يا ترى ايه سبب سخونة السيارة؟

**rabeasaber** · 15-09-2010 05:24 PM

يا جماعة من فضلكم االعربية فيها حاجة غريبة الحرارة عادية جدا فى الزحام واثناء السير ببطئ لكن على السرعات العالية والطرق المفتوحة بتسخن حتى لو بالليل مع ملاحظة انى ظبط التاكيهات ودورة المياه سليمة من ريداتير وطلمبة مياه والزيت تمام فيا ترى ايه ممكن يكون السبب خلاف ذلك؟

**karimfahmy99** · 15-09-2010 05:27 PM

نوع العربية اية ؟؟؟؟؟؟؟؟

و هل بتسخن لما تشغل تكييف و لا بدون تكييف . دا اذا كان فيها تكييف انا معرفش بتكلم على عربية نوعها اية !!!

**haroun707** · 15-09-2010 05:40 PM

خلى الكهربائى بتاعك يبص عليها لان ممكن يكون فيها حاجة عامله ماس

**karimfahmy99** · 15-09-2010 05:44 PM

المشاركة الأصلية كتبت بواسطة haroun707

خلى الكهربائى بتاعك يبص عليها لان ممكن يكون فيها حاجة عامله ماس

طب مال الماس و مال سخونة العربية ؟؟ لو ممكن توضيح

**rabeasaber** · 15-09-2010 05:55 PM

العربية 128 وطبعا بدون تكييف وهى فعلا فى الزحام بتكون حوالى 75 وعلى سرعة 100 مثلا على طريق مفتوح بتوصل لدرجة 90 وتثبت على كده حتى لو بالليل مع العلم زى ما قلت الناكيهات مظبوطة ودورة التبريد مظبوطة والمروحة ممتازة وناعمة جدا ورالثرموستات راكب 68/82 وشغال كويس

**karimfahmy99** · 15-09-2010 05:59 PM

ممكن تجرب حاجة و ابقى قولى النتيجة . افتح قربة الميية و دور العربية و زود بنزين شوية و خلليك شادد شوية و بص عل القربة شوف اذا فى بقاليل طالعة منها و لا لأ

هتسال لية هتعمل كدة هقولك بعد ما ترد . دى حاجة شاكك فيها كانت حصلت معايا

**ahmed1981** · 15-09-2010 06:09 PM

المشاركة الأصلية كتبت بواسطة rabeasaber

فى الزحام بتكون حوالى 75 وعلى سرعة 100 مثلا على طريق مفتوح بتوصل لدرجة 90 وتثبت على كده حتى لو بالليل

تمام جداً
ولا توجد مشكلة

**rabeasaber** · 15-09-2010 06:49 PM

المشاركة الأصلية كتبت بواسطة ahmed1981

تمام جداً

ولا توجد مشكلة

لأ دى فعلا مشكلة لأن المفروض بالليل خالص مع اندفاع الهوا البارد فى وش العربية وكمان دوران المروحة بإستمرار بدون توقف وثبات الحرارة على 90 وممكن أكتر شويه متهيألى مش طبيعى

**haroun707** · 15-09-2010 08:03 PM

المشاركة الأصلية كتبت بواسطة rabeasaber

لأ دى فعلا مشكلة لأن المفروض بالليل خالص مع اندفاع الهوا البارد فى وش العربية وكمان دوران المروحة بإستمرار بدون توقف وثبات الحرارة على 90 وممكن أكتر شويه متهيألى مش طبيعى

بص ياباشا بالنسبة للماس ممكن يخلى الامبير يعلى ويحسسك ان الحرارة عاليه وهى مش كده فى الحقيقة

وبالنسبة للنسب اللى حضرتك بتقول عليها للحرارة دى طبيعية جدا

ولو حضرتك عاوز تقللها ممكن تركب ثرموستات اقل من اللى عندك علشان تخلى المروحة تشتغل بدرى

وكمان فى ثرموستات فى الكوع الراجع من الريداتير مهمتها انها تخلى العربية تسخن او تخلى العربية درجة حرارتها فى الرنج ده ودى بتقفل المياه الساقعه اللى جايه من الريداتير لغايه لما العربية توصل لدرجة 90

والله اعلم

**khaled_sabry** · 15-09-2010 11:40 PM

المشاركة الأصلية كتبت بواسطة karimfahmy99

ممكن تجرب حاجة و ابقى قولى النتيجة . افتح قربة الميية و دور العربية و زود بنزين شوية و خلليك شادد شوية و بص عل القربة شوف اذا فى بقاليل طالعة منها و لا لأ

هتسال لية هتعمل كدة هقولك بعد ما ترد . دى حاجة شاكك فيها كانت حصلت معايا

اسمحلى احرق مفجأتك ليه

... علشان بس الراجل و هو شغال يبقى فاهم هو بيعمل ايه

هو بيخليك تختبر جوان وش السلندر و تشوفه ان كان بيهرب كبس السلندرات على ميه الريداتير ولا لاء
لأن لو ده حصل فحيسبب انه ميه الريداتير تنقص بشكل كبير مما يقلل من كفاءه دوره التبريد و بالذات الموضوع ده حيزيد مع السرعات العاليه ..:b4_048: