مشكلة فى سيارتى الاكسيل وارجو الراى والمشوره

**mohameda73** · 20-09-2010 12:50 AM

رجو المساعدة فى مشكلة غلبتنى
باختصار فى صوت عالى جد من ناحية الشمال عند السيور والطنابير ورفه فى طنبورة الكرنك
غيرتها بواحدة استيراد واشتغلت فترة ورجعت ترف تانى ورجع الصوت العالى مرة اخرى
رحت لميكانيكى غير الاولانى حل طنبورة الكرنك وقال انها سليمه والعيب فى المسمار اللى بيربطها فى الكرنك انه مبوش وعملها مسمار جديد
اشتغلت حلو يومين ورجع الصوت تانى
هو اللى بيبوظ فى الطنبوره دى قطعة من الكاوتش فى وسطها اما حديد الطنبوره بيكون سليم بس مينفعش يتغير لازم الطنبوره تيجى كلها خته واحده
والله فكرت الحم مكان الكاوتش دا واريح دماغى بس الكل قال ان كدا ممكن الكرنك يتكسر لان الكاوتش دا بيعمل ليونه غلى عمود الكرنك
ارجو الافادة اعمل ايه فى المشكلة دى

**SAMEH_FOUAD** · 20-09-2010 03:04 AM

انا كدة شاكك فى ان عمود الكرنك هو اللى معوج فحاول تلحقة من دلوقتى طالما كل شوية بيخلى الطنبورة ترف

ولو انت مش من النوع اللى بتحرق ممكن يتخرط وبيبقى بتكلفة قليلة ودة مش بيبان الا لما بيطلع

**mohameda73** · 20-09-2010 08:35 AM

المشاركة الأصلية كتبت بواسطة semsem kane

انا كدة شاكك فى ان عمود الكرنك هو اللى معوج فحاول تلحقة من دلوقتى طالما كل شوية بيخلى الطنبورة ترف

ولو انت مش من النوع اللى بتحرق ممكن يتخرط وبيبقى بتكلفة قليلة ودة مش بيبان الا لما بيطلع

المشاركة الأصلية كتبت بواسطة karimfahmy99

بعد الميكانيكى ما ركب الطمبورة دور العربية ع السريع و بص عليها اذا كان فى رفة من الكرنك و لا لا . و يمكن بيشد السيور زيادة عن اللزوم و ممكن برضة اللرفة تكون من الطمبورة المقابلة لطمبورة الكرنك بتخليها تعمل كدة . و هل لما دلوقت تفك السير الطمبورة هتكون سايبة برضة ؟

بص حضرتك اول ميكانيكى رحتله فك الطنبوره خالص جرب ودور العربية من غير طنبوره وكان واقف الخراط وبص على الكرنك وقال الكرنك سليم ولما غير الطنبوره مكنتش بترف ودى قعدت معايا حوالى 3 او اربع شهور
تانى مره حصلت معايا وكنت مسافر اسكندريه ومعرفش حد هناك وفى واحد فك وقال لاء الطنبوره سليمه بس عاوزه مسمار و فعلا ركب مسمار واشتغلت بس قالى لما ترجع مصر ابقى شوف الكرنك شكله عاوز هلالات وهو اللى بيبوظ الطنابير
بس لما رجعت للميكانيكى بتاعى قالى لا هلالات ولا حاجه
مع العلم ان العربيه سحبها ممتاز ومش بتاكل زيت ولا بتدخن
بس المشكله رجعت تانى وزاد عليها حاجات تانيه دلوقتى لو لفيت الطاره يمين او شمال على الاخر العربية بتبطل
وحضرتك لو فعلا الكرنك فيه مشكله يبقى ايه حله ؟ ويتكلف كتير؟ ولا الميكانيكى يفتحلى فيها وخصوصا اليومين دول الظروف متسمحش وكمان المدارس دخلت ومحتاج العربيه كل يوم علشان بوصل بنتى للمدرسه يعنى مينفعش افك الماتور دلوقتى
وهو ممكن امشى عليها كده ولا دا يسبب مشاكل اكتر

**mohameda73** · 20-09-2010 08:41 AM

المشاركة الأصلية كتبت بواسطة karimfahmy99

بعد الميكانيكى ما ركب الطمبورة دور العربية ع السريع و بص عليها اذا كان فى رفة من الكرنك و لا لا . و يمكن بيشد السيور زيادة عن اللزوم و ممكن برضة اللرفة تكون من الطمبورة المقابلة لطمبورة الكرنك بتخليها تعمل كدة . و هل لما دلوقت تفك السير الطمبورة هتكون سايبة برضة ؟

اه على فكره نسيت اقول لحضرتك انه لما فك الطنبوره ودور العربيه مكنش فى اى صوت خالص
اما بالنسبه للطنبوره المقابله لطنبوره الكرنك فدى مفيهاش مشاكل و بتدور عدل
وفى حاجه كمان مره فكيت سير التكييف لقيته معوج وغيرته بس متعوجش تانى

**SAMEH_FOUAD** · 20-09-2010 01:58 PM

هية خطورتها انك ممكن لا قدر الله بتكون ماشى وتلاقى الطنبورة فكت من مكانها بس انا احب اوضحلك حاجة , لو حسيت بأى رفة فى الطنبورة روح لاقرب ميكانيكى على طول

وبدل ماكل شوية تفك وتركب وتجرب يبقى حضرتك اكشف عليها مرة واحدة ومش هيتكلف كتير ان شاء الله , مش هتعدى التكلفة بالمصنعية 300 جنية اول اقل بإذن الله

انا عارف طبعا ظروف دخول المدارس والكلام دة بس هنعمل اية , وانك تصلحها احسن ماتقف بيك فى الشارع