استفسار من الاخوة الخبراء

**sansan** · 25-09-2010 03:32 AM

السلام عليكم وكل عام وانتم بخير معلش استحملوني في الموضوع ده شوية انا معايا عربية فيات 131 موتور cl1600 cc الموتور كان خيفيف شوية كان اخره لو دوست بنزين علي الاخر كان 110 كيلو وخصوصا اني منن الصعيد وبسافر بيها للقاهرة علي الصحراوي وبعدين فتحت الموتور لقينا البساتم مكسورة عند مكان الشنابر فغيرت طقم البساتم والشنبر والحمد لله الموتور مكنش فيه غير دول بس وكله بعدين تمام من كرنك وشمايز زخلافه وهو علي فكرة استاندر المهم برضه السرعة نفس الموضوع اخرها 110 كيلو رغم اني منظف الكربيراتير ومغير فلاتر البنزين ومغير طقم الدبرياج كامل وبرضه نفس المشكلة كمان في مشكلة تاني لما يكون حد راكب معايا في الكراسي اللي وراء سواء كانوا اثنين او ثلاثة حتي لو مش تخان اوي العربية بحسها بتمشي بالعافية وخصوصا في المطالع يعني اخر مرة كانت في رمضان وانا طالع طريق المقطم الصاعد كنت بحس العربية بتطلع في الروح غير انها كانت لما ازود شوية تصقف مني فاضطر إلي ترجيع الغيار للي قبله علشان تمشي كويس فارجو من السادة الخبراء ان يقولوا لي ماذا افعل ولا ده طبيعي يعني علشان انها عربية قديمة يبقي اخرها كده وهل ينفع اني اغير موتور للقيات يكون شديد وكويس ويجيب سرعات وممكن يستحمل تركيب تكييف ارجو الرد للأهمية وبارك الله فيكم

**sansan** · 25-09-2010 01:26 PM

هو مفيش حد خبير في فيات ولا ايه يا جدعان ولا خلاص القديم خلاص اتنسي

**samirayad** · 25-09-2010 03:45 PM

سؤالين

1- هل كشفت كويس على غرف الحريق من الداخل وقت تغيير البساتم بالشنابر ولا لا

2- هل تم عمل روديه لوش السلندر أثناء فك المكنه ولا لا

**sansan** · 25-09-2010 04:15 PM

اولا اشكرك اخي samirayad علي الرد والاهتمام هل تقصد بغرف الحرق الشمايز فهي كويسه جدا وبالنسبة للرودية بتاع وش السلندر فلم يتم عمله

**samirayad** · 25-09-2010 04:30 PM

وبالنسبة للرودية بتاع وش السلندر فلم يتم عمله

لماذا

فهل تم الكشف على وضع الصبابات من أسفل الوش

والأطمئنان على أن كله تمام

ولا هو محلش الوش أساسا وكان بيشتغل من أسفل المكنه وهو بيركب البساتم بالشنابر

**sansan** · 25-09-2010 04:36 PM

لا هو فتح المكينة من فوق ومن تحت بس انا سالته علي الوردية لاني في واحد قالي لازم نعمله فالميكانيكي قالي لا وش السلندر تمام ومش محتاج وردية

**samirayad** · 25-09-2010 04:46 PM

أنا حريحك ونريح نفسنا

أعمل أختبار كبس للمكنه

وهاتلنا نسبة الحبك لكل غرفة الحريق

حيبان معانا شغل الراجل ده

وحنعرف أذا كان العيب من حبك غرف الحريق ولا فيه حاجه تانيه

_________________________

بالمناسبه

المفروض تكون مطمن لآداء الكربوراتير برضه

على أساس ممكن يكون محتاج صيانه

بيكاته أتسدت شويه مثلا من أثر التشغيل على مدار الأعوام السابقه

**sansan** · 25-09-2010 05:00 PM

اخي بالنسبة للكبيرتير انا لسه منضفه قبل رمضان بشهر اما بالنسبة لإختبار كبس المكينة فمعلش انا مش عارف ازاي اعمله ده ارجو منك ان تفهمني اعمل الاختبار ده ازاي وبارك الله فيك

**samirayad** · 25-09-2010 05:06 PM

دى طريقة أختبار كبس محركات الأحتراق الداخلى ( زى محركات السيارات )

بتتعمل فى أماكن معينه

ومنها بيتعرف نسب الحبك لكل غرفه

ولو فيه قصور فى النسب بيتعرف أذا كان العيب من عدم تطبيع الصبابات ولا بسبب تفويت من حول الشنابر

http://www.nilemotors.net/Nile/65410...sion-test.html