اول خربوش........

**medo666** · 06-09-2010 04:20 PM

كنت اتمني ان لا احكي هذه القصه ولكن قدر الله وما شاء فعل..........انا معايا لانسر بومه 2010 بقالها 3 شهور بالضبط وكنت في مشوار مع والدي لقريتنا وهناك طبعا انتم عارفين ان نزول عربيه بالمستوي ده للارياف حاجه جامده جداالمهم الوالد قاللي هنا فيه جراج مش مستعمل دخل فيه عربيتك المهم جيت ادخل العربيه واضبط مسافاتي لاقيت فيه حجاره كبيره ادام الجراح وللاسف خبطت فيها وسابت اثر في اخر الاكصدام تحت النمر بالضبط هما ممكن يكونوا صغيرين مش كبار لكن خلوني متنكد طول اليوم وحاولت معالحتهم عند بتوع الكماليات باي شكل زي وضع كلمه لانسر او ماشابه لكن لاقيت شكلهم وحش قوي فسبتهم زي ما هما ومن يومها وانا مزاجي متعكنن كل ماشوف العربيه ومش راضي اركبها قولولي ايه الحل؟وربنا يكفيكم شر الخرابيش والحكات

**kikoo** · 06-09-2010 05:09 PM

معلش كويس انها جت على قد كده ويعدين احسن مكانت تيجى فى حاجه اكبر واههى حاجه بتفدى حاجه ويارب ميكررلكش اليوم دا تانى

**Ayman-Ahmed** · 06-09-2010 05:13 PM

المشاركة الأصلية كتبت بواسطة medo666

كنت اتمني ان لا احكي هذه القصه ولكن قدر الله وما شاء فعل..........انا معايا لانسر بومه 2010 بقالها 3 شهور بالضبط وكنت في مشوار مع والدي لقريتنا وهناك طبعا انتم عارفين ان نزول عربيه بالمستوي ده للارياف حاجه جامده جداالمهم الوالد قاللي هنا فيه جراج مش مستعمل دخل فيه عربيتك المهم جيت ادخل العربيه واضبط مسافاتي لاقيت فيه حجاره كبيره ادام الجراح وللاسف خبطت فيها وسابت اثر في اخر الاكصدام تحت النمر بالضبط هما ممكن يكونوا صغيرين مش كبار لكن خلوني متنكد طول اليوم وحاولت معالحتهم عند بتوع الكماليات باي شكل زي وضع كلمه لانسر او ماشابه لكن لاقيت شكلهم وحش قوي فسبتهم زي ما هما ومن يومها وانا مزاجي متعكنن كل ماشوف العربيه ومش راضي اركبها قولولي ايه الحل؟وربنا يكفيكم شر الخرابيش والحكات

الحمد لله على كل حال.وربنا يسترها ويحمينا فى ما وهبنا.

لو ممكن صورة للخدش ده.وهتلاقى ناس كتير هنا تساعد بمشيئة الله.

**kamalsalem** · 06-09-2010 05:14 PM

والله انا مكنتش باعتقد في الحاجات دي لكن بعد التجربة اه فعلاً في حاجة اسمها العربية تاخد عين الزيرو

انا مستلم العربية من المعرض فيها نقرة طوبة في الاكصدام اللي ورا وباينة في النور وانا شفتها وانا بستلم بس قلت الحمد لله على قد كده

العربية في الاول وفي الاخر وسيلة مواصلات ومتنكدش نفشك عشانها... كلنا بنركب والعربيات بتتبهدل معانا و كل سنة ولا 2 العربية تتشد وتترش وترجع فبريكة ونجيبه من اوله

**د.محمود صلاح** · 06-09-2010 05:47 PM

لا تحزن .. كلنا تعرضنا لمثل هذا الموقف .

**mahmoud_afifi** · 06-09-2010 05:59 PM

الحمدلله على كل شئ, عشان تعرف ان ده شئ مقدر هحكيلك على حاجه حصلت معايا.
كنت ماشي على الدائري من ناحية المعادي رايح امتحان. كنت جنب عربيه نقل بس من ورا شوية , كان في حته مكسره في الطريق والعربيه النقل مع انها ماكانتش شايله لا طوب ولا حجاره الا انها وقعت 3 دبشات كبار من عند الكاوتشات, قدرت افادي 2 والتالته خبطت في الارض وردت بقوه في الرفرف الامامي يمين. الحمدلله انها ماطبقتش بس الصاج بقى باين وصدا. ايه رأيك في البلاوي الي بتتحدف على الواحد دي ؟

**m7nsh** · 06-09-2010 06:07 PM

ولا تزعل نفسك .. وسيبها فتره تاخد العين .. و لكن لازم تبقى مقتنع داخليا تمام الأقتناع ان الحجات دى عندنا فى مصرنا عادى ولا بد منها .. فداك يا زعيم وولا يهمك

**Ghamrawy** · 06-09-2010 06:11 PM

عادى ما تزعلش نفسك و هيا فعلا بتبقى عين
انا فى اسبوع واحد حصل الاتى :
الواد اللى فى الجراج ريح جامد بايده على الكابوت و عمل فيه نغزة
فى ملف الشاطبى على الكورنيش الملعون الاخ اللى كان على شمالى قرر انه ماشى على طول و انا داخل شمال و النتيجة رفرفه فى الباب بتاعى و برضه عمل نقرة
و انا رايح للسمكرى علشان يظبط نقرة الباب دى تاكسى لادا و انا بفاديه قدرت مسافة غلط و كسرت بدرى و النتيجة الاكصدام الورانى بتاعه حك فى داير الرفرف الشمال الخلفى بتاعى و النتيجة 3 نزغات صغيرين
و اخيرا نقرة كان بيبسى طار من تحت عجل عربية على يمينى و دخل فى الباب اليمين

و العجيب و المثير للدهشة ان كل النقر و النغزات دى ما تنفعش تتصلح علشان وراها عضم
يعنى حاتفضل موجودة فى وشى طول ما العربية معايا

و الحمد لله
وحسبى الله و نعم الوكيل
اللهم قاتل و انتقم من صاحب تلك العين الحسودة الحاقدة

-

الموضوع: اول خربوش........

LinkBack

أدوات الموضوع

عرض

-

-

-

المواضيع المتشابهه

خربوش جامد عميق وطويل

اكسنت 2005 فابريقة بالكامل بدون خربوش.

محدش يعرف ازاى اعالج اى خربوش فى العربيه

استفسار بسب خربوش فى العربيه

N95 مفيهوش خربوش بضمان i2

الكلمات الدلالية لهذا الموضوع

المفضلات

المفضلات

ضوابط المشاركة