الموضوع: غيرت زيت الفتيس والموتور و البوجيهات ولكن المفاجاة!!!!! الحقونى

المشاركة الأصلية كتبت بواسطة tarek_2005

ما هي السرعة الي كنت ماشي عليها في المشاوير الطوالي وقد ايه انتظار داخل البلد كل ده يفرق في الاستهلاك

السرعة على الطوالى 80-90 كم وكل اللى هيا مشيتو جوة البلد حوالى 40 كم من ال 200 كم وبعدين يا باشا هيا كانت بتعمل 180-200 كم فى الصفيحة جوة البلد بس و مكنش فى طوالى يعنى المفروض ان الستهلاك كان يتحسن و خصوصا بعد الصيانة مش العكس ودة اللى مجننى

المشاركة الأصلية كتبت بواسطة m.zaher

فول تاني و احسب تاني ممكن يكون التفويله الاولى مش كاملة

لا التفويلة الاولى كانت كاملة لانى انا اللى بفول العربية و كنت مفولها لحد الزور وخدت 30 لتر وكنت ماشى بيهم 280 كم كلهم جوا البلد و تكييف و اشارات و زحمة لان شغلى فى وسط البلد

مع العلم ان العربية مش بتاخر فى الدوارة ولا فية الدخنة بتاعة عيب الرشاشات لانى بعملهم صيانة مستمرة و حالتهم جيدة جدا ودة للعلم لانى من قريب حطيناهم على الاسكنر ومكنش فى تسييل ودة عشان محدش يشك فيهم

اية يا جماعة محدش عاوز يساعد لية برضة كنت عامل موضوع من كام يوم على صوت فى الفتيس الاوتو وبرضة محدش كان بيحاول يساعد الا استاذ ادهم فضل متابع معايا و ربنا يجازية خير امال فين مهندس سمير و مهندس ممدوح والجميل محمد الشامى و الفنان عصام غنايم وباقى اعضاء القسم اللى لم تسعفنى الذاكرة عشان افتكر اسمائهم كلهم الناس كلها راحت فين

سيدى الفاضل من تجربتى البسيطة فى العربيات ان كل ما تدلعها تعذبك و كل ما تهملها تشيلك بس بعد كده بتفتح بؤها