افيدونى جزاكم لله خيرا فى الماتور

**superstar** · 24-09-2010 05:44 PM

حروح اشترى سيارة 127 وكنت عوز اعرف الماتور كويس او مش كويس ازاى ما الخطوات للى تحددلى صلاحية الماتور

**tom_gr** · 24-09-2010 06:57 PM

وانا كمان

**hemalotfy** · 24-09-2010 08:06 PM

اولا ربنا يوفقك في البيعة دي

ثانيا اول حاجة شوف في رشح زيت في اي مكان في الموتور قبل ما تدور.
ثالثا : اول ما تدور انزل وبص على الموتور ياريت تكون في حته هاديه خالص واسمع صوت نبرة الموتور بتعلى وتوطى ولا صوت ناعم سلسل
ثالثا : شيل خرطوم الفايظ اللي متوصل بالكاربرتير وبص هل في دخان طالع منه ولا لا لو في دخان طالع منه يبقى الموتور ده خفيف.

كان في موضوع هنا في المنتدى بيتكلم كلام ممتاز في الموضوع ده ممكن حضرتك تبحث عنه
وياريت باقي الاعضاء يفيدوك

**kantoosh** · 25-09-2010 02:38 AM

السلام عليكم ورحمة الله وبركاته
بالنسبه للموتور كلام الاخ هيما زى الفل بس اختصار كلامه افتح غطا الزيت والموتور داير وشوف الزيت بيتبخر ولا لأ وصوت الموتور عامل ازاى طبعا لو فيه تخبيط ولا حاجه هيبان
وكمان روح على الشكمان من ورا وحط صباعك وخد لحسه من الشكمان من جوا بصابعك وحسس عليه بايدك كانك بتلمس قماشة وشوفه لو املس فى ايدك مدهنن يعنى يبقى مفوت وده اثر الزيت اللى خارج من الشكمان ولو هباب اسود وعامل زى التراب يبقى كاربراتير وبس وكمان لما الموتور يسخن شوية اكتم الشكمان بايدك لو استحملت تحط ايدك يبقى الموتور حرقة مش تمام او الشكمان مخروم بس طبعا هتسمع صوط طالع من الحته المخرومه من الشكمان
وده على حد غعلمى والله اعلم ومبروك مقدما