وش لكاسيت "Double Din" لعربية لانسر بومة

**ahmad--ezzat** · 13-09-2010 11:59 AM

تصدق انى اول مره اشوف الكاسيت دة اصلا فى البومه

**kh_talaat** · 13-09-2010 12:39 PM

المشاركة الأصلية كتبت بواسطة hossamgaber

السلام عليكم .. كل عام وأنتم بخير :) أنا كنت عايز أغير الكاسيت من "One Din" ل "Double Din" الكلام ده فى عربية لانسر بومة ؟؟ كنت بعمل بحث فى جواجل و شفت الوش ده ؟؟ ياريت لو حد يعرف هوا بيتباع فين ولا إيه اللى الواحد ممكن يعمله علشان يغير القصة ده.. وشكراً للجميع

هو يعني اية Double Din ؟

هل المقصود بيه كاسيت عريض زي اللي في الصورة ولا اية وهل الكاسيت دة متوافر في السوق المصري وسعره كام لو موجود ... وشكرا ليك

**wisheey** · 13-09-2010 02:26 PM

أنا عندي الوش دة وعايز أبيعو ..... كلمني 0100216021

**hossamgaber** · 13-09-2010 02:27 PM

المشاركة الأصلية كتبت بواسطة kh_talaat

هو يعني اية Double Din ؟

هل المقصود بيه كاسيت عريض زي اللي في الصورة ولا اية وهل الكاسيت دة متوافر في السوق المصري وسعره كام لو موجود ... وشكرا ليك

بالظبط كده .. الكاسيت الdouble din بيبقا مرتين أعرض من الكاسيت العادى.. بس هية الفكرة ان العربية ممكن تكون مجهزة لكاسيت عريض والوكيل منزل فيها كاسيت عادى هيبقا سهل انك تشترى كاسيت كبير وتركبة من غير ما تعمل أى حاجة فى التابلوة .. بس فى اللانسر التابلوة مجهز للكاسيت الصغير .. بس لو عايز تغير وتجيب كاسيت كبير اللى هو فية "DVD, TV, GPS , Touchscreen , Blue tooth " مش هتعرف علشان التابلوة مش مجهز فا الجزء اللى أنا بتكلم علية موجود بس مش فى مصر .. ولو عايز تشترية من برة سعرة هيعدى 500 جنية .. ده طبعاً غير الكاسيت :) ..

**hossamgaber** · 13-09-2010 02:37 PM

أنا لقيت مكان بيتباع فيه الوش الDouble Din وبسعر 290 جنية بالتوصيل لحد مصر .. بس مش عارف ليه خايف أنه يطلع ملهوش لزمة ومفيش كهربائى يعرف يتعامل معاه ..

japanparts.com : PARTS DATABASE

**kh_talaat** · 13-09-2010 02:43 PM

المشاركة الأصلية كتبت بواسطة hossamgaber

أنا لقيت مكان بيتباع فيه الوش الDouble Din وبسعر 290 جنية بالتوصيل لحد مصر .. بس مش عارف ليه خايف أنه يطلع ملهوش لزمة ومفيش كهربائى يعرف يتعامل معاه ..

japanparts.com : PARTS DATABASE

ياه

.... السعر مبالغ فيه قوي دي مجرد حتة بلاستيك او فيبر مش اكتر

على العموم لو عندك استعداد لشرائها وتنفيذ الفكرة يبقى لازم تسأل كويس قوي قبل ما تشتريها وطبعا اضمن حاجه تسأل فيها التوكيل وتشوف كمان اذا كانوا يقدروا يركبهولك ولا لاء

وممكن برضه تسأل في اشهر محلات الكاسيت في شارع التحرير (وسط البلد) زي ادريان

وياريت تبقى توافينا بآخر الأخبار

**elbaz18** · 13-09-2010 11:21 PM

ياجماعة الموضوع دة بجد جامد موت بس يارب نوصل لنتائج فعلية فى الموضوع دة لان زى مانتوا شايفين شكلوا فااجر فى العربية
لكن ارجو الانتباة الى ان المشكلة الان اختلفت فاصبح ان مشكلتنا ليست وش الكاسيت لان الوش اتفقنا اننا من الممكن ان نشترية من على النت فعلا فهو متوافر او من الممكن صبة عند احد اساتذة الفايبر اللى فى مصر وهم كثير او البحث عنة وشراءة مثل اللى عارضوا للبيع فى الموضوع هنا
لكن اصبحت مشكلتنا هى الكاسيت نفسة الذى وهمنا فى الصورة هنا والذى بة فى الشاشة علامة المتسوبيشى ومعنى ذلك انة مصمم للمتسوبيشى لانسر وهذا الموديل بدليل تركيبة على الوش مظبوووووك فأن بدون هذا الكاسيت لا فائدة من الوش لأن اى شاشة اخرى لن تعطيك الشكل الجميل دة
فأرجو اننا جميعا نبحث عن هذا الكاسيت لأننا حين نجدة اصبحت المشكلة محلولة
اشكر جميع اعضاء المنتدى الكرام على تعاونهم فى هذا الموضوع