اغير شنبر عشان بوجية ؟؟!

**SiGmAa** · 12-09-2010 04:39 PM

ياجماعة هى اعراض تلف الشنبر اية ؟؟؟

انا اللى اعرفة
1-تعريق زيت على البوجيهات
2-العربية بتاكل زييت كتير
3- دخنة بيضاء تقريبا او اسود مزرق مش فاكر بالظبط مش موضوعنا عموما
4-سحب العربية يكون ضعيف طبعا

المهم لو الواحد عندة عرض واحد بس من الاعراض دى دة برضو يستلزم شنبر ولا ممكن يكون حاجة تانية ؟؟!
يعنى انا العرض الوحيد اللى عندى ان العربية بتعرق زييت على بوجية واحد بس وبتبان اما اركن العربية اكتر من يومين الاقى البوجية ابتدء يقطع
بس هو دة العرض الوحيد الموجود عندى وكل اما اروح لميكايكى يقولى انت لازملك طقم شنبر
والمشكلة انى
ولا عندى نقص فى الزيت ولا دخنة والسحب اعتقد انو مش ضعيف ممكن نقول معقول

معلش انا اسف للاطالة بس اللى عايز اوصلو هو انا لازم اعمل طقم شنبر عشان عندى بوجية واحد بس بيعرق زييت ومش بيبان الا من الركنة كمان ؟؟
ولا ممكن تكون دى بدايات طقم شنبر ولو فضلت ماشى كدة ممكن الاعراض التانية تظهر ؟؟!!

**smsm_nabawy** · 12-09-2010 04:52 PM

لا ميتهيقليش ،، أنا كان عندي نفس المشكلة ،، و أكتشفت في الآخر أنها جوان تاكيهات ،، ممكن تكون كده معاكم أو لا ،، أماكن تسريب الزيت فين بظظبط ؟!

**Adham** · 12-09-2010 05:27 PM

المشاركة الأصلية كتبت بواسطة smsm_nabawy

لا ميتهيقليش ،، أنا كان عندي نفس المشكلة ،، و أكتشفت في الآخر أنها جوان تاكيهات ،، ممكن تكون كده معاكم أو لا ،، أماكن تسريب الزيت فين بظظبط ؟!

جوان التاكيهات يطلع الزيت برة الموتور زي ماكان بيحصل عندك يا سمسم و تشوفة بعينك

انما هو عندة حاجة داخلية بتخللي الزيت يدخل غرف الحريق عالبوجيهات

**smsm_nabawy** · 12-09-2010 05:31 PM

ااه ،، انا فهمته غلط ،، انا فهمت أنه البوجيه بيعرق زيت من برة،، عشان كده سألته "مكان تسريب الزيت منين بلظبط "،،

الف شكر يا أستاذ أدهم على المعلومات ،، و ربنا مش يحرمنا من حضرتك ولا من معلوماتك ،،

**karimfahmy99** · 12-09-2010 07:28 PM

الموضوع زى ما قالوا محتاج فك . و الاعراض دى لها كذا سبب . ممكن التهريب من الصباب نفسة اما جلد صباب اما الدليل واسع و بتبان مع الركنة جدا . او طبعا شنبر ضعيف

المهم قبل ما يفك اى حاجة اكشف على كبس البستم اللى بتشتكى منة نطمن على الكبس و لو كان كويس يبقى اكيد عيب صباب فى موضوع الزيت و الدخنة

**Adham** · 12-09-2010 07:35 PM

وممكن كمان الدليل مشروخ و دة يبهدل المكنة زيت جوة غرفة حريق

انا عند رأيي ان طالما الموضوع دة بيبان و العربية مركونة فترة يبقى الزيت بينزل من فوق من شرخ في دليل او اويلسيل صباب متفرتك او شرخ في وش السلندر عند كستابات التاكيهات و الصبابات بيرمي زيت لغرفة الحريق

انما مش شنبر لان الزيت مش حايطلع للشنبر من تحت و العربية مركونة

انما الزيت ينزل من فوق (شوية الزيت اللي فاضلين فوق الصبابات و الكستبانات او في وش السلندر ممكن ينزلوا لغرف الحريق

**Adham** · 12-09-2010 07:39 PM

لو عايز حل مؤقت تمشي نفسك بية لغاية ما تقرر تفور الموتور

ركب كرسي للبوجية

دي بيبقى جلبة نحاس فيها اخرام من تحت و من فوق بيركب فيها البوجية و تركب في الوش

و بتخللي البوجية بعيد عن الزيت

**karimfahmy99** · 12-09-2010 07:58 PM

المشاركة الأصلية كتبت بواسطة adham

لو عايز حل مؤقت تمشي نفسك بية لغاية ما تقرر تفور الموتور

ركب كرسي للبوجية

دي بيبقى جلبة نحاس فيها اخرام من تحت و من فوق بيركب فيها البوجية و تركب في الوش

و بتخللي البوجية بعيد عن الزيت

شوف عن تجربة موضوع الكرسى فاشل فاشل بس هو بياخر قطع البوجية من التعريق و حصل كمان اناح معايا . الكرسى نفسة ضرب الحمد لله انة كان لسة فى نصة موجود ظاهر و عرفت افكة و الا كانت هتبقى شغلانة تانية عن البية الخراط