موتور لادا مرشح زيت بغباء

**jojajo** · 14-09-2010 08:01 AM

لو سمحتم انا تعبت بجد الموتور عندى مرشح زيت جامد علما انا لسة مغير زيت وبعد ما غيرت الزيت على طووول ظهرت الحكاية دية جاامد والراجل اللى غيرلى الزيت هو مغيرهوش من الطبة تحت هو عنده حاجة كدة بتسحب الزيت المهم بعد ما غيرت الزيت لقيته معدى العلامة بتاعت الماكس فا سفرت بيها اسكندرية فا انا وفى الطريق لقيت العربية مترتشخة زيت كتير اوىىىىىىىىى مترتشة زيت على كل حاجة ولقيت الزيت بردو عند العلامة مع العلم المكنة مش خفيفة يعنى الحمد لله حلوة بس الكاربراتير عندى فى مشكلة فا الميكانيكى قالى روح شبرا اعمله اكس وباب علشان بيهبب البيجوهات بسرعة اوى ودية شوية صور من الزيت اللى فى العربية
http://img580.imageshack.us/i/051td.jpg
http://img255.imageshack.us/i/064mf.jpg
http://img259.imageshack.us/i/065cd.jpg
http://img820.imageshack.us/i/066gj.jpg

**jojajo** · 14-09-2010 12:38 PM

محتاج رد يا جماعة ضرورى علشان مش عارف اعمل اية وشكرا

**أبو صلاح** · 14-09-2010 12:43 PM

في حدود معلومات المحدودة
التسريب ده هيكون من الجوان اللي في وش الماتور وده بسبب الزيادة في الزيت

الاول محتاج تظبط مقاس الزيت وممكن تروح للراجل بتاع الزيت يشفطلك شوية
وعلى فكرة مش صح موضوع الشفط ده لازم الطبة تتفتح ويتساب الزيت يتصفى لآخر قطرة

وبعدين تغسل الموتور غسلة حلوة (من الخارج في اي مغسلة)وتشوف لو في تسريب ظهر تاني تروح للميكانيكي فورا (غالبا هيظهر في خلال 48 لو في مشكلة) علشان يقدر يحدد التسريب من فين بالظبط
وعامة ما تقلقلش الموضوع هايف جدا

**haroun707** · 14-09-2010 12:53 PM

باشا الصور مش ظاهره وبعدين الكاربيراتير مالوش دعوه بترطشة الزيت اللى حضرتك بتقول عليها دى

اللى حضرتك بتقول عليه ده ممكن يحصل من حاجات كثير منها مثلاً

ان الراجل يكون نسى يحط المقاس بتاع الزيت او محطهوش كويس

ثانيا ممكن بردوا الغاطا بتاع الموتور ممكن يكون بيرشح او مش مقفول كويس

ثالثاً فى اويل سيل بيركب فى وش الموتور ساعات بيضرب وده عادى جداً بيتغير فى نص ساعة وسعره مش غالى

النصيحة بقى ان حضرتك تروح لحد يغسلك الموتور غسله محترمه بالجاز او البنزين وبعدها تمشى شويه بالعربية
علشان تشوف الترشيح ده جاى منين بالظبط علشان تتعامل معاه

**jojajo** · 14-09-2010 01:06 PM

انا متشكر جدا جدا بجد يا جماعة تطمنتونى بس فى مشكلة تانية عندى لو حد يعرف واحد بتاع عفشة حلو علشان كنت بظبط زوايا وقالى تحت القنطرة فى اربع مسامير واحد منهم مفوط فا قالى تاخد بتاع العفشة وتروح للسمكرى يلحمه فا لو حد يعرف المفروض اعمل اية وشكرا جدا جدا جدا

**haroun707** · 14-09-2010 01:48 PM

بص ياباشا الموضوع سهل بس عاوز ميكانيكى كويس او عفشجى محترم

**jojajo** · 14-09-2010 01:56 PM

الف شكر بجد طب حضرتك تعرف عفشجى حلو انا من حلوان فا لو حضرتك تعرف واحد حلو ؟؟

**haroun707** · 14-09-2010 02:13 PM

المشاركة الأصلية كتبت بواسطة jojajo

الف شكر بجد طب حضرتك تعرف عفشجى حلو انا من حلوان فا لو حضرتك تعرف واحد حلو ؟؟

بص انا معرفش عفشجى اثق فيه واقدر ارشحهولك
لكن انا ممكن اديلك رقم تليفون الميكانيكى اللى كان بيعملى كل حاجة فى عربيتى ( ميكانيا وعفشة )

كان مخليلى العربية زى الحرير ولما كنت برحلوا فى حاجة مكنتش بشتكى تانى منها ابدا

وبصراحه هو ليه كذا ميزة اولاً شاطر وفاهم لانه بيشتغل فى اللادا بـــــــــــــــــس

مصنعيته رخيصه مش غالى خالص

لو انت متعرفش تجيب قطعه الغيار هو بيجيبلك المضمون والنظيف وبسعر كويس كمان

لو تحب ابعتلك رقمه قولى وابعتهولك على الخاص

هومكانه فى زين العابدين بعنى جنب صلاح سالم وعلى بعد 10 دقائق من السيدة عائشة