تابلوه لانوس فى 125

**keko** · 11-09-2010 12:48 PM

السلام عليكم
دلوقتى ياجماعة انا معايا فيات 125 والتابلوه متبهدل ففكرت اغيره بحاجة بتاعت عربية تانية طبعا ناس كتير هتقول شده جلد واللى هايقول هات الاصلى بس التابلوه الاستعمال بتاعها ب 500 جنيه فى حين ماركات كتير احدث واشيك كتيييييييير بنفس السعر عملت موضوع قبل كده لو حد يعرف تابلوه يمشى عندى (زى الكورسا مابيركب فى 128) ومالقيتش ردود كتير ومن ساعتها معايا متر وبقيس طابلوهات صحابى
المهم اخدت مقاس تابلوه اللانوس والمفاجاة طلع نفس المقاس تقريبا المهم اتفقنا يوم يكون فاضى واشوف البومبيه بتاعه ومكان الفتيس ومسامير التثبيت وكده لكن اعتقد بالنظر انها متوافقة

الاستفسار بقى بالنسبة لتوصيل عداد السرعة انا اعرف ان فيه كابل رايح من الجير بوكس لعداد السرعة ودا بيوصل السرعة فطبعا اعتقد ان عدد اللفات بيختلف من عربية للتانية ومن دربكس للاخر غير طبعا اللانوس جر امامى وال125 دفع خلفى فاكيد فيه فروق فى السرعة ومش عايز القراية تبقى غلط وفكرت احط العداد القديم بس بجد هابقى هبل لانه اكتر حاجة شكلها غبى فى العربية
وبالنسبة للباقى rpm وحرارة وبنزين عادى ولا ايه ؟؟
المهم انا عايز اعرف فعلا فيه فرق ولا لا ولو فيه فرق ايه الحل يعنى تعديل فى المغناطيس ولا تغيير تروس بالعداد ولا ايه علشان يدينى قراية 100%
خالص شكرى

**AMA** · 11-09-2010 05:29 PM

مش عارف بالظبط أية إلى محتاج يتغير عشان عداد السرعة يبقى شغال كويس
و على فكرة ناس كتيرة أعرفها جربت تغير التابلوه لأنى متابع بأهتمام المواضيع دى لأنى من هواه التعديل
كتير جدا منهم بيقول قرايه عداد السرعة شغاله تمام جدا و ناس تانيه بتقول مش شغال أو بيخرف مش عارف دا بقى بيبقى من كهربائى العربيه نفسه ولا من العدادات الجديدة ولازم حاجة تتغير ولا لأ لكن ربنا معاك و إن شاء الله هتبقى تحفه و بحييك على الفكرة العبقرية دى

**misoalex** · 12-09-2010 05:44 AM

فك التابلوه عندك وروح لواحد بتاع استعمال جرب حيركب عندك ويبقى كويس ولالا المشكله فى البومبيه بتاع التابلوه حيجى على عربيتك ولالا وحيبقى عريض ولالا

وبالنسبه لعداد السرعه شوف مين احسن واحد بتاع عدادات (مش كهربائى فيه فرق) وهو حيفصلك كابل ويعملك معايره للعداد لو هو فاهم كويس فى العدادات الحديثه

**keko** · 13-09-2010 04:45 AM

المشاركة الأصلية كتبت بواسطة misoalex

فك التابلوه عندك وروح لواحد بتاع استعمال جرب حيركب عندك ويبقى كويس ولالا المشكله فى البومبيه بتاع التابلوه حيجى على عربيتك ولالا وحيبقى عريض ولالا

وبالنسبه لعداد السرعه شوف مين احسن واحد بتاع عدادات (مش كهربائى فيه فرق) وهو حيفصلك كابل ويعملك معايره للعداد لو هو فاهم كويس فى العدادات الحديثه

ميسو حبيبى ازيك
انا كده كده شغال مع واحد بتاع عدادات مش كهربائى بس ايه حوار المعايرة ده ؟

**m_elkhishin** · 13-09-2010 06:05 AM

اعتقد ان في فرق كبيييييييييير جدا بين عدادات اللانوس وال 125
عداد ال 125 ميكانيكي، يعني في واير بيلف جوا جراب وعلى حسب عدد لفات الواير ده بيقيس السرعة.

عداد اللانوس الكتروني يعني عبارة عن نبضات كهربية بتطلع في سلك كهربا عادي من سنسور في الفتيس الى العدادات.

وابسط دليل على كده، جرب وانت سايق لانوس بطل العربية وانت ماشي على سرعة حتلاقي العداد نزل على الصفر بالرغم انك ماشي بسرعة.( بس طبعا خد بالك متقفلش الكنتاكت خالص عشان الدركسيون ميقفلش)

**keko** · 13-09-2010 06:20 AM

المشاركة الأصلية كتبت بواسطة m_elkhishin

اعتقد ان في فرق كبيييييييييير جدا بين عدادات اللانوس وال 125
عداد ال 125 ميكانيكي، يعني في واير بيلف جوا جراب وعلى حسب عدد لفات الواير ده بيقيس السرعة.

