اخر مواضيع المنتدى

العودة   نايل موتورز - NileMotors.net > :: الســيارات اليابــانية :: > تـويوتـــا
بحث مخصص
عزيزى الزائر انت غير مسجل لدينا حيث يمكنك التسجيل عبر اضغط هنا
إضافة رد
كاتب الموضوع asemx1 مشاركات 36 المشاهدات 2648  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
LinkBack أدوات الموضوع انواع عرض الموضوع
قديم 30-08-2010, 01:17 PM   #1
عضو فضي
 
الصورة الرمزية asemx1
البيانات الشخصية
مواضيعي / ردودي
الحالة
asemx1 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 30
معجب بمشاركة (أرسل): 3
معجب بمشاركة (تلقى): 66

Arrow شرح مفصل للنظام VVTi لمحركات تويوتا



السلام عليكم ورحمه الله وبركاته

كل واحد فينا عنده تويوتا سواء كورولا او ياريس او اى حاجه ماشيه بالبنزين بتبتدى من موديل 2000 هيهمه الموضوع دا اوى ......
اشمعنى ؟؟
لان عيب اوى انك تكون سايق عربيه ومش عارف الى فيها ومش عارف ايه التكنولوجيا الى محطوطه فيها (بالنسبالى كدا )
طيب موضوعنا بقى عن ال VVti وهوا اختصار Variable Valve Timing with intelligenc

معناها ايه ؟؟؟ معناها تغيير توقيت فتح وغلق الصمامات بتاعت ( السحب او العادم ) بذكاء مش فاهم حاجه اكيد صح ؟؟؟؟ اوعى تمشى الجاى احسن بكتير
اول شركه اخترعت النظام دا هيا تويوتا وكانت سنه 1996 وتم تطبيقها فى المواتير من اول 1999
.
.
ايه دا يعنى ماتورى مش نوعه VVTI ؟؟؟؟؟؟ لا ماتورك شغال بنظام VVTI

.
.
نيجى بقى للمفيد .....
فتح دماغك معايا كدا وتخيل الى بقوله

نظام vvti دا تطبيق لدوره miller القياسيه

.
.
هتلاحظوا ان المخطط هنا هوا القدره المفقوده او الغير مستفاده فى ال 3 اشواط ( انضغاط وسحب وعادم )
والاحمر كله هوا القدره المستفاده ( شوط القدره )
يعنى اييييييييييه ؟؟؟ يعنى القدره المستفاده اكبر بكتيييييير من القدره المستهلكه

ولبتوع هندسه بقى سبب الحوار دا هوا ان ال compression ratio اصغر من ال expansion ratio ....
.
طيب نيجى بقى للشرح البلدى اوى
ايه بقى الفايده من دا ؟؟

.
شايفين الى متشاور عليه بالسهم دا ؟؟؟ دا الصمامات
طيب الصمامات دى فايديتها انها بتدخل الهوا وبتخرج العادم فى توقيتات معينه فى الاشواط

