مشكلة مجنناني في المارش على ما أعتقد

**الصيداح** · 28-08-2010 05:44 PM

سلام الله عليكم

السيارة لما أجي أدورها الصبح الكونتاك يفتح عادي بس العربية مبتنطقش
زقة صغيرة وتدور عادي جدا وبعد كدة المارش يشتغل عادي جدا وممكن أصلا متدورش بالزق بس بعد رمية أو إثنين من الزق
أجرب أشغل المارش يشتغل عادي وتدور

المشكلة دي بلاحظها لما العربية تكون باردة يعني طول ماهي سخنة عادي جدا المارش شغال زي الفل ((ساعات قليلة جدا ميشتغلش وهي سخنة))

فإيه المشكلة دي وكل أما أروح لكهربائي طبعا بتبقى شغالة كويس فالمشكلة مبتظهرش قدامه علشان كدة بقعد أوصفهاله وهو ولا هنا
فالعيب ممكن يكون في حاجة غير المارش لأنه لسة جديد؟؟

السيارة رينو داتشيا97

وجزاكم الله خيرا

**ahmedmido_egypt** · 28-08-2010 06:36 PM

ممكن تكون البطارية

**ahmedezzat666** · 28-08-2010 06:58 PM

ممكن يكون الشربون بتاع المارش خلص
حصلت معايا قبل كده و اتصلت بواحد صحبى قالى افتح الكبوت و اخبط المارش باى حاجه عملت كده اشتغلت قالى ده شربون و غيرته و بعد كده كله بقى تمام

**elewey** · 29-08-2010 01:02 AM

وممكن يكون بردة اتوماتيك المارش

**karimfahmy99** · 29-08-2010 02:00 AM

كما ذكر الاخوة الافاضل . لازم تكشف ع المارش لانة ممكن شربون ضعيف او اوتوماتك المارش و ممكن يكون المارش عاوز كتاوت تقوية . انت بتقول مارش جديد يعنى جديد لانج و لا استيراد ؟ و لو استيراد هل اتفك و اتنضف و تم الكشف علية ؟؟

**الصيداح** · 29-08-2010 03:33 AM

لأ جديد إستيراد بس أتفك مرة واحدة
بس متعملش فيه أي حاجة الكهربائي بص عليه وقال مفيهوش حاجة وقفله
طيب تحديدا كدة العيب في المارش100%؟؟؟؟؟
لأن البطارية جديدة لانج

**karimfahmy99** · 29-08-2010 03:45 AM

هو 90% من المارش اما تنضيف و مراجعة الشاربون و الاتوماتك و لو لسة عندك المارش القديم خدة معاك يمكن لو الاتوماتك فى حاجة ممكن ياخد القديم . الاحتمال التانى و دا صعب بس ممكن يكون عيب فى فبرة الكونتاكت . خد الموضوع حاجة حاجة و اسال الكهربائى اذا كنت محتاج كتاوت تقوية للمارش و لا لأ

و برضة راجع على شحن العربية

**hemalotfy** · 29-08-2010 04:41 AM

حصلت معاي قبل كده وكان شربون
بيتفك وتجيبله طفم شربون وبيرجع تمام التمام

**yascro** · 29-08-2010 04:56 AM

المشاركة الأصلية كتبت بواسطة ahmedezzat666

ممكن يكون الشربون بتاع المارش خلص
حصلت معايا قبل كده و اتصلت بواحد صحبى قالى افتح الكبوت و اخبط المارش باى حاجه عملت كده اشتغلت قالى ده شربون و غيرته و بعد كده كله بقى تمام

+1111111111111111111111111111111111

**boing** · 29-08-2010 06:38 AM

لا يا اخي الفاضل المشكله عندك بالوصف اللي بتقولو
لما بتكون بارده بس يعني في اول اليوم وهيا لسه هتصحى تشقىفي طرقات مصر

المشكله عندك مش مارش لانها لو مارش هتعمل معاك الحركه الناقصه دي كتير

انت عندك العيب غالبا في طرمبة البنزين
هقولك حركه عشان نتاكد هل كلامي صح او غلط

لما تلاقيها عملت معاك الحركه دي حاول تفك الكنبه الورانيه هتلاقي تحتها التانك بتاع البنزين اللي فيه الطرمبه
اخبطك عليها جامد بخشبه او اي حاجه وجرب تدور كده

والله اعلم........ مستني ردك ع الخاص