Coolant Sensor

**BrainStorm** · 20-08-2010 08:39 PM

النهارده وانا ماشي بالعربية في أمان الله بعد الصلاه لقيت العربية برجلت ولمبة Check Engine نورت رحت راكن على جنب ومبطل العربية وبعد كده جيت ادور مش عايزة تدور ساعتها أنا شكيت في تلات حاجات يا Idle Control (علشان كان هيس من أسبوع) يا مشط البوبينا يا البوبينا شخصيا.المهم دورت على عربية علشان تقطرني لحد الميكانيكي بتاعي ولحد لما لقيت عربية نص نقل وركيبت الحبل في عدة القطر وقلت لما اجرب ادور تاني لقتها دارت وكأن شيء لم يكن, نزلت فكيت الحبل وطرت على الميكانيكي وهناك بقى عند الميكانيكي حط العربية على الجهاز وعمل el check فـلقا حاجة اسمها coolant temperature sensor error فـلقيته بيقوللي متقلقش دي حاجة بسيطة خالص ومش هتاخد غير 5 دقائق بس هنسيب العربية تبرد شوية . فالشوية دول قعدت معاه أفهم ا قصة الشيء ده فـفهمت منه ن السنسور ده بيحدد نسبة خلط البنزين مع الهوا على حسب درجة حرارة العربية علشان دايما يحافظ على أحسن استهلاك بنزين على حسب حرارة العربية .
المهم بعد 10 دقائق كده ابتدى يفك السنسور وطلعوا وكان عليه صدى كتير فعلا وبعد كده نضفه وركبه تاني وفعلا الموضوع مخدش 5 دقائق وبعد مركبه دور العربية ووصلها بالكمبيوتر تاني وعمل check ملقاش حاجة تاني الحمدلله .

**hardman20060** · 20-08-2010 08:44 PM

متسالهولي يا ابو حميد هو ليه اعراض تانيه لو بايظ غير ان هو ممكن يبطل العربيه او يخلي لمبه التشيك تنور ؟؟؟ لان انا حاسس ان العربيه بتاكل بنزين كتير شويه وانا اعرف ان السينسور ده لو بايظ يخليها تاكل بنزين..

**BrainStorm** · 20-08-2010 08:48 PM

المشاركة الأصلية كتبت بواسطة hardman20060

متسالهولي يا ابو حميد هو ليه اعراض تانيه لو بايظ غير ان هو ممكن يبطل العربيه او يخلي لمبه التشيك تنور ؟؟؟ لان انا حاسس ان العربيه بتاكل بنزين كتير شويه وانا اعرف ان السينسور ده لو بايظ يخليها تاكل بنزين..

أنا احتمال اروحله بكرة أو بعده علشان انضف el Idle فلو كده هسألهولك

**hardman20060** · 20-08-2010 08:50 PM

عموما ابقي قولي ايه الاخبار عشان انا عايز انضف الحاجات دي كلها عندي لاني منضفتهاش من يوم ما جبتها...

**BrainStorm** · 20-08-2010 09:03 PM

المشاركة الأصلية كتبت بواسطة hardman20060

عموما ابقي قولي ايه الاخبار عشان انا عايز انضف الحاجات دي كلها عندي لاني منضفتهاش من يوم ما جبتها...

على فكرة أنا كنت لسة بقوله على ن أنا عايز انضف كل السنسورز بدل ما الموضوع ده مايتكرر تاني فـقالي ن ممكن السنسور يبقى شغال كويس قبل مايتنضف وبعد ميتنضف ممكن يبوظ ,زي el-idle كده