السخان الكهربى

**mohkhattab** · 24-08-2010 11:36 AM

معلش يا جماعة هو سؤال رخم شوية بس معلش اعذرونى انا لسة جديد فى موضوع السخان الكهربائى .
انا عندى سخان كهرباء اولمبيك الديجتال . كنت عاوز اعرف هل فى ضرر لو انا فصلت الكهرباء عن السخان او بياثر على الحلة الداخلية للسخان ، لان انا حاسس انه بيستهلك كهرباء جامدة و مش بحتاج المياه السخنة فى حاجة لان المياة بتقى نزلة سخنة طبيعى .

**mrwho1982** · 24-08-2010 02:14 PM

بص انا كنت مستنيك امبارح عند اخناتون بس مش مشكلة ملحوقة

بالنسبة للسخان لا مابيتاسرش السخان ولو الحرارة عندك بتوصل لحد الاحمر علشان يفصل

كلم مركز الخدمة هيجي يغرللك الترموستات في 5 دقائق

يارب اكون ساعدتك وبصراحة عايز اشوفك واتعرف عليك

**kamalsalem** · 24-08-2010 02:25 PM

فصل السخان الكهرباء مفيهوش مشاكل

الترموستات بيبقى الحساسيه بتاعنه متغيرة يعني لو عارف سكته ممكن توطيه شوية ف السخان ميعدش يهري ف نفسه

**mohkhattab** · 25-08-2010 10:19 AM

شكرا يا ابو عبد الله و الاستاذ كمال على الرد ، بس اللى انا قصدى عليه انا انا عاوز افصل الكهرباء عن السخان طالما انا بره البيت لان طبعا هو بيفضل يسحب كهرباء جامد ، فانا كنت عاوز اعرف اذا كان فصل السخان و هو مليان مياه يأثر على الحلة الداخلية او على الترموستات