عرض للطباعة
حبيت اشترى ساعة كاسيو EDIFICE اكتشفت ان الكاسيو فى منها تقليد Copy وكمان
درجات .... حاجة تقرف هى رولكس ؟؟!!! علشان يقلدوها.... !!!!!!!!
المهم طالب مساعدتكم اعرف ازاى الساعة اصلى مش تقليد مع العلم ان كل حاجة مكتوبة على التقليد
نسخة طبق الاصل من الاصلية ... شاكر مساعدتكم مقدما
والله حضرتك بتقول التقليد طبق الاصل من الاصلى
يبقى تشترى من الوكيل نفسه عشان تبقى ضامن
او تشترى تقليد وبتتباع على انها تقليد وبكده تاخدها بسعر قليل
بتلاقى فى الظهر ,, سيريل نمبر بتاع الموديل دة المفروض لما تخش تكتبة على الموقع بيظهرلك الموديل بتاعك ,, الكلام دة معايا فى الالبا بس معرفش اية النظام فى باقى المركات ,,, وبعدين بتلاقى الباغة بتعاتهاااا من عند الرقم 6 كدة مكتوب movet japan
او japan بس معرفش انهى الاصح
بص عشان تضمن إنك مش هاتشتري كاسيو تقليد أهم حاجه إن المحل اللي بتشتري منه يكون محل كبير و له إسم و مابيشتغلش في الساعات الكوبي , يعني كل شغله في الأصلي بس
لأن أنا كنت هاقع في مشكلتك دي و كنت خلاص هاشتري واحده كوبي على إنها أصلية و كنت هادفع فيها 600 جنيه كمان , بعد كده رحت إشتريت الأصلي ب 750
الفرق اللي قدرت الاحظه بين الأصلي و الكوبي كان في حاجه بسيطة قوي , إن الكوبي بيبقى متغلف بغلاف سوليفان شفاف و غلاف ازرق عند قفل الأستيك , إنما الأصلي مابتكونش متغلفة
الفرق التاني اللي لاحظته إن الورقة اللي متعلقه في الاستيك بتكون في الاصلية ملزوق على ضهرها ستيكر بالسيريال و باركود و الموديل , إنما الكوبي غالبا مش هاتلاقي فيها الستيكر ده .
ولا الهوا
لو اتنطت مش حتعرف الفرق الموضوع محتاج حد خبير
اشتري من التوكيل او موزع معتمد وخد فاتوره
ودي الحاجه الوحيده اللي حتضمن حقك لو انها طلعت تقليد
انا شوفت روليكس جايه من الصين تقليد
تمنها هناك حوالي 1500 جنيه
وبما اني مش خبير في الحاجات دي بس شكل الساعه نفسه وهمي
بص لا الساعات ولا النظارات وبصراحه انا هاتجنن :fdsa:من الموضوع ده بقالي 3 شهور عايز اشتري ريبان ومتوسوس حتي لو اماكن معروفه تشك وتقول بتستغل ثقه الناس وبتبيع ابو 200 ب800 :36_6_3[1]:والله انا مش عارف حاجه تحير
بص على اللينك ده
واحد بيبيع الكاسيو الكوبي , لا يمكن تقدر تفرقها عن الأصلية
ساعات casio edifice جديدة - 350 جنية - موقع الدي في دي العربي - DVD4ARAB.MAKTOOB.COM
يبقى على كده مافيش فايدة للتفرقة بين الاتنين
انا حصلت معايا فى هونج كونج - كنا جروب معا بعض رحنا اشترينا ساعات كوبى من احد المحلات بالأسواق الشعبية كانت ماركة رولكس -كانت بما يعادل 120 جنية مصرى والله شكلها يهبل وماتفرق عن الأصلى - المهم واحد من الجروب راسه والف جزمه يروح محلات بيع الساعات الأصلية - رحنا لقينا نقس الساعات بتعتنا فى المحل ومكتوب امامها 5 ارقام!!!! - انذهلنا قام صاحبنا راسة والف جزمة تانى يخش يشوف - ودخل المحل وطلب يشوف الساعة اللى شبه ساعته اللى قلعهاو حاطها فى جيبه قبل لما ىدخل المحل واهوا بيفرج على الساعة فى لحظة غير الساعة بتاعة المحل بساعته المزيفة - واعطاها تانى للموظف بالمحل - الغريب ان الموظف لم يلاحظ ذلكولم يلاحظ الفرق - فقام صاحبنا قالوه انو غير الساعتين ببعض وانو بس كان عايز يعرف ان كان يمكن التمييز بينهم - فصعق الموظف وشكره وقال له ان التقليد متقن جدا لدرجة انوا ما يقدر يميز الأصلية من المقلدة الا لو فتحهم وشاف العدة من جوة - ودى كانت تجربتى فى هونج كونج
طيب انا كنت عاوز اعرف المنتجات عموما وخاصة قطع الغيار للعربيات مثلا
اعرف انها اصلى ولا تقليد ازاى
هو فيه حاجة انا لاحظتها مش عارف ان كانت صح ولا لأ
كنت بلف على لمبة فانوس للعربية واسال المحلات اللى يقولى المانى والتانى اللى يقول يبانى ومش عارف ايه
ابص عليها الاقيها مكتوب عليها Germany بس من غير كلمة Made in
فى مرة كنت بشترى منظم لأنبوبة الراجل ورانى الصينى والايطالى
اولا الخامة لصالح الايطالى وكان اتقل كمان
ثانيا ودا الاهم
الايطالى مكتوب عليه Made in Italy ومحفورة عليه كمان
لكن الصينى مكتوب عليه كلمة Germany فقط