مشكلة جهاز الريموت و إنذار هيونداي إلنترا ٢٠١٠

**ahelmy** · 14-09-2010 04:53 PM

كان عندي مشكلة في جهاز الانذار و الريموت بتاع إلنترا ٢٠١٠ ... المشكلة إنه الإنذار كان مش شغال عن طريق الريموت و الريموت حتى مش بيشغل السنترلوك
روحت مركز الصيانة المعتمد .. غيرو FUSE والمشكلة إتحلت في دقيقة ..
والحكاية دي حصلت تاني دلوقتي
١- هل أروح مركز الصيانة تاني ... عشان أخليه يشوف يمكن في مشكلة في الكهرباء بتخلي ال-FUSE يتحرق ؟
٢- هل أغير ال-FUSE بنفسي ؟؟ الصراحة أنا حاولت اغيرو بس معرفتش اي FUSE يتغير ؟!!

إيه رأيكم أعمل إيه ؟

**venomixus** · 14-09-2010 06:19 PM

المشاركة الأصلية كتبت بواسطة ahelmy

كان عندي مشكلة في جهاز الانذار و الريموت بتاع إلنترا ٢٠١٠ ... المشكلة إنه الإنذار كان مش شغال عن طريق الريموت و الريموت حتى مش بيشغل السنترلوك
روحت مركز الصيانة المعتمد .. غيرو FUSE والمشكلة إتحلت في دقيقة ..
والحكاية دي حصلت تاني دلوقتي

١- هل أروح مركز الصيانة تاني ... عشان أخليه يشوف يمكن في مشكلة في الكهرباء بتخلي ال-FUSE يتحرق ؟
٢- هل أغير ال-FUSE بنفسي ؟؟ الصراحة أنا حاولت اغيرو بس معرفتش اي FUSE يتغير ؟!!

إيه رأيكم أعمل إيه ؟

باشا ... لو عاوز نصيحتي. الانذار اللي بيثزل في هيونداي هو أرخص وأردأ نوع انذار وهو بيتركب عن طريق محل في شارع دمشق بيبعت الفنيين بتوعه يركبوه في مخازن شركة هيونداي. متلعبش في الفيوزات وانزل اشتري انذار SPY العادي مش ال way 2 وروح ركبه عند أدريان . أنا عملت كده في عربية ماتركس 2010 والانذار شغال تمام ومش حيكلفك أكتر من 220 بالتركيب

**lol64** · 15-09-2010 03:38 AM

ياباشا انا الانذار بتاع الالنترا 2010 عامللى مشاكل فى البطاريه حتى بصراحه اردا واعفن انذار الله ريكرمك ياغبور

**ahelmy** · 15-09-2010 10:22 AM

طب هو عندي سؤالين

1- لو ركبت إنذار بره عند أدريان .. ممكن التوكيل يقول إن كدة العربية بره الضمان ؟
2- أنا كمان عندي مشكلة إن العربية بتحدف حدفه بسيطة يمين .. و رايح صيانة ال- 20،000 قريبا .. المفروض إن أي حاجة زي دي أو الإنذار تتصلح في التوكيل من غير ما ادفع أي فلوس ؟ في الضمان يعني ؟

شكراً للإهتمام

**venomixus** · 15-09-2010 12:49 PM

أنا شخصياً مش بعترف بالضمان ده و من ساعة ما جبت عربيتي النترا 2010 ومدخلتهاش التوكيل . أولاً لأن العربيه بيبان لو فيها عيب صناعة من أول 1000 كيلو وثانياً لأن شغل التوكيل مش بيعجبني وأسعاره مبالغ فيها . أنا بغير زيت عادي جداً في المحطة وبربط عفشه وزوايا برضو في المحطة ولو فيه حاجه بوديها لميكانيكي بتعامل معاه من 12 سنه بيفهم وشغله نضيف!

**samihanwar** · 15-09-2010 02:52 PM

المشاركة الأصلية كتبت بواسطة venomixus

أنا شخصياً مش بعترف بالضمان ده و من ساعة ما جبت عربيتي النترا 2010 ومدخلتهاش التوكيل . أولاً لأن العربيه بيبان لو فيها عيب صناعة من أول 1000 كيلو وثانياً لأن شغل التوكيل مش بيعجبني وأسعاره مبالغ فيها . أنا بغير زيت عادي جداً في المحطة وبربط عفشه وزوايا برضو في المحطة ولو فيه حاجه بوديها لميكانيكي بتعامل معاه من 12 سنه بيفهم وشغله نضيف!

انت فعلا كلامك عين العقل

**lol64** · 16-09-2010 06:03 AM

وانا كمان موافق كلامك وياريتنى كنت جبت الالنترا بتاعتى خليجى احسن بكتيير

**venomixus** · 16-09-2010 11:52 AM

للأسف التوكيل المفروض انه يقدم خدمة أحسن من كده والأسعار المفعض تكون أقل بكتير بس للأسف هو ده الواقع. العربيات أسعارها أغلى من أي حته في الدنيا مش عارف ليه ده غير الشوارع المكسرة اللي بتبهدل العربيات