بالنسبه لاى محرك مافيهوش vvti الصمام بيفتح وبيقفل مسافه معينه مابتتغيرش فى السرعات الهاديه او الكبيره
تخيل بقى ان اى صمام فيهم اقصى فتح ليه مسافه 3 سم فى شوط دخول الهواء فى اى سرعه
وتخيل انك ماشى على سرعه عاليه هيدخل هوا كتيييييير وبنزين كتييير علشان يكون خليط الوقود والبنزين متجانسين ويحدث اشتعال
طيب نيجى بقى على السرعات المنخفضه
برضو الصمام هيفتح 3 سم هيدخل كميه هوا كتير برضو وبنزين قليل وبكدا الاشعال مش هينفع يحصل وبالتالى هيضطر المحرك انه يعوض الفقد دا علشان المحرك ما يبطلش يدخل بنزين كتير
ايه دا ؟؟؟
يعنى الهوا هوا السبب وفتح الصمام وغلقه ؟؟؟؟؟؟
اكيييييييييد
ومن هنا جت فكره تغيير توقيت الصمامات
يعنى ايييه ؟؟؟؟؟؟
الصمام يفتح اكبر فتحه ليه فى السرعات العاليه ........ وفى السرعات المنخفضه يفتح فتحه صغيره على اد كميه البنزين المطلوبه ( يعنى توفير فى السرعات المنخفضه ورفع كفائه المحرك كتير )
.
.
طب ودا بنتحكم فيه ازاى ؟؟؟
1-كمبيوتر ECU او وحده التحكم بتاعت العربيه
2-ميكانزم هيدروليكى بيتحط على اول عمود الكامات ( مكانه من جهه السيور ) وهتشوفوه فى الفيديوهات
3-عمود كامات مزدوج وحر الحركه من جهه واحده ؟؟؟؟؟ هتشوفوه فى الفيديو برضو
4- ومن الميكانزم بيتم التحكم فى زاويه عمود الكامات عن طريق تغير ضغط الزيت داخل الهيدرولك ميكانزم مع كبس البنزين وتغير الاحمال
.
طيب ماتورك فيه كام vvti ???
.
.
فى نوعين من المواتير الى شوفتها موحودين هوا المواتير الى نازله فى محركات الياريس من اول نزولها لحد 2010 بتبقى احاديه ال vvti ودا بيتحكم فى توقيت صمام السحب بتاع الهوا بس
ونفسها موجوده فى الكورولا الشكل القديم والشكل الجديد بس الخليجى
وفى مواتير vvti مزدوجه ودى موجوده فى المواتير بتاعت الكورولا الجنوب افريقى
.
.
ودا فيديو للمواتير المزدوجه ال vvti بتاعت الكورولا الجنوب افريقى

.
هتلاحظوا وجود اتنين من الميكانزم الهيددرولك على عمود كامات السحب والعادم
ووجود واحد فقط على بتاع المواتير اليابانى والياريس
.
.
ودا شرح مفصل بالفيديو للميكانزم الفردى بتاع الياريس والكوورلا اليابانى

.
.
.
الجهل نعمه صح ؟؟؟؟ كدا انتا مش مصدق ان الماتور صاحى بجد عمال بيغير حاجات جواه وبيعمل حركات واحنا مش حاسين .... يالهوى
......... نيجى بقى للصوت تعرفه ازاى
تلاقى الماتور معاك فى السرعات الهاديه والبطيئه قطه هاديه وحنينه خالص وضعيفه
انما لما تعمل كيكايه كدا او تكبس بنزين على الاخر تلاقى صوته بقى زئير اسد ووحش طلع فجاه وسحب وتجميع سرعه بسم الله ماشاء الله ........ يعنى الماتور دا متصمم على انه يتجرى بيه عادى وتكبس عليه مش هيقول لا
عكس العربيات التانيه صوتها قريب من بعضه وهيا هاديه او بتجرى
.
.
واحد الحاجات الملحوظه جدا فى النظام دا هوا توفير البنزين فى كل حاجه زى التاكيف علشان كدا تلاقى ان العربيه مش بتاكل بنزين مع التكيف

.
.
ودا بيشرح الاحتراق بيبقى احسن فى ال vvti

دماغك وجعتك ؟؟؟؟؟ اكيدددددددد ؟؟
طيب لو تعرف بقى ان دواسه البنزين عندك كهربا ؟؟؟ مش سلك وكدا لا دا كهربا ( الياريس والكورولا الجديده )
انزل كدا تحت وشوف الدواسه هتلاقى متوصل بيها سلوك كهربا ومافيش سلوك معدن بتشد وكلام من دا ؟؟؟؟
طب ليه ؟؟؟
.
.
دا هيبقى موضوعنا القادم بازن الله مع الشرح
.
.
اكيد دلوقتى انتا فخور بعربيتك وماتورك بس المفاجاه ان دى حاجه بسيطه من الى تويوتا بتقدمهولنا فى عربياتنا وفى حاجات كتييييير موجوده ومستخبيه وان شاء الله هشرحها كلها بازن الله
.
.
اتمنى يكون الموضوع عجبكم ودا مش منقول دا من عمايلى من الاول للاخر ماعادا الفيديوهات
.
ادعولى وماتحرموناش من ردودكم
..
مع تحياتى ...
م/عاصم جاد

asemx1 غير متواجد حالياً   رد مع اقتباس
قديم 30-08-2010, 01:25 PM   #2
عضو فضي
 
الصورة الرمزية BLOODY_STONE
البيانات الشخصية
مواضيعي / ردودي
الحالة
BLOODY_STONE غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 71
معجب بمشاركة (أرسل): 1
معجب بمشاركة (تلقى): 91

