الموضوع: صوت ونه على عند الضغط على البنزين على سرعه اعلى من 80

فى البدايه احب اقولكم انى اتحركت بالعربيه لمسافه 15 كم تقريبا من غير زيت كرونه و كنت ماشى على الغيار التالت او التانى وده لظروف كنت شارحها فى الموضوع السابق
http://www.nilemotors.net/Nile/173583-a.html

المهم دلوقتى بسمع صوت ونه (وووووووووووووووووو) لما بمشى بالعربيه على سرعه اكتر من 80 و بتبقى مع ضغط البنزين فقط لكن اول لما بشيل رجلى من البنزين بتختفى الونه دى

مع العلم انى دلوقتى حاطط فى الكرونه زيت 140 ... بس من ماركه مجهوله و اللى مكتوب على الجركن بتاعها (زيت تروس لزوجه 140 ) و الجركن نفسه برتقالى
فهل تفتكرو المشكله فى الزيت الجديد ده و لا يكون حصل حاجه فى الكرونه لما مشيت بيها مسافه من غير زيت تقريبا و لا المشكله من الفتيس ( خاصه انى بدأت احس ان العزم ابتدى يقل شويه و الفتيس بيخبط لما باخد بعض الغيارات )

وهل الموضوع ده اجبارى انى اصلحه دلوقتى و لا ممكن اتعايش معاه عادى خاصه ان الصوت مش مزعج اوى يعنى ؟؟؟

المشاركة الأصلية كتبت بواسطة khaled_sabry

طيب الحمد لله ان ملهاش اى ضرر تانى
لأنى حسافر بأذن الله 400 كم على العيد و مش عاوز اى مفاجات
هو كده كده حتعياش معاها مادام ملهاش حل بسيط .. لأنى اسمع ان لو جبت استيراد فعلشان الاقى حاجه تتوافق معايا حيطلع عيني و كمان ممكن تكون بايظه هى كمان
و كده كده الونه مش باخد بالى منها الا لو قفلت الزجاج و شغلت التكييف

إن شاء الله بأكد لك ما لهاش أى اضرار تانيه غير الصوت , و تسافر وتيجى بالسلامة إن شاء الله.