الكربراتير والتكييف والار بي ام

**Abody1985** · 07-09-2010 05:08 PM

السلام عليكم

عندي مشكلة جديده لسه ظاهره العربية كانت زي الفل مره واحده لاقيت ان العربية بتبرجل من غير التكييف وده شيء غريب طبعا
رحت للميكانيكي قعد يظبط كهربة الماتور وانتهت ان الار بي ام بتاع العربية بقى يوطا خالص لما التكييف يشتغل وده طبعا عكس الاول تماما كان الاول التكيف يشتغل العربية تعلى شوية والار بي ام يزيد شوية دلوقتي العكس
انتهت ان الميكانيكي قالي ان ده عيب الفاكيوم اللي واصل بالكربراتير ودي مشكلة كربراتير
عربيتي جولف 2 1600 كربراتير
شكراا على الردود مسبقااااااا

**samirayad** · 07-09-2010 08:39 PM

انتهت ان الميكانيكي قالي ان ده عيب الفاكيوم اللي واصل بالكربراتير ودي مشكلة كربراتير

الكربوراتير من الأجزاء التى تتعرض للسدد الجزئى من الملوثات الموجوده بالبنزين والهواء

وبالتالى يحدث خلل جزئى فى مسارات كل من الهواء والبنزين مع أستخدام السياره

وبالتالى أنصح حاليا بمحاولة نظافة الكربوراتير ( على الوجه الأكمل )

لدى متخصص مع تغيير فلتر الهواء وتجربة الآداء الجديد

**caysersosaih** · 07-09-2010 10:31 PM

في جزء في الكاربيراتير اسمه الجفرنر وبيتوصل بيه خرطومين فاكيوم من ورا الكاربيراتير لو الخراطيم مسدودة او متشاله هتعمل كده عشان وظيفتهم تعلية الrpm
مع التكييف عن طريق سحب الدواسه بتاعه البنزين سنة صغيرة

**Abody1985** · 07-09-2010 11:13 PM

المشاركة الأصلية كتبت بواسطة samirayad

الكربوراتير من الأجزاء التى تتعرض للسدد الجزئى من الملوثات الموجوده بالبنزين والهواء

وبالتالى يحدث خلل جزئى فى مسارات كل من الهواء والبنزين مع أستخدام السياره

وبالتالى أنصح حاليا بمحاولة نظافة الكربوراتير ( على الوجه الأكمل )

لدى متخصص مع تغيير فلتر الهواء وتجربة الآداء الجديد

هو حاول تنظيفه بالاسبراي بس محصلش اي حاجة بس الواضح من كلام سيادتك ان حضرتك متأكد انه كربراتير انا بس كنت مستغرب اني هروح لبتاع الكربراتير اقوله عاوز اظبط العربية والتكيف ع الكربراتير

**samirayad** · 07-09-2010 11:22 PM

المفروض حاليا

تخليه يرجع كهربة المكنه لوضعها الطبيعى ( على قديمه )

وتنظف الكربوراتير بطريقة التفصيص العاديه

لأن أستعمال الأسبراى غير مجدى معاك حاليا

نقدر نقول الحاله حاليا تستدعى النظافه بالطرق التقليديه

**Abody1985** · 08-09-2010 12:04 AM

المشاركة الأصلية كتبت بواسطة samirayad

المفروض حاليا

تخليه يرجع كهربة المكنه لوضعها الطبيعى ( على قديمه )

وتنظف الكربوراتير بطريقة التفصيص العاديه

لأن أستعمال الأسبراى غير مجدى معاك حاليا

نقدر نقول الحاله حاليا تستدعى النظافه بالطرق التقليديه

هو ده الي عمله الميكانيكي فعلا بس العربية وهي ماشيه ع السلانسيه بتروح وتيجي بتنتش وان شاء الله اروح لبتاع الكربراتير الصبح

**Abody1985** · 08-09-2010 06:40 PM

الحقني يا بشمهندس سمير
رحت لبتاع الكربراتير وفك الكبربراتير وغسله وبتاع لكن للأسف العربية بت اسوأ من الاول ولسه حوار الار بي ام اللي بيوطى مع التكيف وكمان لو ضغطت بنزين بشدة وشلت رجلي مره واحده وانا مشغل التكيف العربية تبطل وانا ماشي ...وساعات على السلانسية بتبطل وانا مش مشغل التكييف وكل حجج الراجل ان الفاكيوم شكله مش شغال وساب الخرطوم بتاع الهوا وبقت العربية علياا هووا وصوتها بايخ وبقت تتطلع فرقة من الشكمان مع العلم اني مغير البوجيهات قريب