افتراضي

لا لا لا انا دلوقتي فخور جدا بعربيتي ... انا اول ما اشوف حد دلوقتي حقعد اتنطط عليه بال vvti و اعمل نفسي فاهم بقى و حركات جامدة ..
انت بجد عبقري انا عايز اتصور معاك و انزل الصور عالفيس بوك ههههههههههههههههههههههههه ه

__________________
 
اخر مواضيعى

0 اسرع طريق من زايد ل مساكن الشيراتون
0 مطلوب سيارة اوتوماتيك
0 مطلوب تويوتا ياريس اوتوماتيك
0 وحوش الياريس ... اجمع
0 وحوش الزينون ياريت المساعدة

 
BLOODY_STONE غير متواجد حالياً   رد مع اقتباس
قديم 30-08-2010, 02:01 PM   #3
عضو فضي
 
الصورة الرمزية asemx1
البيانات الشخصية
مواضيعي / ردودي
الحالة
asemx1 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 30
معجب بمشاركة (أرسل): 3
معجب بمشاركة (تلقى): 66

افتراضي

باشا باشا انتا باشا مش انا والله ههههههههههه
بص يا معلم انا بصلح عربيتى بنفسى وبعملها صيانه بنفسى فخد منى المفيد يا معلم ومرسى على ردك الممتاز

asemx1 غير متواجد حالياً   رد مع اقتباس
قديم 30-08-2010, 02:46 PM   #4
عضو ذهبي
 
الصورة الرمزية Adham
البيانات الشخصية
مواضيعي / ردودي
الحالة
Adham غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 9
شكرًا (تلقى): 22
معجب بمشاركة (أرسل): 14
معجب بمشاركة (تلقى): 35

مـجـمـوع الأوسـمـة: 1

التميز



افتراضي

المشاركة الأصلية كتبت بواسطة asemx1 مشاهدة المشاركة
تخيل بقى ان اى صمام فيهم اقصى فتح ليه مسافه 3 سم فى شوط دخول الهواء فى اى سرعه
.............برضو الصمام هيفتح 3 سم هيدخل كميه هوا كتير برضو وبنزين قليل وبكدا الاشعال مش هينفع يحصل وبالتالى هيضطر المحرك انه يعوض الفقد دا علشان المحرك ما يبطلش يدخل بنزين كتير
حضرتك متأكد من 3 سم دي و للا تكون 3 مم

Adham غير متواجد حالياً   رد مع اقتباس
قديم 30-08-2010, 02:48 PM   #5
عضو فضي
البيانات الشخصية
مواضيعي / ردودي
الحالة
Dr Zezo غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 7
شكرًا (تلقى): 3
معجب بمشاركة (أرسل): 9
معجب بمشاركة (تلقى): 12

افتراضي

شرح مبسط و سلس

خاصة لمن لا يطيق الميكانيكا مثلي

شكرا جزيلا

Dr Zezo غير متواجد حالياً   رد مع اقتباس
قديم 30-08-2010, 02:50 PM   #6
عضو فضي
 
الصورة الرمزية asemx1
البيانات الشخصية
مواضيعي / ردودي
الحالة
asemx1 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 30
معجب بمشاركة (أرسل): 3
معجب بمشاركة (تلقى): 66

افتراضي

المشاركة الأصلية كتبت بواسطة adham مشاهدة المشاركة
حضرتك متأكد من 3 سم دي و للا تكون 3 مم

دى بتبقى بالملميترات وبتصل فى بعض المواتير الكبيره ل 1 و 2 و 3 سم واكتر كمان
بس انا بقول مسافه كبيره علشان القارئ يتخيل بس الحوار

asemx1 غير متواجد حالياً   رد مع اقتباس
قديم 30-08-2010, 02:52 PM   #7
عضو ذهبي
 
الصورة الرمزية Adham
البيانات الشخصية
مواضيعي / ردودي
الحالة
Adham غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 9
شكرًا (تلقى): 22
معجب بمشاركة (أرسل): 14
معجب بمشاركة (تلقى): 35

