بص ياباشا
انا مش عايز اوجع بطنك واسبق بالنتيجة
لكن مبدأي لازم قبل ما تدور العربية الصبح او بعد ركنها فترة طويلة تشوف في زيت بنزل تحتها ولا مفيش
انا احسن طريقة عرفتها بتجيب كرتونة نظيفة كبيرة وتفرشها تحت النص الامامي للعربية
اتمنى مبدأيا يطلع ده السبب
افتح الكبوت وبص فوق الموتور وحواليه شوف في اي تسريب زيت ولا مفيش
اتمنى برضه يطلع ده السبب
الحل الاخير (عندي انا وعن سابق خبرة)
اول لما تيجي تدور الصبح
اقف انت عند الشكمان وخلي حد يدور ويزود بنزين وشوف هيطلع دخان أبيض ولا مش هيطلع
واتمنى ان ميكونش ده السبب لانك كده مبدأيا هتكون محتاج تعمل شنبر وممكن تدخل في عرمة وهتبان لما الموتور تيفتح
انا عن نفسي عملت حركة علشان اتأكد انه حرق زيت هو سبب النقصان طبعا بعد ما عالجت كل الاسباب اللي قلتلك دي عليها
حطيت زيت شنبر العلبة كانت ب 18 ج نوع امريكي
نهى نقصان الزيت تمام وبكده تأكدت تماما اني محتاج ان الموتور يتفك والحمد لله ربنا ستر وجت في طقم شنبر
وان شاء الله متكونش فك موتور لان موديل عربيتك يعتبر حديث نسبيا بس ده ما يمنعش (على فكرة الميكانيكي كان بيقسملي ان في عربيات 2008 كانت بتجيله تعمل شنبر)
المفضلات