العربية بتعذبني الصبح ولما بتكون باردة علشان تدور....أرجوكم الحل لأن البطارية هتدمر

**الصيداح** · 23-09-2010 10:41 PM

سلام الله عليكم

عندي مشكلة في الداتشيا97
وهي تتمثل في أن العربية لما بتكون باردة وخاصة في الصباح بتعذبني في الدوران ممكن 10 دقائق كاملة محاولة علشان تدور
كدة البطارية هتدمر وهي لسة جديدة والمارش هيتدمر هو كمان من كثرة المحاولات
وطول ما هي سخنة مفيش مشاكل

دلوقتي في مشكلتين

1- أولا حكاية التأخير أثناء الدوران الصبح علما بأن ((البوجيهات لسة مغيرها من يومين دينسو الأصلي وكمان أسلاك البوجيهات جديدة والبطارية جديدة والكربراتير لسة منضفه ومفيهوش الهوا))
فما الحل هل ظبط تاكيهات ولا ملهاش علاقة ولا ايه بالظبط؟

2- المشكلة التانية متعلقة بالمارش لما العربية بتكون باردة ساعات مبيدورش لكن لما العربية تكون سخنة عادي جدا

أرجوكم المساعدة وجزاكم الله كل خير

**ahmedezzat666** · 23-09-2010 10:51 PM

جرب تكارك بنزين 4 او 5 مرات قبل ما تدور
لو مجبش نتيجه خلى الميكانيكى يشوفلك رداخ البنزين
و بالنسبه لموضوع تعليق المارش اعتقد ان الشربون بتاعه خلص خلى الكهربائى يبص عليه و لو خلصن يغيره و دى سهله و مش مكلفه خالص

والله أعلم

**الصيداح** · 24-09-2010 02:08 AM

موضوع أني أكارك بنزين ده بعمله قبل ما بدور يمكن لمدة نصف ساعة أساسا أقصد أني بكارك كتييير أوي ومفيش فايدة وبالنسبة للمارش كل شوية أغير شربون ميقعدش أكثر من 3 أو 4 أيام وغيرت كهربائية كثيير ومفيش فايدة

**Adham** · 24-09-2010 02:15 AM

المشاركة الأصلية كتبت بواسطة الصيداح

كل شوية أغير شربون ميقعدش أكثر من 3 أو 4 أيام

الشربون يعيش سنين و مش ممكن ينتهي في 4 ايام

حاول تبيت السيارة عند الميكانيكي

و الصبح لما ييجي يراجع يشوف المشكلة منين

هل فية مشكلة في الطلمبة او الراجع بيفضي البنزين من الكاربراتير او تنفيس من جوان الكاربراتير بيبخر البنزين من الكاربراتير

و الاهم انة يشغل التشوك

**الصيداح** · 24-09-2010 02:37 AM

المشاركة الأصلية كتبت بواسطة adham

الشربون يعيش سنين و مش ممكن ينتهي في 4 ايام

حاول تبيت السيارة عند الميكانيكي

و الصبح لما ييجي يراجع يشوف المشكلة منين

هل فية مشكلة في الطلمبة او الراجع بيفضي البنزين من الكاربراتير او تنفيس من جوان الكاربراتير بيبخر البنزين من الكاربراتير

و الاهم انة يشغل التشوك

معلش حاول توضحلي كلامك شوية لأني مش خبرة أوي
وجزاك الله كل الخير

**Adham** · 24-09-2010 03:28 AM

حضرتك حدد اية اللي مش فاهمه و انا افسرة

**kantoosh** · 24-09-2010 03:41 AM

بالنسبة لموضوع الدوارة الصبح ده بيبقى غالبا مشكلة كهربا خلى الميكانيكى يظبطلك الكهربا بتاعة العربيه لو واطيه او عاليه تعمل كده وبالنسبه لانك بتقول انك بتكارك كتير فده اكبر غلط لانك ممكن تخلى العربيه تشرق منك وفعلا ما تدورش بسرعه بالعكس دى تطول فى المده بتاعة الدوارة وتلاقسيها بتطلع دخان اسود من الشكمان انت بس كارك مرتين تلاته كده واستنى شويه وبعدين سمى ودور وكارك وانت بتدور مرتين كمان اول ما يلقط دوس دوسه واحده وارفع رجليك من على الدواسه
اما بالنسبة للمارش روح لكهربائى كويس لانه ده مش مشكلة شربون فى الغالب ده مشكلة الاوتوماتيك فى الغالب بيعلق
وده على حد معلوماتى الضعيفه وشكرا

**الصيداح** · 24-09-2010 03:58 AM

المشاركة الأصلية كتبت بواسطة kantoosh

بالنسبة لموضوع الدوارة الصبح ده بيبقى غالبا مشكلة كهربا خلى الميكانيكى يظبطلك الكهربا بتاعة العربيه لو واطيه او عاليه تعمل كده وبالنسبه لانك بتقول انك بتكارك كتير فده اكبر غلط لانك ممكن تخلى العربيه تشرق منك وفعلا ما تدورش بسرعه بالعكس دى تطول فى المده بتاعة الدوارة وتلاقسيها بتطلع دخان اسود من الشكمان انت بس كارك مرتين تلاته كده واستنى شويه وبعدين سمى ودور وكارك وانت بتدور مرتين كمان اول ما يلقط دوس دوسه واحده وارفع رجليك من على الدواسه
اما بالنسبة للمارش روح لكهربائى كويس لانه ده مش مشكلة شربون فى الغالب ده مشكلة الاوتوماتيك فى الغالب بيعلق
وده على حد معلوماتى الضعيفه وشكرا

جميييييييييييل جدا وكويس أنك دخلت في دماغي موضوع أتوماتك المارش ده
وبالنسبة لما ذكرت فسأجرب مالطريقة التي قلتها وجزاك الله كل خير
ربنا يبارك لك

**الصيداح** · 24-09-2010 03:59 AM

المشاركة الأصلية كتبت بواسطة adham

هل فية مشكلة في الطلمبة او الراجع بيفضي البنزين من الكاربراتير او تنفيس من جوان الكاربراتير بيبخر البنزين من الكاربراتير

و الاهم انة يشغل التشوك

هو ده اللي مش فاهمه يا غالي

**Adham** · 24-09-2010 04:17 AM

ممكن السبب يكون تبخر البنزين من الكاربراتير اثناء توقف السيارة ومبيتها بسبب تهريب بنزين من الجوان

او ان العيب من الراجع بتاع البنزين لو فية بلف راجع تالف بيخللي البنزين يفضى من دايرة الوقود و يرجع عالتنك

و ممكن تخللي الميكانيكي يصلح الشفاط (التشوك) و دة زرار عبارة عن ذراع في التابلوة بتشدة قبل الدوارة و يقوم بخنق الكاربراتير و تسخين السيارة لدقائق ثم تعيدة و تغلقة قبل السير بها