عداد اللانوس الكتروني يعني عبارة عن نبضات كهربية بتطلع في سلك كهربا عادي من سنسور في الفتيس الى العدادات.

وابسط دليل على كده، جرب وانت سايق لانوس بطل العربية وانت ماشي على سرعة حتلاقي العداد نزل على الصفر بالرغم انك ماشي بسرعة.( بس طبعا خد بالك متقفلش الكنتاكت خالص عشان الدركسيون ميقفلش)

هممم كده مشكلة
طب ايه الحل اللى حضرتك تقترحه او لو فيه تابلوه تانى فى نفس رانج السعر والشكل والمقاس
هوا المقاس بتاع اللانوس 130سم وعندى 132 سم يعنى بالضبط وبعدين ماينفعش مثلا تغيير تروس او حاجة كده

**m_elkhishin** · 13-09-2010 06:48 AM

المشاركة الأصلية كتبت بواسطة keko

هممم كده مشكلة
طب ايه الحل اللى حضرتك تقترحه او لو فيه تابلوه تانى فى نفس رانج السعر والشكل والمقاس
هوا المقاس بتاع اللانوس 130سم وعندى 132 سم يعنى بالضبط وبعدين ماينفعش مثلا تغيير تروس او حاجة كده

في قطعة اسمها speedometer sending unit بتركب مكان واير السرعة في الفتيس وبتحول الحركة الميكانيكية لنبضات كهربية تتوصل للعداد الكهربي. بس للأسف معنديش فكرة موجوده في مصر ولا لأ.

وللاسف مقدرش افيدك بتابلوهات تانية لأني معرفش اسعارهم + انك لازم تقيسه بدقة وتتأكد من شكله انه تعديله يكون سهل.

**misoalex** · 13-09-2010 11:01 AM

المشاركة الأصلية كتبت بواسطة m_elkhishin

في قطعة اسمها speedometer sending unit بتركب مكان واير السرعة في الفتيس وبتحول الحركة الميكانيكية لنبضات كهربية تتوصل للعداد الكهربي. بس للأسف معنديش فكرة موجوده في مصر ولا لأ.

وللاسف مقدرش افيدك بتابلوهات تانية لأني معرفش اسعارهم + انك لازم تقيسه بدقة وتتأكد من شكله انه تعديله يكون سهل.

ايوه القطعه دى سمعت ان تمنها اكتر من 100 جنيه فعلا ودى الى بتشغل اى عداد سرعه ديجتال
اعتقد اكيد موجوده استعمال كتيرواكيد فيه منها جديد

ولو شارى عداد سرعه ديجتال من بره بيجى معاه القطعه دى

**misoalex** · 13-09-2010 11:05 AM

المشاركة الأصلية كتبت بواسطة keko

ميسو حبيبى ازيك
انا كده كده شغال مع واحد بتاع عدادات مش كهربائى بس ايه حوار المعايرة ده ؟

ايه ده هو انت الى بتسأل والله مأخدت بالى

هو المعايره دى انه بيظبط سرعه العداد الجديد يخليها زى العداد القديم عشان يقرأ سرعه صح مش اى تخريف

بص الموضوع مش سهل بس محتاج تفكير و وانت حتوصل لحل وانا حدور معاك على اى حوار يخليه ينفع

**keko** · 14-09-2010 08:55 AM

يعنى يا باشا افهم من كده ان كل العربيات اللى بنظام الواير بيطلع منها نفس عدد اللفات ولا ايه لان كده الجهاز ده بياخد قراية معينى ويغيرها ديجتال يبقى فيه مقاس ستاندر ولا ايه ؟؟
هيا المواضيع دخلت فى بعض وفى نفس الوقت واحد صاحبى النهاردة قاللى ان الترس بتاع الواير بيبقى جوه الجير بوكس بس مالهوش دعوة بيه وانه بياخد من العجل علشان لو انت مغير ترس فى الجير بوكس تفضل القراية مظبوطة الكلام ده صح ولا ايه ؟؟

الموضوع: تابلوه لانوس فى 125

LinkBack

أدوات الموضوع

عرض

-

-

-

-

-

-

المواضيع المتشابهه

تابلوه دايو لانوس 1 استيراد للبيع

طلب تسعير قطعة من تابلوه لانوس

تابلوه دايو لانوس 1

نور تابلوه التكيف لانوس 2001

تابلوه لانوس 2 جديد

الكلمات الدلالية لهذا الموضوع

المفضلات

المفضلات

ضوابط المشاركة