عمرة الدبرياج

**zaza2002** · 23-08-2010 09:53 PM

اصدقائى الاحباء دلوقتى انا معايا لانوس1 موديل 99عامله 82الف وبصراحه الدبريا ج بتاعها مش عاجبنى والاحساس ده جالى لما ركبت عربيات تانيه ولقيت الدبرياج فيها خفيف جدا والعربيه ببتتحرك معايا بسرعه اما عندى فالدبرياج تقيل شويه والعربيه مش بتستجيب بنفس استجابة العربيات التانيه وكان عندى صوت الموتور بيعلى وانا ماشى وبعدين يهدا لوحده ولما روحت للميكانيكى وكنت بعتقد انه ممكن يكون بوابه اوtpsلقيته بيقولى ان الاسطوانه فى بداية تعبها وعلى مشيك ممكن تغيرها بعد فترة مش اقل من سنه وسؤالى ليكم دلوقتى اغيرها دلوقتى ولا استنى شويه وهل تغير طقم الدبرياج حاجه عاديه ولا حاجه تعيب العربيه اسف على الاطاله ولكم منى جزيل الشكر ورمضان كريم

**zaza2002** · 24-08-2010 01:05 AM

ايه يا جماعه هى الاسئله مش من المنهج ولا ايه؟؟؟؟؟

**احمد ابراهيم** · 24-08-2010 01:21 AM

فى رايى الشخصى انك تمشى عليها شوية طالما مش معطلاك و ثانيا تغيير طقم الدبرياج مش بيعيب العربية و لا حاجة ده نوع من الصيانة كانك بتغير زيوت و فلاتر مثلا بس على فترات بعيدة لان دى جزء بيستهلك مع الاستخدام

**ahmedyehia515** · 24-08-2010 01:27 AM

بص انا هرد على السؤال اللى مذاكره

تغيير الدبرياج حاجة عادية قدام هتغيره بواحد نضيف يعنى بالظبط لما تغير اى حاجة فى العربية عشان عمرها انتهى، زى تيل الفرامل او الطنابير، بالعكس انت كده بتحافظ على العربية و هوا ده المهم.

متهيألى صعب شوية تقول سنة عشان الموضوع ليه علاقى انت بتمشة بالعربية قد إيه بس نصيحتى لو مثلاً فاضلها 50 الف, غيرها بعد 30 أو 35 ألف عشان تبقى فى المضمون.

**mashaly** · 24-08-2010 06:51 AM

لماتلاقي وقت غيره وهتحس بفرق رهيب اكنها عربيه تانية

**karimfahmy99** · 24-08-2010 07:17 AM

كما ذكر الاخوة الافاضل تغير طقم الدبرياج لا يعيب السيارة . اما عن عمر الاسطوانة فدا ليس لة مقياس و انما تتوقف على اللى سايق و رجلة على الدبرياج و طريقة نقلة و سيبة للدبرياج بمعنى ممكن تكون عربية لسة عاملة 25000 بس الاسطوانة باظت و ممكن تكون عاملة 150000 و لسة زى الفل برضة تتوقف اذا كان سفريات و لا استخدام وسط البلد لان مش لازم الاسطوانة هى اللى تبوظ ممكن الدسك يبوظ قبل الاسطوانة . الخلاصة رجل اللى سايق هى المتحكمة فى عمر طقم الدبرياج

**mohfud** · 24-08-2010 10:42 AM

غيرها فورا حتى لا تنهك الموتور

**karimfahmy99** · 24-08-2010 10:47 AM

المشاركة الأصلية كتبت بواسطة mohfud

غيرها فورا حتى لا تنهك الموتور

كلام مظبوط بس دا فى حالة لو الاسطوانة بتهرب حركة . بس الميكانيكى قالة فى بداية تعبها يعنى لسة امان .

نقول لصاحب المشكلة ابتدى اشترى اللوازم عشان هتحتجها قريب .

**hosar** · 24-08-2010 02:10 PM

غيرها و ريح دماغك

**bakkarahmed** · 24-08-2010 06:37 PM

انا غيرت طقم دبرياج عند 125 الف كيلو علشان الديسك كان تقيل والبليه صوتها كان بيعلي وعلي فكره الاسطوانه والله نزلت زي الفل....انت ممكن تصبر لو الدبرياج مش مفوت معاك ..
بعد التغيير هاتحس ان العربيه حاجه تانيه في سلاسه الدبرياج