائي من دكاتره الاسنان
    يا جماعه الموضوع مش بيكون صعب الا لما انتو تصعبوه علي نفسكم
    في الاول بنبدء نقول غسيل الاسنان يوميا 3 مرات بعد كل وجبه مره
    و ببناشد بتقليل الاسناكس -الوجبات الخفيفه - و اللي غالبا بتكون شيبسي و شوكلاتات و حلويات بأنواعها!!!
    و اللي مش بيقدر بنبه علي غسيل الاسنان قبل النوم علي الاقل

    و غير ده و ده زياره دوريه كل 6 اشهر لدكتور الاسنان
    يعني مرتين في السنه
    زيارتين بس لدكتور الاسنان كل سنه كافيه جدا جدا
    المشكله ان مشاكل الاسنان عاده بتبدء بتسويس بسيط جدا جدا او بمشاكل تراكم الجير
    و لو السنه او الضرس اتلحق بدري بيكون الحل في حشوه صغيره و بدون الم و بتكلفه منخفضه جدا

    انما الحل عند الغالبيه العظمي من الناس بتكون في قرص او قرصين مسكن
    فعلا الوجع بيروح في ساعتها
    لكن الاساءه الموجوده لمينا الاسنان بتستمر في التواجد
    و ده بيؤدي الي تأكل طبقه العاج و مع مرور الزمن بتتكسر السنه او الضرس
    ده غير التهاب العصب اللي بينتج عن تقدم التسويس و انحسار طبقه المينا عن السنه
    و ده ممكن يتم بدون الم علي فتره طويله
    و ساعات خصوصا لما العصب بيكون لسه محاط بطبقه العاج بيلتهب العصب و بيسبب الم رهيب غير محتمل

    و في الحالات المتقدمه دي بيكون الحل للحفاظ علي السنه هو ما يعرف ب تمويت العصب-حشو عصب
    و الطريقه المتبعه بتختلف علي حسب اختلاف الحاله انما بالاساس بتكون هي نفس الخطوات الموجوده بالفيديو المرفق بالمشاركات
    و فعلا بعد حشو العصب و بالذات للضروس الخلفيه يتم عمل طربوش حفاظا علي السنه او الضرس بس بعد مرور فتره اسبوعين الي تلاته للاطمئنان علي حشو العصب نفسه
    لأن في حاله اجراء حشو العصب السنه بتفقد الجزء الحي فيها - و هو العصب- و ده بيتبعه ان العاج بينشف و مش بيكون طري زي الاول و ده ممكن يشبه ان طبقه العاج بتكون اقرب ما يكون لطبقه زجاجيه
    و في حالات اخري بنلجأ لازاله العصب لسنه او ضرس سليم و ده بيكون علي حسب الحاله

    و نصيحتي للاعضاء
    اغسل سنانك 3 مرات يوميا
    و بالذات قبل النوم
    زياره دوريه كل 6 اشهر لطبيب اسنانك لأزاله طبقات الجير المتراكمه و مراجعه علي الاسنان عموما
    لو عندك السكر ارجوك اهتم بيه و في الحاله دي ممكن تزور طبيب اسنانك كل 3 شهور كنوع من انواع الوقايه لا اكتر
    الخلع مش هو الحل
    يمكن يكون الاسرع و الارخص حاليا
    بس مقدمه سخيفه لمشاكل كتير جدا و مكلفه جدا جدا فبرجاء محاوله الحفاظ علي الاسنان الطبيعيه قدر الامكان
    و بالنسبه للاعضاء الاباء و الامهات :
    في سن ال 6 سنوات يبدء ظهور اول ضرس دائم للطفل و ده ناس كتير من الاباء و الامهات بيفتكروه من الضروس اللبنيه
    الضرس ده اكتر ضرس بيتعرض للتسوس في الاطفال نظرا للاهمال فبرجاء المحافظه عليه بالذات
    و حاجه كمان
    اسنان الاطفال اللبنيه مش بسيطه قوي ان لما تسوس نخلعها
    الاسنان دي بتكون تحتها بذور الاسنان الدائمه (ان صح التعبير بالعربي) و اي خراج او التهاب ممكن يؤدي لفقدان السنه الدائمه
    و محاوله خلع اسنان الاطفال قبل اوانها (و دون استخدام اجهزه حفظ المكان) بتسبب في لخبطه و اعوجاج الاسنان الدائمه و الطفل ده بيحتاج تقويم للاسنان بعد كده علشان نرجع الاسنان لمكانها الطبيعي (و التقويم لمن لا يعلم بيتكلف كتير و بيحتاج متابعه طويله)
    فبرجاء الاهتمام بغسيل اسنان الاطفال و متابعتهم عند دكتور الاسنان (و مش لازم تخوفوهم و تقولولهم بس للدكتور يديك حقنه -- بلاش ارهاب في الاطفال الله يكرمكم بلاش تعقدوهم -- احنا بنعرف نتعامل معاهم و عموما الاطفال اكتر استجابه لدكتور الاسنان عن البالغين او يمكن ده اللي لاحظته انا)
    و معاتبه لبعض الناس
    رائحه الفم الكريهه بتكون بنسبه كبيره جدا ناتجه من تسوس و تلف الاسنان و التهابات اللثه و لو عندك المشكله دي ارجوك اهتم باسنانك اكتر من كده