مـجـمـوع الأوسـمـة: 1

التميز



افتراضي

عمري ما سمعت ان فية صباب يفتح 3 سم قبل كدة : )

Adham غير متواجد حالياً   رد مع اقتباس
قديم 30-08-2010, 04:02 PM   #8
عضو فضي
 
الصورة الرمزية asemx1
البيانات الشخصية
مواضيعي / ردودي
الحالة
asemx1 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 30
معجب بمشاركة (أرسل): 3
معجب بمشاركة (تلقى): 66

افتراضي

المشاركة الأصلية كتبت بواسطة adham مشاهدة المشاركة
عمري ما سمعت ان فية صباب يفتح 3 سم قبل كدة : )

اديك سمعت اهو يا معلم وعلى فكره المواتير الديزل البطيئه الى بتستخدم فى المولدات بتبقى بتفتح اكبر من كدا

asemx1 غير متواجد حالياً   رد مع اقتباس
قديم 30-08-2010, 04:44 PM   #9
عضو فعال
 
الصورة الرمزية mo7amed3afifi
البيانات الشخصية
مواضيعي / ردودي
الحالة
mo7amed3afifi غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

Hاولا ربنا يجازيك كل الخير علي التعب والشرح الوافي
بس للاسفففففففففف
مش فاهم
!!!!!!!! !!!!!!!!!!!!!!!!!!

__________________
سبحان الله وبحمده
سبحان الله العظيم
"لا تدع النت او اللعب يلهيك عن الصلاة
"

 
اخر مواضيعى

0 حد جرب زيت موتور تويوتا الاصلي؟؟
0 الشبورة والزينون
0 تويوتا كورولا 2007 كاملة اوتوماتيك سعودى فيها abs ولا؟
0 عوامل الامن والسلامة للكورولا
0 Kia Soll

 
mo7amed3afifi غير متواجد حالياً   رد مع اقتباس
قديم 30-08-2010, 04:52 PM   #10
عضو ذهبي
 
الصورة الرمزية Adham
البيانات الشخصية
مواضيعي / ردودي
الحالة
Adham غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 9
شكرًا (تلقى): 22
معجب بمشاركة (أرسل): 14
معجب بمشاركة (تلقى): 35

مـجـمـوع الأوسـمـة: 1

التميز



افتراضي

المشاركة الأصلية كتبت بواسطة asemx1 مشاهدة المشاركة
اديك سمعت اهو يا معلم وعلى فكره المواتير الديزل البطيئه الى بتستخدم فى المولدات بتبقى بتفتح اكبر من كدا


انا كنت فاكر اننا بنتكلم على سيارات تويوتا ملاكي بنزين حديثة

Adham غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لمحركات , للنظام , مفصل , تويوتا , شرح , vvti

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
زيوت شيلد لمحركات الديزل والبنزين ehabpopo زيوت المحرك 4 08-10-2012 03:01 AM
زيت الديزل لمحركات البنزين essamenen ورشـــة نــايل مــــوتـــورز 8 27-05-2011 08:16 PM
زيوت فيسكو لمحركات نيسان أحمد علاء زيوت المحرك 27 05-01-2011 04:50 PM
خاص وحصري : بالصور والفديو ... تويوتا تطلق اول سيارتين هجين ... تقرير مفصل mo7a_mo7a تـويوتـــا 48 17-09-2010 05:23 PM
في المسجد.. متطوعين للنظام Hossam_Hassan المنتــــــدى الاجتمــاعى 4 03-02-2008 06:58 PM


الساعة الآن 04:44 AM.


Powered by vBulletin® Copyright ©2000 - 2014, Jelsoft Enterprises Ltd. ,
Content Relevant URLs by vBSEO 3.6.0 PL2
For ADs Mail to: Karim.Serag@GMail.com

جميع المشاركات تعبر عن اراء ووجهة نظر اصحابها فقط والمنتدى غير مسئول عنها