الموضوع: قائمة سوداء باصحاب الورش والمراكز والمحلات في كافة مجالات السيارات

المشاركة الأصلية كتبت بواسطة sameh_loza

انا بقي حصل معايا بالامس موقف استغلال اصلي ومش عاوز اقول سرقة
في البحث عن موضوع فصل السيارة عن طريق تركيب كتاوت يفصل العربية ومايخلهاش تدور
روحت عند واحد اسمه الجانيني بشارع سليم الاول - حلمية الزيتون بتاع تركيب انذرات وحاجات كتير المهم انا روحتله امبارح بناء علي توصية من جاري لي وقالي ان عنده كهربائي بيعمل الموضوع ده وتكلفة في حدود 40 جم
وحصل ظروف اني لازم ابيت العربية في منطقة بيعيدة عن مسكني فقلت اروح اعمل مشوار فصل تشغيل العربية عنده
وبعدين رحت عنده قالي ان تكلفة تكيب الكتاوت ب 50 جم ومصنعية 30 جم يبقي الاجمالي 80 جم فقلت له ان في واحد جاري جالك من يومين وانت ركبته بمبلغ 40 جم قالي محصلش وطبعا حاولت افاصل معاه لحد مانزل خمسة جنية بالعافية وطبعا ان كنت مضطر علي اني اعمل الشغلانة دي لان العربية هاركنها بيعيد عن بيتي ومضمش الظروف
قمة الاستغلال واسلوب متعالي وانا فعلا مجبر علي ذلك والشغلانه كلها اخدت وقت عشرة دقائق بالضبط والله العظيم عشرة دقائق بالضبط.
حسبي الله ونعم الوكيل فيه واستغلاله
كلمت اصدقائي وقالولي بالفعل العملية كلها مش هاتتكلف اكتر من 40 جم.
وفي موضوع كتير قراتها في المنتدي عن الموضوع ده وكله كان بيتكلم عن تكلفه 40 جم كل حاجة

ايوة انا كنت كاتب عن الراجل ده اسمه جمعة الجناينى طب انت احمد ربنا جت معاك فى 80 جنيه اخوك اتروق فى 2200 جنيه والله العظيم حسبى الله ونعم الوكيل كنت عايز اعمل زجاج كهرباء لانسر كريستالة فضلت عنده من الساعة 10 صباحا حتى 12 بليل علشان الاربع ابواب قول مش مشكلة شغله اعوذ بالله حاجة عرة وخرمللى فى الابواب الاربعة بطريقة زفت والكهربائى اللى عنده اسمه خالد بشعر طويل كده خلانى اجيب بحوالى 200 جنيه سللك علشان يلف على الاربع ابواب وضفيرة منيلة انا كنت عايز انسى الموضوع بس مش مهم علشان الناس يستفيدو غالى جدا ولما تسالوا غالى ليه يقولك علشان شغللى نظيف وهو اصلا حرامى بيعمل الحاجة نقصة علشان تحتاجله وكل ما تروح يقولك مصنعية الله يسامحه انا مش هاحكى تفاصيل تانية علشان دمى اتحرق لان وحدة الكنترول اللى بتركب فى الباب كنت واخدها اصلا من عنده فيها زرار مش شغال ولما رجعتله علشان يومها الوقت اتاخر دفعنى تانى 150 جنيه الله يحرقوا ويسامحه

وفى محل اسمه جو فى الماظة وشيراتون غالى ومعندوش صنايعية ومعاملة ما بعد البيع زفت حبيبى وانت بتقبضنى لكن تيجى تشتكى اركن بقى واهمل وحاجة تقرف ده محل اكسسوارات واضافات للسيارات ويقولكم عليه اكتر الاستاذ كريم

