عايز أجيب فلتر تكييف أي عربية

**D . a .\ AYMAN** · 31-08-2010 11:55 PM

دلوقتي أنا عربيتي مافيهاش فلتر تكييف ومع الوقت لاقيت السربنتينة بتاعة التكييف اللى جوة تحت التابلوه إتسدت من كتر التراب وقوة إندفاع الهواء منها قلت بدرجة كبيرة جدا والمروحة بقت ضعيفة جدا بالتبعية

قعدت أنضف فيها لما عيني طلعت .. لأن مكانها مش مريح .. والحمدلله التكييف دلوقتي رجه تلاجة تاني زي الأول ...

ولما سألت إزاي التكييف من غير فلتر أمام الهواء .. لاقيت الرد في التوكيل إن العربية دي بتنزل من غير تكييف

بالرغم إني ملاحظ مكان مجهز لتركيب فلتر أمام السربنتينة ولكنه مقفول

دلوقتي أنا عايز أجيب أي فلتر تكييف بتاع أي نوع عربية وأقصه على قد المقاس بتاعي وأفتح المكان المقفول بتاع الفلتر عندي في التابلوه وأركبه

بس المشكلة إني مش عارف أجيبه منين ... نزلت التوفيقية سألت كل محلات الإكسسوارات هناك كلهم بيقولولي عند بتوع التكييفات ... سألت كذا واحد بتوع تكييفات عربيات يقولولي عند بتوع الإكسسوارات

بتوع قطع الغيار ماعندهمش برضه

ياريت اللى يعرف يقوللي ممكن أجيبه منين

**D . a .\ AYMAN** · 06-09-2010 06:44 PM

up up

**caysersosaih** · 06-09-2010 09:06 PM

بص يا باشا شوف مقاس الحوض الي بيركب عليه الفلتر بتاعك ودور علي النت علي عربيات ليها نفس المقاس عشان الفلتر بيبقي لية اطار بلاستيك
وخلي بالك ان الفلتر هيمنع الروايح والتراب من المروحة بس مالهوش دعوه بالسربنتينه
اعمل بحث علي: Cabin filter
pollen filter

**maka** · 06-09-2010 10:37 PM

متابع

**D . a .\ AYMAN** · 07-09-2010 02:31 AM

المشاركة الأصلية كتبت بواسطة caysersosaih

بص يا باشا شوف مقاس الحوض الي بيركب عليه الفلتر بتاعك ودور علي النت علي عربيات ليها نفس المقاس عشان الفلتر بيبقي لية اطار بلاستيك
وخلي بالك ان الفلتر هيمنع الروايح والتراب من المروحة بس مالهوش دعوه بالسربنتينه
اعمل بحث علي: Cabin filter
pollen filter

أنا بتكلم على السربنتينة الداخلية بتاعة التلاجة الى بتكون موجودة في التابلوه وليس الخارجية اللى موجودة في حوض الموتور

عموما مش هايفرق معايا الإطار البلاستيك ممكن أعمله بأي شكل بعد ما أقصه .. لكن ماعرفتش أوصل من على جوجل لمقاس عربيتي أو حتى مقاس أي عربية تانية

المشكلة إن عندي التلاجة صغيرة جدا بحكم إن العربية صغيرة برضه وأعتقد مش هلاقي فلتر بمقاسها كده على طول

أنا نفسي بس أعرف أجيب منين فلتر تكييف جديد بتاع أي عربية حتى ...

ونفسي في بتاع الجين تو لأني شوفته وعجبني جدا خاماته وأعتقد مش غالي لأني شوفت مشاركة هنا بتقول إنه في حدود 17 جنيه بس مش لاقيه خالص عند أي حد

ياريت ياجماعة أي حد عنده معلومات بيجيب فلتر تكييف عربيته منين يقولنا