المياه بتنقص في الأوبترا

**cheetos31** · 16-08-2010 08:33 PM

أنا عندي ميا الرادياتير في القربة بتنقص كل أسبوعين و لازم ازودها و غيرت القربة و الغطاء و المشكلة مارحتش و في التوكيل قالوا مفيش حاجة في العربية؟؟؟؟

**aYaBooY** · 16-08-2010 09:18 PM

ممكن تكون العربية بتسخن و المياه بتتبخر من الغطاء
او ( و ده صعب في العربيات الجديدة ) فيه تسريب في دورة التبريد
او يكون فيه مشكلة في جوان وش السلندر

**elewey** · 17-08-2010 05:29 AM

المشاركة الأصلية كتبت بواسطة ayabooy

ممكن تكون العربية بتسخن و المياه بتتبخر من الغطاء
او ( و ده صعب في العربيات الجديدة ) فيه تسريب في دورة التبريد
او يكون فيه مشكلة في جوان وش السلندر

لو جوان وش السلندر يبقى الميه فى القربه حتلاقيها بتغلى و حتلاقى ميه طالعه من الجكمان ورا و السخونة العاليه انا اعتقد فى مشكله فى الطرمبه او الردياتير

**karimfahmy99** · 17-08-2010 05:56 AM

هو موضوع نقص الميية دا كان موجود قبل كدة ؟ يعنى قبل الحر . المفترض نقص الميية هو ناتج تبخير بيحصل زى زيت العربية بالظبط برضة بينقص بس بسيط نتيجة تبخير . بالنسبة لموضوعك ممكن يكون ثرموستات المروحة بيتأخر فى تقويم مروحة التبريد . راقب المروحة بتقوم امتى و عداد الحرارة بيكون فين لو لاحظت انها بتشتغل لما تسخن اوى يبقى حساسية الثرموستات وحشة و عاوزة تتغير . او ممكن تغير الثرموستات لو مش صعب و تعمل مقارنة بين ال 2 . دى مجرد اقتراحات و برضة استشير كهربائى