الموضوع: أسعار الشقق فى مدينتى - بين الواقع والخيال

مهما كانت الخدمات اللي هاخدها مش للدرجة دي
طبعا لا يمكن(بيتهيألي)
ليه ماحطيتش في الاختيارات أقدر أشتريها بس مش هاشتريها؟

المشاركة الأصلية كتبت بواسطة abdelaziz-waleed

الله ينور عليك انا لو معايا مليون جنيه اشتري قطعة ارض وابني عليهم فيلا صغيرة احسن طبعاً مش شرط تكون في منطقة راقية يعني ممكن تكون على اطراف القاهرة على الاقل تكون بعيدة عن الزحمة والقرف

+10000000000000
________

لم اشارك فى الاستطلاع لانى
مش هشتريها ابدا حتى ولو معايا فلوسها ببساطة لانى ارى فيما يرى الحالم انها مجرد وجاهة اجتماعية وده اصل التسويق للشقق دى وبما انى لا اقيس الناس بشققها فهى لا تهمنى جملة وتفصيلا

عايز تعرف حضرتك الزيادات ليه ؟
اقولك انا الاسباب والحلول ده لو حد عايز يحل او يهمه اصلا

1- السماح بدخول الاجانب الى اسواق العقارات زى الخليجين كده اللى بيشتروا كتير اوى ويسقعوا ويبيعوا وطبعا الاسعار تبقى فى السماء . على عكس عدم سماح دول الخليج بشراء الاجانب عقارات فى دولهم

2- مزادات الاراضى اللى خلت الشركات المحليه والاجنبيه تدخل تشترى بارقام فلكيه والمكسب اكتر من مضمون وخصوصا بسبب اندفاع العرب الكبير على الشراء

3- العراقيين الوافدين لمصر من اهم الاسباب ونلاقى مناطق زى مدينه نصر الاسعار فيها بقت فلكيه فى ايجار او تمليك بسببهم وبسبب توافر السيوله معاهم بطريقه كبيره فطبعا الاسعار لازم تعللى اوى

4- المصريين نفسهم من الاسباب الكبرى شايفين الاسعار بتغللى اوى فكل واحد معاه سيوله (ودول كتير جدا) دخل يشترى اراضى او شقق كتير فى المدن الجديده او عمارات . بلدك فيها مليونيرات بطريقه متتخيلهاش .

5- لازم طبعا الكل بيستثمر وبيشترى ان الاسعار تعللى وتعللى اوى من الاسباب دى كلها وفى الاخر الراجل اللى عايز شقه علشان يبدا حياته او عايز شقه اكبر علشان عائلته بتكبر هيضطر انه يدفع او ياخد قروض من البنك او يضرب الارض تطلع بطيخ باى طريقه

6- الحلول : منع استثمار الاجانب فى القطاع العقارى , تقنين شراء الوحدات والاستحواذ على اراضى وشقق الشباب

ومنع استثمار الاجانب مش ضرب من الخيال ولا انهم مش هيبيعوا لا بالعكس انت ممكن تفرض عليهم بشروط معينه انهم يبيعوا العقارات او نسبه منها مقابل اسعار معقوله فى مقابل تمويل من بنوك يقدر يبيعلك الشقق دى بعدها للى مستحقها من المصريين