اضرار زق العربية وهى معشقة ؟؟!!

**SiGmAa** · 11-09-2010 10:04 AM

اولا السلام عليكم ورحمة الله وبركاتة

ثانيا انا راكن العربية بقالها حوالى 3 ايام فى الجراج ومعشقها على الرابع وسايبها متعشقة ومش شادد الهاند جيت النهاردة ادور العربية لاقيت السايس بتاع الجراج نقل العربية مسافة حوالى 10-15 متر فسئلتة لية كدة يبنى وازاى اصلا عرفت تنقلها دى متعشقة قالى معلش ياباشا اصل انت كنت قافل على عربيتين وقعدت ازق العربية وكان معايا اربع رجالة و زقناها بالعافية
المهم انا جيت ادور عشان اجرب احسن يكون كسرلى الفتيش ولا حاجة مادارتش البطارية نامت تقريبا ومافيش صنايعية فاتحين فى العيد فانا كنت عايز استفسر بس اية الاضرار اللى ممكن تحصل اما تزق العربية وهى واخدة غيار عشان بصراحة انا قلقان اوى يكون كسرلى حاجة وخصوصا انهم زقوها مسافة كبيرة وهى متعشقة ومش عايز افضل قلقان كدة فى العيد وكل سنة وانتو طيبين

**beetleMOSH** · 11-09-2010 10:55 AM

اه والله انا كمان عايز اعرف ايه الاضرار
لان انا حصل نفس الموقف برضه
بس بقى عملوا ايه منهم لله
زقوا عربيتى بعربيه تانيه
و على حظهم المهبب انى نزلت فى الاخر و اللى بيزق ده كان بيرجع بالعربيه
و طبعا اننا لاحظت ان العربيه اتحركت حوالى عربيتين
لانى بركن فى الشارع مفيش جراج
و عينك ماتشوف الا النور على اللى حصل فى الناس دى

هو انا محستش بجاجه فى العربيه
بس مش عارف الحوار بيضايق

يا ريت الافاده فعلا

**amr_elmasry** · 11-09-2010 11:06 AM

اوعى تخلية يعمل كدة تانى
هو بيرفع العربية من عند الاكصدام الخلفى او الامامى على حسب
العربية عندك جر خلفى او امامى وبعدين يزق العربية هو والناس الى معاه
وبالطريقة دى هيدمرلك الاكصدامات

**M.Radwan** · 11-09-2010 12:32 PM

طب ليه عشقتها بدل ما تشد الهاند بريك؟

**karimfahmy99** · 11-09-2010 02:07 PM

المشاركة الأصلية كتبت بواسطة foxoo7

طب ليه عشقتها بدل ما تشد الهاند بريك؟

كلام سليم مع ملاحظة انك حتى لو شديت فرامل اليد متشدش جامد تحميل بس تمسك العربية خصوصا مع

الركن لفترات طويلة .

**SiGmAa** · 11-09-2010 06:00 PM

المشاركة الأصلية كتبت بواسطة karimfahmy99

لا يحدث شئ للفتيس الا فقط فى حالة واحدة و هذا اعتقد لة تاثير سلبى الا وهى زق العربية عكس الغيار يعنى زى الاخ مدى الغيار الرابع و تلاقيهم يزقوها لورا دا غلط او العكس معشق مارشدير و يزقوها ادام . اما لو الزق مع اتجاة الغيار فلامشكلة اللى بيحصل بدل ما الموتور اللى يدى الحركة للفتيس الفتيس هوا اللى بيدى الموتور الحركة . عموما لا يحبذ ركن السيارة معشقة على وجهة العموم

والله ياباشا كلامك طمنى وقلقنى تانى فى نفس الوقت يعنى الناس اللى زقت العربية لو كانو زقوها لقدام بس يبقى بأذن الله مافيش حاجة اما لو زقوها لورا دى تبقى مشكلة
بس هما لو حاولو يزقوها لورا حتمشى معاهم حتى لو واخدة غيار غير المارشدير؟؟!؟!!!
ولا فى الحالة دى المفروض الفتيس يكلبش ومايمشيش عكس اتجاة الغيار لو اتنططو حتى

المشاركة الأصلية كتبت بواسطة foxoo7

طب ليه عشقتها بدل ما تشد الهاند بريك؟

عشان مشيت فترة كبيرة والهاند كان بايظ فكنت كل اما اركن اعشق فتقريبا اتعودت على كدة حنتى بعد ما صلحت الهاند

**smsm_nabawy** · 12-09-2010 05:07 AM

ههه،، الحمد لله أني قريت موضوع حضرتك يا فندم ،، أنا لما أسوق أي عربية لازم لما أركنها،، أعشقها و أشد هاند ، الأتنين ،، يمكن مش حتفرق مع الشاهين بتاعتي ،، التنين بيكلبشوا العجل اللي ورا،، لكن لما بركب عربيات قريبي أو صحابي بعمل كده برضه،، و الأمر ميسلمش ،، لو حصل حاجة زي كده بعد الشر في عربية جرر أمامي ،، و كنت انا اللي راكنها ،، يبق أنسسسساا ، دانا كده مكلبشها قدام و وراا :))

والله بجد أستفدت أوي من مداخله هنا ،، على حكاية "شد الهاند و مش تحكمها أوي،، "

**karimfahmy99** · 12-09-2010 05:17 AM

موضوع انك متشدش على فرامل اليد دى انا بعملها من باب الاحتياط واحد غبى بيركن ورايا و لا ادامى لو شادد جامد الزنق بيجى فى اجزاء العربية الاكصدام و ما تحتة انما لو سايبها شوية مش مكلبشة العربية هتاخد معاة الحركة فبتكون احن على الاكصدام . و الله دى وجهة نظرى و كل واحد حر انا بقول رايى الشخصى . بس دا مش معناة انك تيجى فى منزل و تركن و تسيب فرامل اليد مرحرحة ههههههه هتركنها فوق و لما ترجع هتلاقيها تحت فى اخر الشارع

الموضوع: اضرار زق العربية وهى معشقة ؟؟!!

LinkBack

أدوات الموضوع

عرض

-

-

-

-

المواضيع المتشابهه

تغطية العربية هل له اضرار على دهان العربية؟؟

ايه هيا اضرار الزبدة ؟؟؟

ما هي اضرار خلط بنزين 90&80؟؟؟

ما هى اضرار الديفيل على العربية؟؟؟

اضرار flush oil

الكلمات الدلالية لهذا الموضوع

المفضلات

المفضلات

ضوابط المشاركة