صعوبة فى الدوارة والعربية ساخنة

**northy** · 27-09-2010 11:51 AM

ازيكم يا احلى شباب
عندى مشكلة غريبة شوية فى عربيتى ال 128
بلاقى صعوبة فى الدوارة لما تكون العربية سخنة ولازم ادوس جامد عشان تدور وبعد اكتر من محاولة
الكلام ده بيحصل لما اسيب العربية اكتر من 10 دقايق بعد اى مشوار انما لو طفيتها وشغلتها تانى علطول او بعد دقيقة او دقيقتين مفيش اى مشكلة وبتدور عادى من اول تكة
يعنى الفكرة ان العربية تكون سخنة وسايبها لمدة من 10 دقايق لربع ساعة كده فما فوق
الاغرب بقى ان العربية لما تكون باردة بتدور من اول تكه يعنى الصبح مبلاقيش اى مشكلة فى الدوارة
يا ترى يا جماعة ايه الحل؟
وشكرا

**karimfahmy99** · 27-09-2010 04:40 PM

بص انا هقولك حاجة كانت مشابهة لحلتك كدة كانت بتحصل معايا زمان ايام السيات المشهورة بالسخونية . نفس اللى بيحصلك و اكتشفت ان من السخونية البنزين فى الماسورة الجديد اللى جاية من التنك البنزين مش بيعدى منها من السخونة او يمكن بيتبخر و اللى اكدلى الكلام دا ان كل مرة تحصل الحركة دى ارش ميية على الماسورة ابردها تدور العربية علاطول . عشان اخلص من الموضوع دا قصيت الماسورة لورا اد 20 سم تقريبا و حطيت بدالها خرطوم دبل تقوية يعنى تقوية خارجية و تقوية داخلية . و الحمد لله بطلت تعمل الحركة دى حتى لو مولعة من السخونة و سبتها ربع ساعة تدور علاطول . يمكن دا يكون نفس المشكلة دى

**jojajo** · 27-09-2010 05:02 PM

بص يا باشا دية مشكلة فى المارش بيبقى فى حاجة اسمها الترس وبتتغير عادى روح لاى كهربائى وهو هيعرف على طول

**karimfahmy99** · 27-09-2010 05:14 PM

المشاركة الأصلية كتبت بواسطة jojajo

بص يا باشا دية مشكلة فى المارش بيبقى فى حاجة اسمها الترس وبتتغير عادى روح لاى كهربائى وهو هيعرف على طول

بصراحة كلامة مش واضح . بيقول صعوبة فى الدوارة !!!! يعنى المارش بيعتل و لا المارش شغال بس العربية مبتلقطش ؟؟؟؟؟

**northy** · 27-09-2010 05:42 PM

يا جماعة المارش بيدور عادى خالص
بيبقى عامل زى ما تكون العربية شرقانه ومش بتدور غير لما تدوس بنزين جامد وتقضل ضاغط على الكونتاكت لحد متلقط

**jojajo** · 27-09-2010 05:53 PM

اه هى بص ممكن يكون عيب طرمبة البنزين او الكاربراتير مسدود على الاخر والله اعلم برضوا انت لو بتعذبك اوى روح للميكانيكى احسن

**aYaBooY** · 27-09-2010 08:20 PM

ده عيب سببه رداخ طرمبة البنزين بيتمدد مع الحرارة و الطرمبة متبقاش بتحدف بنزين للكاربراتير

**aboomar22** · 27-09-2010 08:38 PM

اقول سبب كمان ممكن سكون الموبينة بتسخن جرب تحط عليها فوطة مبلولة مية وتجرب تدور لو لقيت الموبينة كانت سخنة ودارت بعد حط الفوطة المبلولة يبقى غير الموبينة

**elsherif_2000** · 27-09-2010 08:41 PM

لو عندك بطارية جافة يبقى هية السبب لان الحوار دة كان عندي بالظبط

**ahmadhussein** · 27-09-2010 11:41 PM

انا كان عندى مشكلتك دى لما العربية كانت بتسخن واجى ابطلها واقعد دقيقة واجى ادور الاقيها بتعتل اما الصبح بتكون زى الفل

طلع فى الاخر ظبط كهرباء الاسبراتير وغيرت معاه كمان طقم الكهرباء وسلك البوجيهات لانه طلع بيهرب وبعد كده اختفت الحكاية دى تماما وريحت دماغى .

فانصحك تكشف على كهربة العربية لو فيها ابلاتين وكوندنسر وتشوف البوجيهات والسلك بتاعهاوربنا يكون فى عونك ويوفقك يارب.