والله بلد غريبة !! عايشين فيها (( عن شركة دامسون للاجهزة الرياضية اتحدث ))

**m_car** · 19-09-2010 08:11 PM

انا بكتب الموضوع وانا بضحك على اللى بيحصل فى البلد العجيبة اللى اسمها مصر

انا نويت اشترى مشاية كهربا يعنى كنوع من ممارسة الرياضة وتخفيف الوزن شوية

ويارتنى ما فكرت انا غلطان اصلا انى عاوز انزل وزنى ما انا كويس كده

كلمت شركة اسمها دامسون رقمها .......... عاملة اعلان فى التليفزيون وطلب منهم مشاية كهربا

ردت عليا بنت الاول قالت السلام عليكم الو (( بصوت رقيق اوى انا بصراحة حسيت برعشة ))
قلت الو وعليكم السلام شركة دامسون

قالت ايه
انا : شركة دامسون للاجهزة الرياضية
هى : اييييييييييييييييييه (( كانها تحولت )) طبعا مفيش حاجة اسمها اتيكيت الكستومر سيرفز
قلت ليها بالراحة شوية عليا

قالت ايوة يافندم اامرنى (( رجعت تحن زى الاول تانى ))

قلت ليها انا عاوز مشاية كهربا وعاوز اعرف الاسعار والصناعة والمواصفات كلها

قالت لا والله مش موجودة , عندنا جهاز بخار وعجلة
وقالت ليا فى عرض حلو اوى ممكن تاخد الاتنين ب 750 وعرض لمدة يوم علشانك انت بس (( ما تجيب رقم موبايلك )) بنفس الطريقة والله
قلتلها على الرقم (( علشان خاطرى ابقى سيفيه عندك بأسم / منتصر ))

قالت اوك انا باخد الرقم علشان المكالمة لو فصلت و انا اتصل بيك

قلتلها ربنا يخليكى يارب والله ناس محترمة

هى / ها يافندم قررت ايه بقا تاخد العرض والله عرض كويس

قلتلها انا : عرض جميل بس انا عاوز المشاية لازم المشاية

قالت خلاص يبقى مش عندنا والله اللى عندنا بيتصدر لبرة مصر مش عندنا

انا : علشان خاطرى خدمة لاخوكى شوفى حد جمبك بيبيع المشاية الكهربا وابقى هاتيه وشوفى سعرها كام وانا احسابك

قالت اوك ومالو تحت امرك (( وقفلنا المكالمة ))

وبعد 10 دقايق موبايلى يضرب رقم القاهرة 02/
قلت يبقى هى

رديت عليها قالت ايوة يا فندم انا كذا .. يا استاذ منتصر ها قررت ايه

( يادى النلية على قررت ايه ))قلت ليا انا عاوز مشاية كهربا واقسم بالله العرض بتاعكم عرض جامد جداااااا ولو معايا فلوس كنت جبت منه اتنين تلاتة احطهم فى البيت

قالت اوك خلاص براحتك تحت امرك

وفى اليوم التالى نفس المعاد بتاع اتصال امبارح اتصلت بيا نفس الرقم

الو ايوة يافندم ها قررت ايه

قلت ليها والله عرض جامد بس انا قلت لاخواتى وهما هيقرروا بس انا عاوز الماشية الكهربا

قالت اوك خلاص بقا لما هما يقرروا طالما انت مش عارف تاخد قرار ومحتار

بصراحة بعد الكلمة دى فتحت فى الضحك مقدرتش امسك نفسى

س1/ هل ده نوع من الغتاتة ؟
س2/ هل هى معجبة بيا ؟
س3/ هل هى فاضية وعاوزة حاجة تشغلها ؟
س4/ هل ده ممكن يحصل فى مكان تانى برة مصر ؟

سؤال يفرض نفسه ارجو الاجابة من كل مصرى

(( انا خايف تتصل بيا تانى ))

**makka** · 19-09-2010 09:04 PM

هى بنت مجتهدة ومطلوب منها انها تبيع فى التليفون اما حكاية انها معجبه بيك فاظن انها بتكلم فى اليوم 30 او 40 راجل غيرك بتنفذ معاهم الاسلوب دا. هى بتمارس الغتاته بسبب غتاتة المدير بتاعها.
دلوقتى كمان الشركات دى بتتصل على تليفون البيت تبقى قايم من النوم الصبح كده تلاقى بنت ناعمه الو ازيك يا فندم معاك سها ولا نها من شركة اع . مك العالمية عندنا بطاطين واطقم سراير اقوم مقاطعها بنتى لسه صغيرة ومش هتجهز دلوقتى ايوه طب فيه اجهزة محمول صينى بت. اقاطعها انا معايا موبايل كويس ومش هغيره.
فى واحده اعرفها شغالة الشغلانه دى طول النهار فاتحة الدليل قدامها وبتتصل بتاخد عموله كبيره على كل منتج تبيعه يعنى مثلا ممكن 10 جنيه من كل تليفون يطلب اوردر فاذا الحظ مشى معاها تعمل 5 اوردرات ولا حاجه مع مرتبها يبقى كويس خالص

