مشاكل فى العربية دايو لانوس 2000

**wesamsoftware** · 15-08-2010 11:56 AM

ياجماعة عندي مشكلة فى العربية دايو لانوس 2000
فيه صوت فى خشونة عند لف الدركسيون شمال او يمين وكانه يحك فى شء ثاني مع اني مغير دودة الدركسيون وكان السبب صاحب السيارة الاول كان كاسر الدودة يظهر كان بيفحط بيها

المكنة بتاكل زيت مع عدم وجود تسريب تحت الموتور

مشكلة ثانية فى عزم السيارة ضعيف بيوصل الي 80 بالعافية مع ملاحظة معايا 4 اشخاص راكبين

مشكلة فى المطبات الخفيفة صوت بيظهر فى المساعد الشمال مع اني مغير طقم مساعدين امامي

ايه الحل ياجماعة خصوصا انا فى السعودية وكمان معلومة ليكم هنا المكنيكية حميررررررررررررررررررررر بنغاله وهنود مش فاهين حاجة فى البطيخ

**age** · 15-08-2010 03:27 PM

يا عم العربيات في السعوديه رخيصه خالص ارميها وهات ىحاجه عاليه

**wesamsoftware** · 15-08-2010 05:58 PM

ههههههههههههه داه مش الحل ياباشا لازم نعرف طرق حل المشاكل دي
ماهو طبعا العربيات هنا رخيصة جداا تخيل الدايو اقل سعر هو 3 الف ريال ههههههههههههههههههه

**محمد الشامي** · 15-08-2010 07:17 PM

بالنسبه للأصوات اللي بتحصل عندك مع المطبات فالاحتمالات كتير , ممكن بطاحات وممكن مقصات وممكن مساعد وحش وو و و و , ودي مش هتبان غير بالوصف الدقيق للصوت والكشف من حد بيفهم ميكانيكا

وبالنسبه لنقص العزم , فـ ده غالبا بيكون طقم دبرياج تعبان , لكن حضرتك قولت قبلها ان المكنه بتاكل زيت , وغالبا هيكون ده السبب في حاجات كتير من ضمنها نقص العزم , واضح ان المكنه فيها حاجه , انا مش هفتي بس استنى رأيي محمد ممدوح واصحاب الخبره في النقطه دي طبعا

**fineart607** · 15-08-2010 07:20 PM

لا حول ولا قوة الا بالله والله كانت معنا ولما بعنها بعد 9 سنوات استخدام اعطنها لصاحب النصيب بالكاتلوك وكانت ماشاء الله زى الفل يظهر الى كان بيستخدمها معندوش ضمير

**samirayad** · 15-08-2010 08:24 PM

المكنة بتاكل زيت مع عدم وجود تسريب تحت الموتور

ممكن تكون محتاج طقم شنبر وروديه

مشكلة ثانية فى عزم السيارة ضعيف بيوصل الي 80 بالعافية مع ملاحظة معايا 4 اشخاص راكبين

ممكن تكون المكنه تعبانه بسبب العيب السابق أو محتاج طقم دبرياج

مشكلة فى المطبات الخفيفة صوت بيظهر فى المساعد الشمال مع اني مغير طقم مساعدين امامي

ممكن تكون مشكلة كالبرات أو كاوتش ميزان أو جلب مقصات

ايه الحل ياجماعة خصوصا انا فى السعودية وكمان معلومة ليكم هنا المكنيكية حميررررررررررررررررررررر بنغاله وهنود مش فاهين حاجة فى البطيخ:t_thum1[1]:

ولهذا السبب

أنا مع هذا الرأى

يا عم العربيات في السعوديه رخيصه خالص ارميها وهات ىحاجه عاليه

وخصوصا بعد قولك هذا

تخيل الدايو اقل سعر هو 3 الف ريال

يعنى ممكن تصرف أكتر من 3 آلاف ريال على أصلاح سيارتك دى ومتكونش النتيجه أد كده برضه

وخصوصا أنك بتتعامل مع ميكانيكيه حمير طبقا لكلامك

والأفضل بيعها فى التشليح وكمل عليها وهاتلك واحده أنظف