الموضوع: عندى مشكلتين حاول تحلهم معايا

السلام عليكم ,...

انا طالب مساعدتكم عشان اخلص من شوية مشاكل فى عربيتى و اكيد هنفيد كل الاعضاء لأنى هتابع معاكو المشاكل و هقول النتيجة عشان افيد الكل انشاء الله

اول حاجة لما بدور العربية وهى باردة بلاقى الار بى ام تحت ال 1 و بتفصل على طول و طبعا بضطر ادور تانى و ازود بنزين لحد اربى ام 2+ عشان العربية تتظبط على بال لما تسخن ... حاولت اعرف المشكلة من اية و فى حاجة ممكن تكون السبب و انا باخد رأيكوا ان دواسة البنزين لما بدوس عليها مش بترجع للأخر تانى , لأ بتزود الار بى ام "5." تقريبا يعنى لو انا دورت والار بى ام كان على 1 و ثابت ادوس بنزين و اشيل رجلى الاقيه ثبت على 1.5 جربت اشد الدواسة لبرة الار بى ام نزل تانى يا ريت اكون قدرت اوضح , المهم انى بضطر اعلى العربية من سلك الاكسيراتير عشان العربية متبطلش و بخليه تحت الواحد بحاجة بسيطة عشان لما ادوس بنزين و اسيب يبقى 1,4 تقريبا عشان العربية تتظبط و انا ماشى ... حاول اخلى الادواسة ترجع للأخر و تثبت بأى طريقة مش نافع لأنها مع دوستين بنزين او 3 بتزيد نص ار بى ام اللى هى 500 لفة يعنى ... العربية بقى بتيجى عند ار بى ام 1.7 بالظبط و تنتش و لاحظتها كذا مرة ان لما الار بى ام يبقى على 1.7-1.8 العربية بتنتش لاكن لو خدته على السريع يعنى خليته يطلع من 1 ل 2 ار بى ام بسرعة مش بتنتش طبعا انا عشان اتعودت عليها بقيت بعرف اتعامل مع الموقف بس المشكلة ان العربية 100% بتنتش لما اكبس بنزين مرة واحدة حتى لو مش لأخر الدواسة .. بعنى دلوقتى العربية لو واقفة و دست نص دوسة بنزين العربية تنتش جامد و دة طبعا خطر لأن ممكن تبقى فيه عربية ورايا بنفس سرعتى و عربيتى تنتش وهو يلبس فيا ...هل العيب ممكن يبقى فى سلك الاكسيراتير ولا سلك الاكسيراتير ميعملش كدة؟؟ مع العلم انى مغير بوجيهات اصلى ngk ونفسى اكبس بنزين و انا واثق عشان ان العربية مش هتنتش عشان اللى ورايا طبعا انتو عارفين الاحساس دة ..

المشكلة التانية لو انا مدور العربية وواقف برة بسمع رجة كل 3 ثوانى تقريبا ناحية الشكمان بس وقفت عند الشكمان لقيت ان الصوت جى من ورا الجنط الخلفى اللى ورا السواق (ناحية الشكمان بس جوة) هل كدة ممكن الشكمان يبقى مخروم مثلا؟ وهل لما الشكمان يبقى مخروم استهلاك البنزين يزيد؟ لأنه مجرد احساس ان استهلاك العربية زاد بس مش عارف دة صح ولا غلط , المشكلة انى لما قربت من فتحة الشكمان نفسها حسيت بصوت فرقعة بس بسيط اوى ميبانش غير لو ركزت اوى و طبعا ريحة العادم مش طبيعية و ريحتها جامدة اوى مع العلم ( ان مفيش اى نوع من انواع الدخان الظاهر اللى طالع من الشكمان او اى رذاذ اسود خارج برده)

اكون شاكر ليكو لو كل واحد يحاول معايا من خلال خبرته و نحل المشكلتين دول انشاء الله

العربية BMW E30 Mo:90 1600 injection

المشاركة الأصلية كتبت بواسطة l0new0lf

موضوع العربيه و هى بارده و لعب ال ار بى ام ده حساس الايدل مش شغال كويس جرب الاول تنضفه و تنضف البوابه
و على فكره حساس الايدل لما بيكون مش شغال كويس الاسكانر مبيطلعش ايرور كود و بيقول كله تمام عن تجربه

شكرا لردك قصدك بحساس الايدل اللى هو الافومتر ؟ و اعمل سكانر فين؟ وبكام؟ معلش اصل عربيتى القديمة مكنش فيها الكلام دة ومش عايز اروح للميكانيكى عشان خايف تطلع حاجة تافهة و اضيع وقتى ووقته...