الموضوع: ترشيح زيت اسفل الفتيس رجاء المساعده

ياريت يا جماعه لو حد يكلمنا شويه عن زيت الفتيس واعراض نقصه ايه ولو ما فيش اى ترشيح فهل ده معناه انه كويس
وانا دايما عندى خشونه فى الفتيس فى الغيار التانى فقط بس قالولى ان ده عادى فى اللانوس
ويا ريت لو فيه صوره توضح ازاى اشوف زيت الفتيس واطمن انه مش محتاج تزويد مع العلم ان العربيه عامله 211000 كم وبتروح الصيانه بانتظام كل 5000 كم وما غيرتش او زودت زيت الفتيس قبل كده
ومش عارفه ليه كل ما اسال اى حد من معارفى يقولى طالما الفتيس شغال كويس خلاص ماتشغليش نفسك باى حاجه
بس انا عايزه اعرف واتعلم لان العربيه مش سواقه بس بجد انا كل ما باعرف فى ميكانيكا العربيه اكتر كل ما باحس بتناغم معاها
واحساس سريع بأى مشكله فيها وجزاكم الله كل خير

المشاركة الأصلية كتبت بواسطة mmamdouh

حسب الكتالوج المفروض تراجعى على مستوى الزيت كل 10 الاف كيلو

الزيت بيتكشف علية من خلال فك الصامولة ال17 اللى جنب مكان دخول الكوبلن اليمين فى الفتيس... المفروض ان الزيت يبقى عند اسفل الفتحة دى

الكتالوج مبيقولش ان الزيت يتغير... لكن عن تجربة شخصية لما غيرت الزيت بعد 60 الف كيلو تعشيق النقلات بقى احسن.

الفتيس مفيهوش طبة تصفية و بالتالى لازم تتفك الكارتيرة بتاعتة... الفتيس بياخد 1.8 لتر زيت w90

mmamdouh

شكرا للاهتمام والرد بس معنى كده ان لازم العربيه تكون مرفوعه فوق علشان اقدر اشوف مستوى زيت الفتيس
كنت فكره الموضوع اسهل زى زيت الفرامل والباور طيب القصه ديه بتتعمل فين يعنى عند ميكانيكى ولا حد متخصص
فتيس وهل فيه حد كويس حضرتك اتعاملت معاه قبل كده او اى حد من الاخوه فى المنتدى اتعامل مع حد كويس
لانى قلقانه من فك الكارتيره لان الفتيس ده شكله كده معقد جدا كله صواميل وتروس وحاجه اخر لخبطه ولا احسن استنى ميعاد الصيانه القادم بعد 4000 كم تقريبا وشكرا وجزاك الله كل خير