تغيير زيت العربية حتي الاستقرار علي نوع معين

**Bishoy.Girgis** · 16-09-2010 04:30 PM

سؤالي هو ايه المشكلة اللي هتحصل لو غيرت زيت عربيتي لغاية ما استقر علي نوع عشان العربية تكون مستريحة لأن شوية اسمع ان موبيل 1 افضل او امارات مصر او شيل او توتال او انواع كتيرة جدا
طيب هل في مشكلة للماتور في التغيير طيب ايه الاجراءات اللازمة عشان اغير زيت العربية من نوع لأخر عشان الموتور ميحصلش في حاجه او يقصر عمره ؟
طيب ايه نوع الزيت اللي فعلا هيكون مفضل للعربية و لو في لنكات نقدر نستفيد منها يبقي يا ريت
ارجو رد المختصصين او زوي الخبرات و ده لأنه هيكون مرجع كويس لأي حد يدخل علي الموضوع
و شكرا للاعضاء الكرام

**karimfahmy99** · 17-09-2010 05:30 AM

الزيوت نوعين . نوع اسمة تخليقة يعنى صناعى و نوع اسمة معدنى .

دائما يفضل استخدام نوع الزيت من نفس الفئة يعنى اذا كان عندك تخليقى غير بنوع تانى تخليقى يعنى لو عندك موبيل 1 غير مثلا بفيسكو 5000 التخليقى برضة

**Bishoy.Girgis** · 17-09-2010 11:48 AM

اوكيه طيب لو احنا استخدمنا التخليقي علي طول .. هل في مشكلة للماتور في التغيير طيب ايه الاجراءات اللازمة عشان اغير زيت العربية من نوع لأخر عشان الموتور ميحصلش في حاجه او يقصر عمره ؟

**Bishoy.Girgis** · 17-09-2010 10:35 PM

ايه يا جماعة هو سؤالي في قسم غلط ولا ايه

**karimfahmy99** · 18-09-2010 05:54 AM

شوف هقولك حاجة . لو بتغير من تخليقى لتخليقى معتقدش فى اى مشكلة . المهم تواظب على تغير فلتر الزيت دا اهم من الزيت نفسة . عموما لما تغير نوع الزيت غير الفلتر معاة . هى المشكلة الاكبر دايما بتكون لما تغير من زيت معدنى الى تخليقى فبتغير الزيت بعد مدة قصيرة متكملمش بيها عدد الكيلومترات اللى الزيت يعملة . يعنى مغير تخليقى بيقعد 10000 كم بتنزلة بعد 5000 كم و تحط تانى من نفس الزيت