الموضوع: مشروع بدر الدين (الشيخ زايد)

اه بالنسبه للميه والكهربا
انت جنبك بالظبط محطه المياه الرئيسيه للشيخ زايد فا الميه عمرها ماتقطع عندك و لو قطعت انزل قفللهم المحطه هههه
و الكهرباء عامة فى الشيخ زايد مش الطبيعي انها بتقطع ماعدا فى الايام الصيفيه السابقه كانت بتقطع فى مصر كلها

المشاركة الأصلية كتبت بواسطة timtim

يعني المشروع دا تبع المشروع القومي للاسكان؟

لأ لان مالوش اشتراطات المشروع النصب بتاع القومي للاسكان
يعني مش لازم متبك يكون اقل من 1500 و الكلام الفاضي ده
دي شركه خاصه
[quote=timtim;3873057280]
عندك فكرة هل الاسكان الحدائقي فيه منه مراحل جديدة؟ يعني في امكانية الدفع بالتقسيط؟ انا عارف ان اسعاره عالية .. بس لو حضرتك عندك فكرة عن اخر اسعار ليه ونظام الدفع .. مشكور
[/quote]
مسمعتش ان فى مراحل تانيه
بس فى شقق الناس بتبعها
و اسمع العرض ده
شقه 126 متر غرفتين و صاله و 2 حمام
150000 مقدم
1800 جنيه لمدة 15 سنه
يعنى 800000 تمن شقه 126 متر غرفتين وصاله

المشاركة الأصلية كتبت بواسطة basem2000

جزاك الله خيرا علي المعلومات دي بس انا ليا استفسار ومش عارف ان كان عندك معلومة بي او لا
كان شهر 2 اللي فات كان معروض شقق في الحي الي ال16 واعتقد انها برده كانت استثماري وكان المقدم بيبتدي من 13 الف الي 28 الف وبرده كان القسط تقريبا 500 او 600 ج
يا تري مافيش اي مكان كده في زايد بالمقدم البسيط ده
وربنا يجازيك كل خير

للاسف الشديد على ما اعتقد ان الشقق اللى بتقول عليها دي هي الشقق 58 متر
صافي 40 متر (حسبي الله ونعم الوكيل فى اللى بناها )
ودي تبع الجهاز فعلا (اسكان شباب) و في منها كتير ماتبعش لحد دلوقتى بسبب المغالاه الشديده فى سعرها
500 جنيه لمدة 20 سنه فى شقه 58 متر (دي قلة ادب)

المشاركة الأصلية كتبت بواسطة mr_safwt

جزاك الله كل خير
والله انت راجل عسل وشجعتنى جدا انى اخد هناك
ان شاء الله فى اقرب فرصة هانزل اشوفها وعلى كلامك شكلى ان شاء الله هبقى جارك
وان شاء الله لما انزل اشوفها هاصورها للناس كلها اللى عايز تشوفها

دا من زوقك
تنور انت و اي حد من نايل موتورز
انا على فكره ساكن فى الحي ال 13
و كنت بدور من كام يوم مع واحد صاحبي على شقق وجدت حوالى 3 شقق الدور الاول فوق الارضي شقق 67 متر - اسكان اقتصادي ب 85000 و باقى عليها 200 جنيه لمدة 4 سنين و بعدها 100 جنيه لمدة 10 سنين و كلها فى الحي 13 المجاوره 4
وفى كمان شقق اسكان شباب 63 متر من اول 110000 الى 140000 و باقى 50 جنيه لمدة 10 سنين
و نصيحه لاي حد
بلاش الحي ال 11 (سيئ جدا بسبب كثرة العماله اللى ساكنه هناك + الموقف + قسم الشرطه + ورش كتيره هناك )
و الحي ال 16 محتاج عربيه (اساسي ) لان لسه الخدمات مش منتشره و الموصلات مش بتروح هناك بس مستقبل الحي جيد بإذن الله

نظرا لكثره المواضيع على المنتدى الاجتماعي ارجو ارسال تنبيه على الخاص حتى لا اتأخر على احد فى الردود لأني ابحث عن الموضوع فى اول 4 صفحات ولا اجده