الدبرياج !!!؟؟

**cOrn** · 04-09-2010 07:08 AM

دلوقتى العربية كانت 100 100 و ماشى بيها ركنتها بالظبط ساعتين او ثلاثة لقيت اية ؟ لقيت الدبرياج خفيف اوى زى الريشة لحد 60% مثلا من الدواسة , المهم قعدت ادوس علية كتير ورا بعض "اكارك" عشان يمكن يطلع مفيش , وانا ماشى فضل يخف اكتر وركنت العربية بطلوع الروح لأنها فى اخر مرة بعدل فيها العربية وانا بركن الدبرياج تقريبا فصل و اضطريت ادوس بكل قوتى على الدبرياج عشان اعرف انقل , والحمدلله ركنت , جربت انق وانا واقف بقى مفيـــــــــــــش اى امل قعدت اكارك على الدواسة مفيش , رحت صليت الفجر ورجعت قلت افك الفيبر اللى تحت الطارة يمكن اكتشف حاجة مفيش اى حاجة , رحت فاتح الكبوت فصلت فيشة زيت الباكم فتحت القربة , الزيت لونة كويس , و مستواة مقلش رحت مركب الفيشة تانى , دورت , جربت انقل , نقلت معايا , قولت اجرب امشى بيها طبعا فى شارع جانبى عشان متعملهاش معايا , مشيت العربية بس برده الدبرياج خفيف اوى و بيلقط بنزين بسرعة يعنى مجرد مشيل رجلى بنسبة 20% العربية تطلع معايا من غير مادوس بنزين مع ان فى الاول كان لازم اشيل رجلى تقريبا 80% عشان العربية تبتدى تتحرك , حد عنده حل ؟ عشان انا رايح للميكانيكى النهاردة و هو مش قريب من بيتى , و خايف تقطع منى فى السكة او مترداش تنقل !!! و اكيد لما فصلت الفيشة و فتحت قربة زيت الباكم حصل حاجة عشان كدة الدبرياج لقط

اسف للاطالة ! ومستنى خبراتكم , شكرا

**samihanwar** · 04-09-2010 03:32 PM

ده ماستر الدبرياج
تلاقيه عاوز طقم اصلاح
انشاء الله بسيطه

**cOrn** · 04-09-2010 07:47 PM

الدبرياج طلع واخد هوا و الميكانيكى ظبته بكمبروسر هواء و الدواسة رجعت مكانها

**mahmoud5777** · 06-09-2010 11:33 AM

المشاركة الأصلية كتبت بواسطة matrixco

الدبرياج طلع واخد هوا و الميكانيكى ظبته بكمبروسر هواء و الدواسة رجعت مكانها

بسيطة الحمد لله بس الهوا دخل منين ده سؤال ؟ علشان العيب ده ميتكررش

**cOrn** · 06-09-2010 11:42 AM

انا خليته يكشف على ماستر الدبرياج قالى سليم 100% و قالى ان الموضوع دة ممكن يحصل بسبب الاستخدام الزائد لدواسة الدبرياج يعنى انى افضل دايس عليه لفترة و طبعا دة اللى بيحصل فى الزحمة

**rasim** · 06-09-2010 02:53 PM

السلام عليكم
والحمد لله على سلامة العربية
المهم طب الواحديعمل ايه فى الزحمه ؟؟؟؟

**love7amada** · 06-09-2010 03:25 PM

المشاركة الأصلية كتبت بواسطة rasim

السلام عليكم
والحمد لله على سلامة العربية
المهم طب الواحديعمل ايه فى الزحمه ؟؟؟؟

+1111111

**cOrn** · 09-09-2010 07:25 AM

يركن عربيته و يخلى دبرياج التاكسى هوا اللى يبوظ

**karimfahmy99** · 09-09-2010 07:35 AM

المشاركة الأصلية كتبت بواسطة matrixco

انا خليته يكشف على ماستر الدبرياج قالى سليم 100% و قالى ان الموضوع دة ممكن يحصل بسبب الاستخدام الزائد لدواسة الدبرياج يعنى انى افضل دايس عليه لفترة و طبعا دة اللى بيحصل فى الزحمة

رد الميكانيكى مش داخل دماغى. الدايرة مغلقة . ماستر عمومى ماستر دبرياج خزنة زيت . يعنى دائرة مغلقة . مجرد تقول واخد هوا يعنى الدايرة فتحت . اية علاقة الدوس كتير بفتح الدايرة عشان تاخد هوا ؟؟؟؟؟ و على كلامة بقى ممكن الفرامل كمان تاخد هوا من كترة الدوس و تيجى فى مرة تدوس متلاقيش فرامل يا ترى هيكون ردة اية ؟؟؟؟؟