كل شئ عن تريوس1997 - 2001

**mo7a_mo7a** · 24-09-2010 10:14 PM

المشاركة الأصلية كتبت بواسطة abogooda

شكرا لذوقك وردك الجميل بس العربيه فعلا على كرونه وعمود كردان يعنى فعلا دفع خلفى وانا روحت عند ميكانيكى معرفه بتاع يابانى وقال ان الموتور متسوبيشى مو2005 وانه موتور كويس والحمد لله العربيه جيده من ساعة ما جنتها معدا اليومين دول المساعد الخلفى يمين بيدب ورحت عند د علاء فى الحرفيين بالقاهره قبل العيد للسوال قال الاثنين استعمال 300 جنيه مع العلم فى التوكيل الواحد 175 حنيه فايه رايك اركب الاستعمال يابانى ولا جديد صينى ولك جزيل الشكر لانك موسوعه فى العربيه واسف لاطاله

طب في حل احسن
اشتري الياباني الجديد من التوكيل في ابو رواش وممكن تتاكد من السعر بالتليفون واعتقد ان تمنهم في حدود 450 جنيه
لكن المقارنة بين الياباني المستعمل والصيني الجديد صعبة جدا لانك متضمنش حالة المستعمل ايه!

تقبل تحياتي

**mo7a_mo7a** · 24-09-2010 10:21 PM

المشاركة الأصلية كتبت بواسطة sharky

موضوع متميز من عضو متميز

سؤال ليك يا باشا
متعرفش سعر الاتوماتيك المستعمل منها حاليا كام ؟

اولا شكرا جزيلا علي الشهادة التي اعتز بها خصوصا انها صادرة من احد اكبر واهم اعضاء المنتدي
شكري وتقديري واسف علي التاخر في الرد لظروف سفري اما بخصوص سعر الاوتوماتيك فحقولك مفاجاة

لو العربية اصدار خاص زي اللي ذكرناها انتاج 2001 بس موديل 2000 السعر مش حيفرق كتير بين المانيوال والاتوماتيك بل علي العكس احيانا تلاقي واحدة مانيوال اغلي من واحدة اوتوماتيك 2000 او 1999
وغالبا السعر حيتراوح بين 44 الي 46 الف للسيارات الجيدة

اما كراي شخصي فاذا كنت حتشتري سيارة دفع رباعي فيها 2 كرونة وكبلن وجهاز نقل حركة ومجموعة تفاضل امامي وخلفي ووسطي والشغلانة الكبيرة دي فانصحك تجيبها مانيوال علشان تديك اللي انت عايزه وتبقي اقوي وتعيش اطول غير الفتيس الاوتوماتيك اللي مبينفعش في مصر ونادرا ما تلاقي صنايعي بيفهم فيه وبيكون مكلف علي المدي الطويل

تقبل تحياتي

**mo7a_mo7a** · 24-09-2010 10:24 PM

المشاركة الأصلية كتبت بواسطة x100

الله ينور
مفيش اخبار عن الشاريد

اولا شكرا علي مرورك الكريم
ثانيا لو توافرت لدي معلومات عنها ححاول انقلها طبعا
وعلي فكرة ماتور التريوس الجيل الاول هو هو تقريبا ماتور الشاريد بس دخل عليه تعديلات

**mo7a_mo7a** · 24-09-2010 10:27 PM

المشاركة الأصلية كتبت بواسطة mohamed1992

انا اشتريت تريوس 99 قبل العيد اوتوماتيك جميع الكماليات عاملة 37الف كيلو رشة برة نظافة اشتريتها ب 44 الف مع العلم انها اكتر من كدة بس مكانت ظروف السفر للبائع بس العربية الحمد لله لحد دلوقتي ماشية كويس بس انا مش بزرد عن 100 عشان كنت بسمع موضوع الثبات ده فا اخري 100 و ربنا يحفظلي عليها

انا من سكان الاسكندرية وبحب اروح مرسي مطروح في الاجازة وعلي الطريق الساحلي لحد 150 الحمد لله مكنش في مشاكل خالص حتي مع المطبات غير استهلاك البنزين العالي جدا جدا. اهم حاجة تتاكد ان عفشتك سليمة بنسبة 100% والكاوتش بتاعك هو الموصي به المذكور في الموضوع وربنا يباركلك في سيارتك ويحفظهالك

تقبل تحياتي

**mo7a_mo7a** · 26-09-2010 11:51 PM

المشاركة الأصلية كتبت بواسطة mohamed1992

شكرا ربنا يبركلك بس في سؤال لحضرتك هو معدل استهلاك العربية للبنزين في الصفيحة اد ايه اصلي ملاحظ انها بتستهلك كتير عن العربيات الجديدة

ده حقيقي فعلا لو العربية بموتور عادي بتستهلك بنزين بمعدل صفيحة لكل 200 كيلو جوة البلد و 220 برة
لو العربية فيها تربو بتبقي 180 جوة و 200 برة ولو السرعة 120 يبقي 180 في الصفيحة ولو 140 يبقي 170 في الصفيحة

**mo7a_mo7a** · 26-09-2010 11:53 PM

ملحوظة هامة :ـــــــــ

ارقام جوة البلد حتختلف في القاهرة عن الاسكندرية اكيد

**mohamed_rhem** · 27-09-2010 10:59 AM

موحي باشا

مجهود متميز تستحق عليه التحية والتقدير

وانت فعلا ممن يقال فيهم

خير الناس (خير الناس انفعهم للناس)

لك خالص تقديري وحبي الشخصي

**mo7a_mo7a** · 28-09-2010 08:52 PM

المشاركة الأصلية كتبت بواسطة mohamed_rhem

موحي باشا

مجهود متميز تستحق عليه التحية والتقدير

وانت فعلا ممن يقال فيهم

خير الناس (خير الناس انفعهم للناس)

لك خالص تقديري وحبي الشخصي

ولك مني خالص الحب والشكر والتقدير

خالص تحياتي

**max_ziro** · 28-09-2010 09:36 PM

تسلم ايدك ياباشا بجد موضوع جميل

التريوس كانت معانا مو 99 اول ما نزلت كانت كاملة مانيوال انا فاكر و احنا بنشترى كان فى اختياريت لا ثالث لهم
اما حمراء فاضية اوتو منغير جنوط حتى ولا روف راك
او زيتى كاملة مانيوال و الحمد لله تم على الزيتى
و لك جزيل الشكر فعلا مكنتش اعرف اى حاجة عنها ..

الموضوع: كل شئ عن تريوس1997 - 2001

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ايهما افضل توليدو 2001 ولا اوبل فيكترا 2001

تركب ايه؟:ابيزا 2001-بولو 2001-فابيا 2003-بيكانتو 2005؟

محتار بين بولو 2001 موتور 1000 سي سي و لانوس 2001

مقارنة بين ثلاثة أنواع : بولو 2001 & أسترا 2001 & لانسر 2000

أحتاج لمقارنة بين كيا ريو ستيشن 2001 و أكسنت 1500 موديل 2001

الكلمات الدلالية لهذا الموضوع

المفضلات

المفضلات

ضوابط المشاركة