بسمع صوت طرقعه من الركبه من بعض المصلين اثناء السجود
هذا سببه ايه.... وهل له تاثير فيما بعد على مفصل الركبه ........وهل له علاج
عرض للطباعة
بسمع صوت طرقعه من الركبه من بعض المصلين اثناء السجود
هذا سببه ايه.... وهل له تاثير فيما بعد على مفصل الركبه ........وهل له علاج
السلام عليكم
أنا عندى المشكلة دى برضة بس انا وزنى تقيل انا وزنى 125 كيلو و طول 179 سم
متابع ..........
الموضوع ببساطة شديدة :-
طرقعة الركبة لها أكثر من سبب :-
- ممكن نتيجة تغيير مفاجئ لوضع المفصل من وضع الأنفراد أو الأستقامة Extension إلي وضع الثني Flexion ,, مما أدي إلي حدوث الطرقعة كرد فعل لحركة المفصل المفاجئة ..
- ممكن نتيجة خشونة في الركبة أو بداياتها ..
- أصابة بأربطة الركبـة .
لتفادي الطرقعة ايا كانت في اي مفصل :-
1- تفادي الحركة المفاجئ ..
2- الأهتمام بالرياضة او المشي اليومي مع وزن مناسب للطول ( الوزن الزائد عن الحد الطبيعي من أسباب العجلة في ظهور خشونة مبكرة) ..
3-الأغذية الغنية بالكالسيوم و الفيتامينات ..
عافانا الله و أياكم يا رب ..
شكرا لردك
طيب والطرقعة في مفصل القدم اثناء المشي مع ملاحظة ان وزني قليل
اولا الف سلامة علي كل مريض
انا مش طبيب بس كنت بلعب رياضة وعندى خبرة صغيرة فى المجال ده
انا اعتقد ان اللى بيحصل لحضرتك ده بسبب ضعف فى عضلات الفخذ
ده بيخلى المفصل مش مشدود وكمان الصابونه مش فى مكانها وطبعا زيادة فى الوزن
او لو حتى بدون زيادة بيكون العضلات والاربطة اللى ماسكة المفصل غير قادرة على القيام بوظيفتها على الوجه الأكمل
ده على المدى البعيد بيأثر على غضاريف الركبة وعلى عظم المفضل بيخليها تتأكل
وده نتيجة للأحتكاك فى اماكن مش المفروض انها تحتك ببعض
العلاج بسيط للغايه وسهل جدا جدا جدا بس عاوز مداومه وتركيز فى اللى حقوله
العلاج عبارة عن تمرين سهل وبسيط ومش محتاج انك تروح للجيم خالص
ركززززز كويس
.* حضرتك بتقعد على ترابيزه عاليه عن الارض بحيث قدم رجلك ميلمسش الأرض
.* وبعدين بترفع رجلك
( رجليك الاثنين مع بعض )
فى فى مستوى الترابيزة
( يعنى تفرد ركبتك وترجع تتنيها تانى )وده عدد 15 مرة
( المرة فرد وثنى )
وبعدين فى العدة ال 15 بتثبت رجليك فوق وهى مفروده على مستوى افقى وتعد 15
( كأنك بتفردها وتثنيها بس وهى مفرودة بس يعنى مجردد عدد )
.* وبعدين تنزل رجلك وتريحها لمده 15 عدة تانية
وتكرر التمرين ده كامل اى عدد من المرات وكل ما يكون عندك فرصه انك تعمله
وبعد اسبوع من ممارسه لتمرين ده يتبتدى تعمله بس مع زيادة بعض الأحمال البسيطة زى مثلا تحط مخدة على رجليك الاثنين وتعمل التمرين بنفس الطريقة
وتبدا فى زيادة الأحمال كل فترة مثلا كل يومين او 3 وان شاء الله الطقطقة دى حتروح وان شاء الله مع الوقت حتلاقى ان الألم كمان راح
والله أعلم
مع اطيب تمنياتى بالشفاء العاجل
ولا تنسونا بدعائكم بظهر الغيب
بدايات خشونه ركبه
+1111111111
التمرين ده جميل جدا يا أ/ هارون ..:Ta_clap[1]:
بس يفضل انه بدل ما يقعد علي ترابيزة ,, يقعد علي كرسي عالي بظهر ,, و يمسك في جانبي الكرسي بيديه ,, و ساند ظهره كويس ,, و يبدأ التمرين ..
في كمان طريقة لذيذة و أسهل : انه يقعد علي ترابيزة عالية او كرسي عالي عن الأرض , و يبدأ يفرد رجل واحدة فقط و يثبت لـ 10 - 15 عدة,, و بعد كده ينتقل للرجل الأأخري ..
بالأَضافة للمشي اليومي ..