قطرات ماء (ياسلام على الشاعريه) .... تنساب من الشكمان (راحت الشاعريه)

**khaled_sabry** · 30-08-2010 02:25 PM

من 6 اشهر تقريبا (فى الشتاء اللى فات) جوان وش السلندر ضرب و غيرته بواحد جديد بدون خراطه
وقتها كنت بلاحظ كل يوم الصبح ان فيه قطرات ميه بتنزل من الشكمان لما بدور الصبح بدرى و الدنيا برد ... و عادى ده الطبيعي علشان بخار الميه بيتكثف جوه السلندرات بسبب بروده الجو

لكن الحكايه دى فضلت مستمره لغايه دلوقتى ( و احنا فى عز الحر اهه ) ... كل يوم الصبح لما ادور استني دقيقتين او تلاته و الاقى الشكمان بينطر قطرات ميه قليله و ملوثه بالكربون
فسؤالى بقى هل الكلام ده طبيعي ؟؟
ولا ممكن يكون الجوان فيه مشكله او بدايه مشكله و بيسرب ميه على السلندرات لما العربيه بتبرد ؟؟

مع العلم ميه الريداتير بتنقص حاجه بسيطه بسبب وجود ثقب صغير فى وش الريداتير
و مافيش عندى اى علامه من علامات جوان وش السلندر ( زيت مطحن - فوران فى ميه الريداتير- و السحب كويس و الموتور منتظم )

**ahmed_mido1889** · 30-08-2010 02:28 PM

الموتور لما بتكون حالته نضيفه بيكثف من الشكمان في اي فصل من فصول السنه

**wahba87** · 30-08-2010 02:34 PM

انا اعرف ان لما الشكمان يعرق الصبح كده دى حاجة كويسة

ربنا يباركلك فيها

**khaled_sabry** · 30-08-2010 02:44 PM

شكراااااااااااااااااااااا على سرعه الرد

المشاركة الأصلية كتبت بواسطة wahba87

انا اعرف ان لما الشكمان يعرق الصبح كده دى حاجة كويسة

ربنا يباركلك فيها

المشاركة الأصلية كتبت بواسطة ahmed_mido1889

الموتور لما بتكون حالته نضيفه بيكثف من الشكمان في اي فصل من فصول السنه

انا اعرف كده برضه .... بس ماكنتش اعرف ان التكثيف ده فى كل فصول السنه ..
بس حبيت اطمن لحسن يكون فيه احتمال عيب موجود فالحقه ... لأنى بصراحه انا استخدامى للعربيه نظيف اوى بس العربيه موديل 1978 و كمان انا هالكها مشاورير و التكييف على طول

.. فطبيعي لو كان فيه حاجه تعبانه .. فكنت عاوز اطمن بس

**cardevil** · 30-08-2010 05:22 PM

بسم الله ماشاء الله

اوعى حد يقولك ان دة غلط انا كان معايا هيونداى اكسنت موديل 98 مواصفات امريكانى والله وبدون مبالغة الميكانيكى كان دايما يقولى ماشاء الله انا مستغرب ان عربية موديل 98 لغاية دلوقتى بتعرق او بتجيب مية يعنى ودة يدل ان نسبة البخر عشرة على عشرة والموتور دورتة شغالة على اكمل وجة

دة كدة حالة الموتور بتاعك بسم الله ماشاء الله لسة زى مابيقولو متعلمش علية وواضح انك مش بتهين العربية ربنا يباركلك فيها

تقبل مرورى واقبلنى صديق

اخوك :: احمد

**khaled_sabry** · 31-08-2010 09:19 AM

المشاركة الأصلية كتبت بواسطة cardevil

تقبل مرورى واقبلنى صديق

اخوك :: احمد

ده شئ يشرفنى

**karimfahmy99** · 31-08-2010 11:02 AM

المشاركة الأصلية كتبت بواسطة khaled_sabry

و عادى ده الطبيعي علشان بخار الميه بيتكثف جوه السلندرات بسبب بروده الجو

التكثيف بيحصل فى علبة الشكمان و دا دليل على تمام نسب الخلط و صحة الموتور

**khaled_sabry** · 31-08-2010 12:31 PM

المشاركة الأصلية كتبت بواسطة karimfahmy99

التكثيف بيحصل فى علبة الشكمان و دا دليل على تمام نسب الخلط و صحة الموتور

طيب سؤال تانى معلشى
الكل اجمع على ان التكثيف ده علامه تمام نسبه الخلط و صحه الموتور
طيب نسبه الخلط دى من الكربراتير ... و ايه المقصود بصحه الموتور هل المقصود بيها حبك الشنابر مثلا ولا ايه بالظبط ??
معلشى انا بسألك كده لأن المالك السابق للعربيه يبقى عمى وهو كان بيعملها طقم شنابر كل سنتين كنوع من الصيانه .. و هو بيقنعنى دلوقتى اعمل زيه ... فلو كانت الدنيا تمام بالشكلك اللى بتقولو عليه يبقى ملهاش لازمه بقى

**karimfahmy99** · 31-08-2010 06:24 PM

طقم شنبر كل سنتين !!! لية هو كان بيعمل كام كيلو و لا كان بيعمل اية فى العربية ؟؟

صحة الموتور يعنى الكبس كويس و الخلط كويس و طبعا متعملش زيية . طقم الشنبر دى مرحلة تسبق العمرة لما الموتور يخف

**smsm_nabawy** · 01-09-2010 04:01 AM

أخي في الله ده شيء طبيعي ،، على حد علمي ،، عربيتنا شاهين أنجكشان جيبنها زيرو ، من ساعة مجبناها و هي كده ،، على حد علمي دش شيء صح ، و بيدل أن الموتور بتاعك نظيف ،، وده ناتج عادي ،، عشان بخار المية اللي ناتج من أحتراق الوقود في العربية و تكثفه على الشاكمان عند خروجه من فتحته ،،