**نور القمر** · 19-09-2010 09:50 PM

هههههههههههههههههههه
(( اييييييييييه)) الكلمة دي بتستفزني جدا وكانت بنت غتته كل شوية تتصل بيا في اوقات غتته عشاان اشتري تكييف يونيون اير بعرض خاص عشان خاطر عيوني عشان اشتريت نفس النوع قبل كدة
ونفس الاسلوب الغبي في ادارة الحوارولما زهقت منها قلت لها رقمك عندي ولو قررت اشتري انا هتصل بيكي
يعني من الاخر افهمي ومتتصليش تاني

**m_car** · 19-09-2010 09:57 PM

انا واثق انها هتكلمنى بكرة اكيد بكرة

**ASKAFRAWY** · 19-09-2010 10:03 PM

المشاركة الأصلية كتبت بواسطة makka

هى بنت مجتهدة ومطلوب منها انها تبيع فى التليفون اما حكاية انها معجبه بيك فاظن انها بتكلم فى اليوم 30 او 40 راجل غيرك بتنفذ معاهم الاسلوب دا. هى بتمارس الغتاته بسبب غتاتة المدير بتاعها.
دلوقتى كمان الشركات دى بتتصل على تليفون البيت تبقى قايم من النوم الصبح كده تلاقى بنت ناعمه الو ازيك يا فندم معاك سها ولا نها من شركة اع . مك العالمية عندنا بطاطين واطقم سراير اقوم مقاطعها بنتى لسه صغيرة ومش هتجهز دلوقتى ايوه طب فيه اجهزة محمول صينى بت. اقاطعها انا معايا موبايل كويس ومش هغيره.
فى واحده اعرفها شغالة الشغلانه دى طول النهار فاتحة الدليل قدامها وبتتصل بتاخد عموله كبيره على كل منتج تبيعه يعنى مثلا ممكن 10 جنيه من كل تليفون يطلب اوردر فاذا الحظ مشى معاها تعمل 5 اوردرات ولا حاجه مع مرتبها يبقى كويس خالص

+111111111111111
هو فعلا كدة فعلا بيعملو كدة وسها ونها دوووول بالذااااااااااااااااااااا ات منتشرين اوى دول ماركة مسجلة ولا ايه!!!!!!!!!!!!

بس ايييييييييييييه دى بتستفز بصراحة اوى...

**نور القمر** · 19-09-2010 10:06 PM

المشاركة الأصلية كتبت بواسطة tyler_durden

خليها تبعت لك فيديو كول
ده هايساعدك تقرر أسرع

ههههههههههههههههههههههههه ه دايما ردودك مختصرة وفي الجون
وانا اؤيد الفكرة بشدة

**m_car** · 19-09-2010 10:07 PM

اصلا ال750 ج دول كتير اوى على المنتج العجيب بتاعها ده وبعدين بتقولى طالما انت مش عارف تقرر يبقى خلى اخواتك هما اللى يقرروا فى العرض ده

انا ضحكت جداااااااااااااااا والله مردتش انى ارد عليها رد يزعلها بجد على الكلمة دى

**ASKAFRAWY** · 19-09-2010 10:09 PM

المشاركة الأصلية كتبت بواسطة Tyler_Durden

خليها تبعت لك فيديو كول
ده هايساعدك تقرر أسرع

اوعى تعمل كدة......هتقفل تليفونك شهر..او هتغير الرقم

خليك فى الفويس كول!!
ونصيحة لو مش عاوزها تتصل تانى كلمها بجدية وبقلة ذوق
لواحتجت العرض هبقى كلمك والطع السكة وخلصت القصة

-

-

الموضوع: والله بلد غريبة !! عايشين فيها (( عن شركة دامسون للاجهزة الرياضية اتحدث ))

LinkBack

أدوات الموضوع

عرض

والله بلد غريبة !! عايشين فيها (( عن شركة دامسون للاجهزة الرياضية اتحدث )) - انشر الموضوع فى :

-

-

-

-

المواضيع المتشابهه

تاريخ اعظم شركة للسيارات الرياضية بورش

ايه الازدواجية اللى احنا عايشين فيها دى؟؟

الكلمات الدلالية لهذا الموضوع

المفضلات

المفضلات

ضوابط المشاركة