عايز اجيب النترا 2007 بس خايف ,,,,,,

**homos99** · 27-08-2010 10:59 PM

مساء الفل على كل الهونداوية الجامدييييييييين ......... كل سنة وانتو طيبييييين ,,,,

انا يا جماعة زهقت من موضوع شراء عربية جديدة وتعبت بقالى سنة بدرس السوووووق ولما جت الفلوووس خلاص بقيت محتار جدا ,,,,,

المهم انا قدامي النترا 2007 صاحبها قريبي واستخدام خفيف جدا لأنه بيسافر كتير عاملة 50000 وفابريكا جوة وبرة
المشكلة ان الكل خوفني من الباور اللي مش بيفصل والهبوط في العفشة مع التحميل في الكنبة اللي ورا والصاج الخفيف وقطع الغيار الغالية ؟؟؟؟؟؟؟؟؟؟؟؟؟؟؟؟

انا مش فارق معايا الصاج اكيد مش همشي اخبط في الناس وحتة لو خبط اكيد اي عربية صاجها هيطبق ,,,,
ومش فارق معايا بردو موضوع الهبوط لأني لسة طالب مش متزوج وقليل اوي لما تركب معايا العائلة ,,,

المشكلة في الباور لأني بجرى جدااااااااااا وساعات غرز ,,, فأنا خايف أوي يا جماعة من الموضوع دا ,,, انا بالسيفيا كنت بجرى وولا يهمني لأنها كان الباور عدى مش كهرباء وكانت الطارة بتتقل بعد ال 100 وسوقت السيفيك الجديدة بتاعتنا فترة وطبعا فظيييييييييعة في الثبات,, انا عايز بس حد يطمنى او يقولى كلمتين من الاخر ,,,,,

مشكلة قطع الغيار دي مش خايف لأنها هيونداي واكيد موجودة في كل حتة بس انها غالية دى مش فى صالحها ومستنى بردو كلام الخبراء وملاك العربية دي ........

اكتر حاجة مخلياني ماسك اوى فى العربية دي انها جرااااااية اوى والكل بيشكر فى التكيف والعفشة والصالون من الداخل ؟؟؟؟

مستنى ردودكم يا رجالة ؟؟؟؟؟؟؟؟؟؟؟؟

**semsem8080** · 28-08-2010 10:37 AM

أتكل علي الله مفيش مشكلة خالص من الباور

**samihanwar** · 29-08-2010 02:06 PM

متقلقش منها وعلى ضمانتى
وقطع غيارها رخصت عن الأول ومتوفره فى كل مكان
وبصراحه ليك حق أوى فى حكايه التجميع بتاعها ماشاء الله عليها
ربنا يوفقك

**ahmed_elrashash** · 29-08-2010 09:54 PM

اتوكل على الله الالنترا جميلة في كل حاجه وعن تجربة

**profimh** · 29-08-2010 11:47 PM

العربيه جميله جداا و فعلا فلوسها فيها معايا بقالهاسنه و زى الفل
اما بالنسبه للباور فمتقلقش منه و سيبك من كل اللى هتسمعه انت مجرد انك تمشى بيها مشواريين هتاخد عليه
و انا معاك لو عاوز تستفسر عن أى حاجه فيها.
ربنا يوفقك

**Abouelwafa** · 30-08-2010 02:15 AM

العربية ممتازة من جميع النواحي
ماكينة وعفشة وصاج ولاأهم من كل ده قطع الغيار
العربية مع والدي 2008 وممتازة
بس إحقاقاً للحق الباور بتاعها على السرعات العالية يخوف وخصوصاً إنك بتقول إنك بتاع سرعة وغرز
الباور على السعرعات الهادية والمتوسطة ممتاااااااااااااااز وياسلام في الركن
ومش هقولك على زاوية الرؤية في المرايات - غرز براحتك

**homos99** · 30-08-2010 05:56 PM

شكرا لكل الناس الجامدة اللى طمنوني ,,, ربنا يسهل ان شاء الله وتكون من نصيبي العربية دي لأنها بجد محترمة جدا وعجباني ,,,,,,, بس معلش سؤال يا جماعة .... عايز اعرف سعر تقريبي لبعض قطع الغيار ,,, مثلا المساعدين والتيل واكصدام وفوانيس وفلاتر ,,, واستهلاك البنزين عادي ولا زي السيراتو الجديدة والنيو اكينت cvvt اللى بيكون موفر في البنزين

**homos99** · 30-08-2010 06:00 PM

شكرا يا رجالة على الردود اللي طمنطني دي ,,, وربنا يجعلها من نصيبي ان شاء الله لأنها عربية محترمة جدا وعجباني ,,,,,,,
بس معلش كنت عايز اعرف اسعار بعض قطع الغيار ,,,, زي التيل و المساعدين والفلاتر والاكصدمات والفوانيس ,,,,,,,,,,
ومتوسط استهلاك البنزين ,,, يعني زي السيراتو الجديدة والنيو اكسنت cvvt