ياجماعه فى واحد بتاع تكييف سيارات فى شارع التحرير بلدقى و انت جاى من عند اولاد مقار بعد حوالى 200 متر على الشمال اسم المحل مكه و للاسف اسم مش على مسمى لانه العربيه كانت منقصه غاز ودتهاله ففحصها لقى الجلبتين اللى باسفل الخرطوم بايظه و طبعا فحص بلضغط المهم تانى يوم جبتله الجلب و ركبها و بعدين قالى استريح جوا و ببعد شويه قالى عندك الخرطوم عاوز يتغير لانه مخروم المهم غيرلى الخرطوم و اكتشفت بعدين ان هو اللى خارمه و حسبى الله و نعم الوكيل عليه و رحتله بعد كده و اتخانقت وياه بس خلو بالكم منه و خلو بالكم ايضا من بتوع الكاوتش لانهم بيخرموا العجله اكثر من خرم بحجه يقولك اعدل الدركسيون و بيكون بايده ابره صغيره فى ثوانى بيكون خارم العجله و عاوز تتاكد من الموضوع ده هتلاقى معظم الاخرام فى الفراغ اللى بين النقشات لانه بيكون اسهل بلاخرام و اسف للاطاله

فى واحد فى الف مسكن اسمة دوكش مركز bmw اجارك اللة منة وربنا يسلم الناس منة ومن شرة بيشتغل وش تركيب زينون 100 وقعد 4 سعات ترس مارش خد 300 والمارش كلة ميعملش 350 وباظ مشتغلش اصلا ورجعت غيرلى المارش وبرضة مشتغلش ومازال مش شغال وحسبى اللة ونعم الوكيل وحسبى اللة ونعم الوكيل وحسبى اللة ونعم الوكيل

المشاركة الأصلية كتبت بواسطة funnymickey

حسب انتا عاوز تعمل عنده ايه

والله العظيم اى حاجة عنده مضروبة فى 3 مرات على الاقل وممكن تجيبها من هنا نفس الحاجة اققل ياراجل ده ساعة ماجيت اركب الفوانيس قولتلوا عايز لمض صالون بلحة بس ليدات ادانى الورقة اللى فيها 2 ونسيت احاسبه لانى كنت اتاخرت جامد وتانى يوم وانا بظبت النور فكرته وقولتله انى لقيت واحدة مش شغالة قاللى تحت امرك انت تامر غيرها وقولتلوا ها بقى حسابهم كام علشان مننساش برضوا قاللى 50 جنيه والله العظيم حصل ودفعت وانا ببصله واقوله ابقى غلطان فعلا لو اتعاملت معاك تانى وموضوع الفانوس بتاع الميتسوبيشى اللى جبته انا وصبحى غصب عنه ميقدرش يضرب فى سعره علشان كانت فى ناس تانية منزلاه وخايف من ان احنا نروحلهم وربنا يسامحه ياراجل الكهربائى اللى جنبه اشتكى منه وكان بيكلمنى فى الموضوع ده ده الزيت الايدج والايدج سبور والماجنيتك بتاع كاسترول موجود فى مصر هوة هوة بتاع الامارات الاصلى وضارب سعره فى 2 وكان عايز يبعلى الكلاكس ب100 جنيه ويروح يجيبه من عند الكهربائى ب65 من غير تركيب وبالصدفة وانا بشترى مسامير من الكهربائى شفته وسالته عليه واشتريته بدون تردد وتقوللى على حسب طيب والله ياصبحى انت فاكر موضوع امريكا والا لا انا كنت عايز اعمل كده علشان افيد الناس كلها ولو الموضوع هيبقى عبارة عن مشروع وماله بس يبقى مكسب حلو مش تخييط والاباش يروح يتفسح برة واحنا اللى ندفع مش كده والا ايه ده انا لما شفت بس السيور اللى بتنزل برة والله دمى غلى احنا مركبيين سيور بتاعت غسالة وربنا كريم لو عرفت اجيب حاجات خفيفة هابعت واقولكم اللى عايز حاجة انا بعت لابن خالى ولسة مردش علية ادعولى بقى يرد