انضف باب العربيه فين ؟

**Hikayat** · 12-09-2010 08:33 PM

العربيه عندي بقالي كتير مودتهاش البنزينه تتغسل وناوي باذن الله هوديها بكره تتغسل
بس فيه مشكله
الابواب بتاع العربيه متوسخين بالذات حوالين زرار الازاز ومش عارف اعمل فيهم ايه ؟ بالذات انهم شامواه
فكنت عاوز اسال ياتري في البنزينه هيعرفوا ينظفوا الكلام ده ولا اعمل ايه ؟

**hondaman** · 12-09-2010 08:52 PM

ممكن ترجعها جديدة بريحتها الجديدة بس هتدفع 120 جنية ة كان اخر سعر شوفتة .... فين ؟ كار كير موجود فى بنزينة موبيل طريق المطار و فى بنزينة وطنية اللى بعد الوفاء والامل وشيل مصر / اسكندرية الصحراوى .... غير كدة هتغسل عادى الغسلة ام 25 جنية فى بنزينة وتكمل عند السروجى عشان العادية مش هينضف جامد من جوة

**Hikayat** · 12-09-2010 09:21 PM

المشاركة الأصلية كتبت بواسطة hondaman

ممكن ترجعها جديدة بريحتها الجديدة بس هتدفع 120 جنية ة كان اخر سعر شوفتة .... فين ؟ كار كير موجود فى بنزينة موبيل طريق المطار و فى بنزينة وطنية اللى بعد الوفاء والامل وشيل مصر / اسكندرية الصحراوى .... غير كدة هتغسل عادى الغسلة ام 25 جنية فى بنزينة وتكمل عند السروجى عشان العادية مش هينضف جامد من جوة

يعني مينفعش الكلام ده يتم في اي بنزينه ولا لازم اروح كاركير .. حتي لو هيخففوا الوساخه دي شويه لان شكلها ع الباب بشع بصراحه

اصل بصراحه انا مكسل اسافر مخصوص علشان اغسلها يعني

**A.Saad** · 12-09-2010 09:58 PM

مش اى بنزينة
لازم حد ليه سمعة جيدة

**hondaman** · 13-09-2010 06:04 PM

المشاركة الأصلية كتبت بواسطة hikayat

يعني مينفعش الكلام ده يتم في اي بنزينه ولا لازم اروح كاركير .. حتي لو هيخففوا الوساخه دي شويه لان شكلها ع الباب بشع بصراحه

اصل بصراحه انا مكسل اسافر مخصوص علشان اغسلها يعني

هوة انت مش من القاهرة بردو ؟ مش محتاج تسافر لو منها .... عمتا بتوع البنزينة هيعملو كدة ... جت تكحلها عمتها .... عشان انت بتقول وساخة كتيرة فى الباب هوة هيعمل حاجة من الاتنين والاتنين اغبى من بعض اما هيدها مية بغباء من الخرطوم الغبى دة بردو ودة ممكن يدخلك مية جوة الكمبيوتر بتعها لا قدر الله او يأثر بالسلب على الالكترونيات ... او هيعد على كل كرسى ماسك الباب وشغال دعك ودة هيطينها اكتر اما هيجرح حاجة اما الوساخة تخف بس تتوسع على حتت تانية ويقولك اخرها كدة اما يستغبى اكتر ويديها بنزين او جاز وفى الاخر تلاقى مطرخ مقعد الكراسىى اطينت وبلاستيك القاويم كذالك ... منصحكش ببتوع البنزينة ... بص لو انت من برة القاهرة بس مش بعيد قوى يعنى منوفية /شرقية / الخ انصحك تنزل تسافر وتعملها احسن عند اللى بيفهم فى الحورات دى تغرم شوية وقت وبنزين وفلوس .. احسن متتليص وتبقى اعد متكدر من عربيتك وكارها ومش طايق تركبها وكل متروح مشوار تقول اوووووووف ... اضعف الايمان تروح بقا للسروجى يفك الفرش ويغسلو... كار كير بقا عندهم لكل حاجة حاجو يعنى الفرش لية منظف البلاستيك لية منظف يشيلك التراب اللى جوة فتحات التكييف هيحطلك معطر بروائح مختلفة منهم ريحة العربية الجديدة .... هيشمع العربية بعد الغسيل ... هتاخد عربيتك جديدة من الاخر .. اتمنى اكون افادتك

