وش لكاسيت "Double Din" لعربية لانسر بومة

**hossamgaber** · 23-08-2010 10:04 PM

السلام عليكم .. كل عام وأنتم بخير :) أنا كنت عايز أغير الكاسيت من "One Din" ل "Double Din" الكلام ده فى عربية لانسر بومة ؟؟ كنت بعمل بحث فى جواجل و شفت الوش ده ؟؟ ياريت لو حد يعرف هوا بيتباع فين ولا إيه اللى الواحد ممكن يعمله علشان يغير القصة ده.. وشكراً للجميع

**k_devils** · 24-08-2010 07:57 AM

والله يا باشا انا بقالي سنه بدور على الموضوع دا وكل ما اسأل حد يقولي مش ها ينفع مع اني شفتها معموله في عربيات بس بره قبل كدا
مغيرين وش من 1din لل2DIN
وهي المشكله ان الوش دا مش موجود هنا لازم تجيبو من بره
لاني سألت عليه كتير هنا

**k_devils** · 24-08-2010 07:58 AM

ومش عارف حتى لو جبتو من بره في حد ها يعرف يعملو في مصر ولا لأ

**hossamgaber** · 24-08-2010 08:55 AM

أنا كمان مش عارف هل هبقا محتاج إنى أغير ال housing بتاع ال one DIN وأجيب housing لل Double Din طب ال housing ده كمان الواحد يجيبو منيين ؟؟ مكنتش فاكر إن الموضوع صعب كدة ؟؟

**hossamgaber** · 24-08-2010 10:39 PM

يا حماعة ياريت لو في أى واحد يعرف مكان فى مصر ممكن يكون بيعمل كدة ؟؟؟

**a7madramadan** · 05-09-2010 04:48 PM

الي في آخر صورة ده عامل كإنه Custom تقريبا فايبر جلاس و متلمع و معمول بوليش و واخد وش بوية ..... انا شوفت الموضوع ده بيتعمل في فيديو عاليوتيوب هاجيبهولكم .... كان بيركب آي باد في عربية وعملها housing مخصوص بالفايبر جلاس و اداله فالآخر معجون و بوية و بوليش والدنيا زي الفل ...

التشانيل دي هيه الي فيها الموضوع ده هوه في واحد من فيديوهات ال آي باد YouTube - Kanal von soundmancaraudio

وعموما اتفرجوا عالفيديوهات الي بيعملوها شغل نظيف قوي قوي ...... وممكن تستفيدو من الموضوع ده و تحاولوا تعملو حاجة زي كده لو لقيتوا الي يعملهالكم بنظافة

**eng_audi2002** · 07-09-2010 04:47 PM

المشاركة الأصلية كتبت بواسطة hossamgaber

طيب انا عايز وش زى ده بس العادى اللى هو متركب فى العربية
يا ترى الاقى العادى ده فين ويعمل كام ؟

**elbaz18** · 08-09-2010 08:39 AM

الوش العادى اللى نازلة بية العربية دة موجود كتيير فى الحرفيين استيراد لكن للاسف معرفش سعرة وجرب تسأل علية عند بتوع الجديد قبل ماتروح الحرفييين واشهر اتنين فى قطع الغيار الجديدة للانسر المنير فى فيصل والخواجة فى شارع البحر الاعظم

**momo44** · 13-09-2010 03:12 AM

عليك وعلى الحرفيين او بورسعبد

**elbaz18** · 13-09-2010 11:51 AM

ياباشا انا نزلت الحرفيين وسألت على الكاسيت اللى فى الصورة دة مالوش وجود وبكدة اكيد مش موجود فى بورسعيد لانى حافظ الحوار دة اى حاجة مش موجودة فى الحرفيين مش موجودة فى بورسعيد والعكس صحيح