ازاى اوصل الى حديقة الطفل بجوار بنك باركليز مدينة نصر

**aymanay32** · 17-09-2010 06:46 PM

حديقة الطفل بجوار بنك باركليز مدينة نصر
العنوان بالتفصيل

بس كده يا عم ولا تعب ولا حاجة ده العنوان .......
56 شارع احمد فخرى الرئيسى امام حديقة الطفل بجوار بنك باركليز مدينة نصر القاهرة

http://www.nilemotors.net/Nile/180445-a.html

ده عنوان محل عاوز اروحة من المريوطية الهرم و ياريت لو الدائرى ينفع لانى المريوطية قريب الدائرى و لو مينفعش اخد طريق رمسيس و لا ايه بالظبط

.

**Adham** · 17-09-2010 06:58 PM

الدائري ينفع بس لفة كبيرة

لو الشوارع هادية في يوم اجازة زي النهاردة خد رمسيس

من الدائري تكمل طوالي بعد كارفور و تدخل عالحي العاشر و تمشي لغاية مسجد السلام و منة تنزل لمصطفى النحاس و تمشي فية لغاية التوحيد و النور و تدخل يمين في مكرم عبيد و تمشي لغاية ماتلاقي صيدلية اسمها صيديلة افريقيا عاملة يافطة كبيرة زرقاء
تدخل يمين مع الصيدلية هوة دة احمد فخري

تمشي حوالي 400 -500 متر و لما تعدي فتحة يمين حاتلاقي البنك بعدها بشوية

من رمسيس امشي لغاية صلاح سالم و كمل طوالي لنادي السكة الحديد و لف من قدامة و ادخل شمال في اتجاة المنصة

و كمل طوالي و اقطع المترو (يوسف عباس) و الطيران (ميدان رابعه العدوية) و عباس العقاد و اول شارع يمين بعد عباس العقاد هو مكرم عبيد ادخل فية و هو بعد قسم مدينة نصر اول و شركة الكهرباء وحاتلاقي اولة سيتي سنتر على شمالك

ادخل يمين في مكرم عبيد و امشي لغاية ماتلاقي جنينة كبيرة على شمالك واول لما تخلص لف شمال حاتلاقي صيدلية افريقيا يمينك كمل طوالي

**aymanay32** · 17-09-2010 09:11 PM

الف شكر يا باشا

**Adham** · 17-09-2010 09:28 PM

معلش يا استاذ ايمن

انا اتلخبطت افتكرت قصدك البنك العربي اللي في ابو داود الظاهري
هو برضة جنبة بس احمد فخري يبقى عمودي على ابو داود الظاهري شوف الخريطة دي تبين لك الوقع بالضبط

Wikimapia - Let's describe the whole world!

**Adham** · 17-09-2010 09:28 PM

كدة يبقى انت ماتدخلش مكرم عبيد و انت جاي من طريق النصر بعد ماتعدي عباس العقاد, و انما فوتة و ادخل من الفتحه اللي بعدة, تاني يمين بعد عباس العقاد يعني , هوة دة احمد فخري