ببعت سلام معطر لزعيمنا ابو ليلى .. وبنقوله وحشتنا ...كل واحد يخش و يمسى على ابو ليلى

**yasso0101** · 26-09-2010 03:42 PM

انته فين يا ابو ليلى مختفي والله يعينك في زنقت شغلك و في عربيتك وحبيت ابعتلك سلام معطر وبقولك...........

وحشتني عدد نجوم السما وحستني عدد كلام الهواء

طمنى عليك و متخلناش قلقانين

**م. حاتم السباعي** · 26-09-2010 03:47 PM

ان شاء الله نطمن عليه
وحشتنا يا عمدة كيا

م.حاتم السباعي

**yasso0101** · 26-09-2010 04:04 PM

مين تاني يا رجاله عايزين الموضوع يبقى فيه على الاقل 1000 رد لغاية ما الاداره تثبت الموضوع

**timtim77** · 26-09-2010 05:05 PM

ايه اخر اخبارك يا ابوليلى يارب تكون بخيير لسه كنت فى سيرتك امبارح مع مهندسين تكنو وان

**ALSHARIEF** · 26-09-2010 05:15 PM

طبعا كلنا واحشنا أبو ليلى و نفسنا نطمن عليه .

بس أنا أحب أطمنكم إنى يوم الخميس إللى فات كنت بعمل صيانة ال 1000 لعربيتى ( التقرير تحت التجهيز معلش أسف للتأخير ) وكنت مع المحترم للغاية م / أحمد الشحات و إتكلمنا كتير بخصوص عربية أبو ليلى و مشكلتها و قاللى إنه على إتصال بيه و إن شاء الله المشكلة هتتحل قريب بس هما منتظرين إحضار اليونت إللى هيتغير أو الفتيس تقريبا بس عرفت إن الموضوع مكلف ..............الله يكون فى العون يا أبو ليلى و كلنا معاك قلبا و قالبا ........ ( أتمنى تكون معلوماتى صحيحة و ما أكونش فهمت غلط ) والله أعلم

**yasso0101** · 26-09-2010 05:27 PM

مين تاني يا رجاله

**ابو ليلى** · 26-09-2010 05:48 PM

السلام عليكم ورحمة من الله وبركاته

ياجماعه الواحد بجد مش عارف يقول ايه عليكم بسم الله ماشاء الله وجزاكم الله خير على سؤالكم

انا بخير ومعاكم وبتابع المنتدى طبعا بس مش زى الاول بصراحه علشان الفترة مضغوط شويه .
العربية مازلت على حالها ( الغيار الثالث فقط ) وانا ماشى بيها كده وكله على الله

وطبعا فى تفاصيل حصلت بس منتظر لما اخلص كل حاجه واكتب موضوع وفيه شرح لكل شى حصل وايه نتيجته .

وشكرا لكل عضو سأل عليا سواء فى التليفون او فى الموضوع هنا وجزاكم الله كل خير

أ / ياسر جزاك الله كل خير على اهتمامك وزوقك واتصالك التليفونى المستمر وربنا يكرمك وتركب السيراتو .