**Hikayat** · 23-09-2010 08:25 AM

المشاركة الأصلية كتبت بواسطة hondaman

هوة انت مش من القاهرة بردو ؟ مش محتاج تسافر لو منها .... عمتا بتوع البنزينة هيعملو كدة ... جت تكحلها عمتها .... عشان انت بتقول وساخة كتيرة فى الباب هوة هيعمل حاجة من الاتنين والاتنين اغبى من بعض اما هيدها مية بغباء من الخرطوم الغبى دة بردو ودة ممكن يدخلك مية جوة الكمبيوتر بتعها لا قدر الله او يأثر بالسلب على الالكترونيات ... او هيعد على كل كرسى ماسك الباب وشغال دعك ودة هيطينها اكتر اما هيجرح حاجة اما الوساخة تخف بس تتوسع على حتت تانية ويقولك اخرها كدة اما يستغبى اكتر ويديها بنزين او جاز وفى الاخر تلاقى مطرخ مقعد الكراسىى اطينت وبلاستيك القاويم كذالك ... منصحكش ببتوع البنزينة ... بص لو انت من برة القاهرة بس مش بعيد قوى يعنى منوفية /شرقية / الخ انصحك تنزل تسافر وتعملها احسن عند اللى بيفهم فى الحورات دى تغرم شوية وقت وبنزين وفلوس .. احسن متتليص وتبقى اعد متكدر من عربيتك وكارها ومش طايق تركبها وكل متروح مشوار تقول اوووووووف ... اضعف الايمان تروح بقا للسروجى يفك الفرش ويغسلو... كار كير بقا عندهم لكل حاجة حاجو يعنى الفرش لية منظف البلاستيك لية منظف يشيلك التراب اللى جوة فتحات التكييف هيحطلك معطر بروائح مختلفة منهم ريحة العربية الجديدة .... هيشمع العربية بعد الغسيل ... هتاخد عربيتك جديدة من الاخر .. اتمنى اكون افادتك

‎

بجد بجد الف شكر لحضرتك علي تعبك معايا والف شكر لكل الناس اللي ردوا

انا فعلا من بره القاهره وكنت مستعجل في الحوار ده لاني كان ورايا مشوار والعربيه كانت مدهوله

انا هحكيلكوا اللي حصل وتقولولي رايكم
انا رحت البنزينه وسالت الراجل وقلتله الباب متوسخ تعرف تنضفوه قالي اه الاربع ابواب ب 10 جنيه قلتله طيب اعملي الاتنين اللي قدام علشان هما بس اللي متوسخين قالي تمام 5 قلتله ماشي
جه الراجل اللي هيغسلها وينضف الابواب فقبل ما يعمل حاجه قلتله ما تدخلش الميه جوه العربيه قالي هعملك طيب العتب والقوايم بالميه قلتله لا امسحهم بفوطه
المهم جه ينضف الباب ازاي بقي ؟ قام جاب الخرطوم بتاع الصابون اللي بيرشوه ع العربيه ورش بيه الباب من جوه وبعدين جاب فوطه وقعد يدعك فيه وبعدين جاب خرطوم هوا وطير الصابون من الباب بالهوا
طبعا استلمت العربيه الباب كان مبلول سنه بسيطه
دلوقتي الباب زي الفل ونضيف ولا كانه جديد

فياتري اللي عمله ده يبوظ حاجه في العربيه علشان لو حبيت اكرره تاني

**A.Saad** · 23-09-2010 11:39 PM

المشاركة الأصلية كتبت بواسطة Hikayat

‎

بجد بجد الف شكر لحضرتك علي تعبك معايا والف شكر لكل الناس اللي ردوا

انا فعلا من بره القاهره وكنت مستعجل في الحوار ده لاني كان ورايا مشوار والعربيه كانت مدهوله

انا هحكيلكوا اللي حصل وتقولولي رايكم
انا رحت البنزينه وسالت الراجل وقلتله الباب متوسخ تعرف تنضفوه قالي اه الاربع ابواب ب 10 جنيه قلتله طيب اعملي الاتنين اللي قدام علشان هما بس اللي متوسخين قالي تمام 5 قلتله ماشي
جه الراجل اللي هيغسلها وينضف الابواب فقبل ما يعمل حاجه قلتله ما تدخلش الميه جوه العربيه قالي هعملك طيب العتب والقوايم بالميه قلتله لا امسحهم بفوطه
المهم جه ينضف الباب ازاي بقي ؟ قام جاب الخرطوم بتاع الصابون اللي بيرشوه ع العربيه ورش بيه الباب من جوه وبعدين جاب فوطه وقعد يدعك فيه وبعدين جاب خرطوم هوا وطير الصابون من الباب بالهوا
طبعا استلمت العربيه الباب كان مبلول سنه بسيطه
دلوقتي الباب زي الفل ونضيف ولا كانه جديد

فياتري اللي عمله ده يبوظ حاجه في العربيه علشان لو حبيت اكرره تاني

iهوة كدة نضف تمام
تجيب علبة ارمول اول
فوطة مايكروفيبر
كل اسبوعين او 3 تعمل الابواب بالفوطة والارمور اول
طيب لو فيه بقعة
فوطة مبللولة بمياة على خفيف هتشيلها