    و انا موجود لو حد عنده استفسار بخصوص اي مشاكل بالفم و الاسنان


  2. #12

    الصورة الرمزية Ralliart

    رقم العضوية : 53612

    تاريخ التسجيل : 22Nov2009

    المشاركات : 3,259

    النوع : ذكر

    الاقامة : Giza

    السيارة: Nissan tiida HB '13, Renault Fluence '16

    السيارة[2]: Mitsubishi Lancer '06

    دراجة بخارية: ..

    الحالة : Ralliart غير متواجد حالياً

    افتراضي -

    زياره دوريه كل 6 اشهر لطبيب اسنانك لأزاله طبقات الجير المتراكمه و مراجعه علي الاسنان عموما
    انا مبسوط جداً ان في دكتور مصري بيقول اعمل check up
    لاني مرره رحت اعمل check up زي ما كنت متعود برا مصر الدكتور كشف عليا بقرف وقالي معندكش حاجه لما تبقى تتعب ابقى تعالى


  3. #13

    الصورة الرمزية ashouhdy

    رقم العضوية : 36989

    تاريخ التسجيل : 01Apr2009

    المشاركات : 10,392

    النوع : ذكر

    الاقامة : Alexandria

    السيارة: كروز 2014

    السيارة[2]: Car Enthusiaset

    دراجة بخارية: :))

    الحالة : ashouhdy غير متواجد حالياً

    افتراضي -

    هههههههههه والله صاحب الموضوع خوفنى انا شخصيا اللى انا دكتور سنان هههههههههههههه شوف ياسيدى ياالضرس اتكير نصين ومتعلق فى اللثة فا فى الرايحة والجاية بينتش ذى مابتقول و يوجعك ... يأما فى ضرس تانى فى نفس الجمب مسوس فى الحالتين روح شوف دكتور كويس الناس بتشكر فية لان مينفعش تشخيص النت دة

    اللى حيضيع بلدنا : الفهلوة و كلمة باشا و معلش و أصل



  4. #14

    الصورة الرمزية ahmedhilmy

    رقم العضوية : 13412

    تاريخ التسجيل : 22Jun2008

    المشاركات : 3,079

    النوع : ذكر

    الاقامة : cairo

    السيارة: سابقا lanos 2

    السيارة[2]: Optra AT

    دراجة بخارية: no

    الحالة : ahmedhilmy غير متواجد حالياً

    افتراضي -

    الف لا باس علي حضرتك الم الاسنان ده بشع و الابشع الشغل فيها انا بكره زيارة دكاترة الاسنان ربنا يكون في عونك

    A.Hilmy


  5. #15

    الصورة الرمزية amir

    رقم العضوية : 1365

    تاريخ التسجيل : 08Jul2007

    المشاركات : 3,408

    النوع : ذكر

    الاقامة : القاهره, مدينه نصر

    السيارة: SUNNY 2007

    السيارة[2]: FELECIA 1998

    دراجة بخارية: لا

    الحالة : amir غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة ralliart مشاهدة المشاركة
    انا مبسوط جداً ان في دكتور مصري بيقول اعمل check up
    لاني مرره رحت اعمل check up زي ما كنت متعود برا مصر الدكتور كشف عليا بقرف وقالي معندكش حاجه لما تبقى تتعب ابقى تعالى
    متشكر علي المجامله الجميله دي
    فعلا الناس بره بتهتم بصحه اسنانها اكتر من عندنا بكتير
    و ده راجع للتوعيه الصحيه في المدارس زائد التنبيه بطريقه غير مباشره علي غسيل الاسنان
    و كمثال في معظم الافلام و المسلسلات الاجنبيه بنشوف الناس فيها بتغسل سنانها الصبح و باليل
    و ممكن يكون الخوف من المجهول عموما هو اللي بيخلي الناس تخاف تروح لدكتور الاسنان في مصر
    و للاسف الشديد الناس لما بتروح لدكتور الاسنان بتكون حاله اسنانهم سيئه جدا جدا
    و بيكونو وصلو لحالات متقدمه عاده ما بتكون مصاحبه بألام رهيبه
    و الدكتور اللي بتتكلم عنه ده التفكير فيه زي التفكير في قصه الفرخه ولا البيضه...
    هل الدكتور ده هو كده ولا من خلال تعامله مع المرضي في مصر تحول الي كده
    المرضي في مصر غالبا بييجو و شكواهم من الالم ولما الالم بيروح مش بيكملو العلاج لغايه ما حالتهم تسوء تاني يرجعو للدكتور و كأنه ساحر مطالب بعمل المعجزات!!

    زمان الناس قالو قنطار وقايه خير من فدان علاج



 
صفحة 2 من 2 الأولىالأولى 1 2

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2