غيرت البلية مرتين في شهرين وباظت تالت

**f_i_gawish** · 14-09-2010 09:40 AM

السلام عليكم
انا غيرت بلية العجلة الأمامية مرتين في شهرين لأني كنت بسمع ونة وانا ماشي وصوت الونة بيزيد مع السرعة
وللأسف صوت الونة رجع تاني
هل ممكن يكون فيه حاجة هي السبب ان البلية تبوظ بالسرعة دي؟

**karimfahmy99** · 14-09-2010 02:38 PM

الظرف اللى بيبات فية البلية سليم ؟؟ و نوع البلية اللى بتركبها اية ؟

**f_i_gawish** · 14-09-2010 04:27 PM

المشاركة الأصلية كتبت بواسطة karimfahmy99

الظرف اللى بيبات فية البلية سليم ؟؟ و نوع البلية اللى بتركبها اية ؟

أولا شكرا على الإهتمام
بالنسبة للظرف انا مش متأكد من سلامته لكن العربية شغالة كويس من أكتر من سنة، بس هي ايه أعراض تلفه؟
بالنسبة لنوع البلية، ركبت بلية ياباني لما باظت أول مرة وباظت بعديها بأسبوعين
بعد كده ركبت بلية يقال انها ياباني من عند واحد بيبيع بلي بس وبدأت تخرف تاني

**karimfahmy99** · 14-09-2010 05:10 PM

عموما هو ممكن يوكن الظرف اللى بيبات فية البلية هوا اللى فى المشكلة و تلاقى حتى البلى اللى انت غيرتة لسة سليم . طب انت عرفت منين ان البلى اللى غيرتة باظ ؟؟ و مين اللى بيغير البلى ؟؟

**ameen_ra** · 14-09-2010 08:46 PM

المشاركة الأصلية كتبت بواسطة f_i_gawish

أولا شكرا على الإهتمام
بالنسبة للظرف انا مش متأكد من سلامته لكن العربية شغالة كويس من أكتر من سنة، بس هي ايه أعراض تلفه؟
بالنسبة لنوع البلية، ركبت بلية ياباني لما باظت أول مرة وباظت بعديها بأسبوعين
بعد كده ركبت بلية يقال انها ياباني من عند واحد بيبيع بلي بس وبدأت تخرف تاني

مين اللي اشتري البليه انت ولا الميكانيكي وهل انت متاكد انها اتركبت .......حسبي الله ونعم الوكيل في الصنايعيه في اي مجال واي مكان

**samirayad** · 14-09-2010 09:17 PM

هل ممكن يكون فيه حاجة هي السبب ان البلية تبوظ بالسرعة دي؟

ممكن تكون صرة الفرده ملووحه

من أثر صدمه جانبيه أو مطب هوائى مباغت تعرضت له الفرده دى

**bassem.naguib** · 14-09-2010 10:12 PM

بالإضافة للردود السابقة .. أحب أوضح أن تركيب البلية لازم يكون عند خراط من خلال المكبس .. لأن فيه صنيعية بيقعدوا يدقوا على البلية أثناء تركيبها في الصرة مما يتسبب في تبويظها قبل ما البلية تشتغل .

ممكن تكون قطع الغيار مضروبة (وما أكثرها) فيا ريت التأكد من مصدر الشراء .. أو اللجوء لحل تاني أنك تاخد البلية القديمة .. وتنزل شارع شامبليون وتشتري واحدة زيها skf .. هي حتكون أغلى شوية بس أكيد مضمونة (ومتنساش الشراء من مكان مضمون علشان متبقاش مضروبة هي كمان)

**kaza** · 14-09-2010 10:32 PM

بلي العجل الامامي له طريقة خاصة في الشحط داخل صرة العجل وبيبقي لازم استخدام المكبس الهيدروليك عند الخراط مع مراعاة ان يكون الضغط علي الشفة الخارجية للظرف حتي لا يتلف البلي
الحاجة التانية لازم يتم الرباط عليها باستخدام مفتاح عزم وحتي 30 كجم \سم دة مناسب لاغلب العربيات اللي بتجري في شوارعنا

**uhlphp** · 15-09-2010 08:16 PM

انا معايا مازدا 323 وغيرت بلى الفردة الشمال 4 مرات فى وقت قصير وفى الاخر اشتريت جنب كامل من الوكالة وركبتة ( اما بالنسبة للمشكلة فانا لا اعتقد ان المشكلة من البلى او الخراط ولكن ممكن تكون من الجلبة الحديد الموجودة بين البليتين داخل الصرة والجلبة ديه كانت مكسورة عندى فى اخر مرة كنت بكبس بليتين للفردة والخراط عمل واحدة بنفس المقاسات ولكن من المحتمل ان تكون مقاساتها مش مظبوطة لانها اكيد اتكسرة قبل كدة واتعملت ) .
انا بقول لحضرتك كدة عشان لو مشترتش جنب خلية يشيل الجلبة ويكبس البلى على كدة وجرب واهم حاجة ان ميكونش فى بوش فى الصرة بعد الكبس .
وربنا يسهل والمشكلة تتحل

-

الموضوع: غيرت البلية مرتين في شهرين وباظت تالت

LinkBack

أدوات الموضوع

عرض

غيرت البلية مرتين في شهرين وباظت تالت - انشر الموضوع فى :

-

-

المواضيع المتشابهه

العربيه جابت كبالن مرتين فى شهرين

غيرت ماستر فرامل مرتين ولسه الفرامل ضعيفه

بسس قطع الغيار المضروبة غيرت قواعد موتور الميجان مرتين فى 6 شهور !!

انا بقالى اكتر من شهرين شهرين محتارة

جولف 2 كنت بجرى وباظت

الكلمات الدلالية لهذا الموضوع

المفضلات

المفضلات

ضوابط المشاركة