الموضوع: بروتون واجا سيارة محترمه و لكن !!!

انا مش هعلق غير على نقطة واحدة الثبات
حضرتك اكيد عندك مشكلة ممكن تكون محتاج تربيط وغسيل عفشة وطبعا ظبط ضغط الهواء لان الثبات فى الواجا جيدا جدا

ربنا يباركلك فعربيتك ان شاء الله :)

كلامك صحيح الي حد ما بالنسبة للتقفيل .... في بعض الحاجات

لكن الثبات فالمنحنيات !!!!! معقولة !! ,,,,,, اعتقد ان في مشكلة عندك " انا عندي فالبرسونا الثبات عالي جدا "

على فكرة الثبات في الجين 2 و البرسونا أفضل من الواجا ... قليلا .

نقطة التقفيل .... إلى حد كبير عندك حق فيها و خصوصا أن الواجا دي من أواخر موديلاتها .

بس مش عارف الواجا القديمة ( قبل الفاس ليفت ) كانت أفضل من الواجا الجديدة في كل حاجة و حتى التقفيل كان أحسن بكتير .

عموما بالنسبة لموضوع الثبات
شوف تربيط العفشة ................ و كمان قلنا هو الكاوتش اللي نازل مع العربية أي واحد ؟؟
السيلفر ستون صوته عالي شوية ( شويتين )

موضوع العزم ... معلش أنت معاكوا الكامبروا القديم ( فيه نقطة في وقوع العزم و هي عدد لفات الموتور ما بين 2500 إلى 3500 و بعدين تلاقي العربية نفضت التراب و جريت جامد قوي و كأن حد كان ماسكها )

هي لها حلول مش جذرية
تغيير فلتر الهوا لواحد رياضي و مع تغيير البوجيهات و سلوك البوجيهات و بعدين الموتور القديم كل لما يقدم بيتجنن ... بيفتح أحسن في السرعة .

ربنا يباركلكم فيها و هي عربية مناسبة للناس المحترمة زي والد حضرتك

هي الواجا عمرها مركبلها ifam ؟؟

المشاركة الأصلية كتبت بواسطة tutankhamoun

موضوع العزم ... معلش أنت معاكوا الكامبروا القديم ( فيه نقطة في وقوع العزم و هي عدد لفات الموتور ما بين 2500 إلى 3500 و بعدين تلاقي العربية نفضت التراب و جريت جامد قوي و كأن حد كان ماسكها )

هي لها حلول مش جذرية
تغيير فلتر الهوا لواحد رياضي و مع تغيير البوجيهات و سلوك البوجيهات و بعدين الموتور القديم كل لما يقدم بيتجنن ... بيفتح أحسن في السرعة .

ربنا يباركلكم فيها و هي عربية مناسبة للناس المحترمة زي والد حضرتك

+11111111111

انا عامل كدا جين 2 2008

المشاركة الأصلية كتبت بواسطة nour_peugeot

السلام عليكم يا شباب .....

العيوب من وجه نظري

1- الثبات في المنحنيات 6/10 (معا ان كل الناس بتقول ان ثبات البروتون تحفه بس بعترض علي النقطه دي الثبات بتعها محدد برده )

2- صوت الكاوتش مسموع بطريقه فظيعه الكواتش 5/10

3- التقفيل 4/10 دي لو واحد في الشارع في حجات معينه هيقفلها انضف من كده مش كل حاجه في العربيه تقفيلها وحش حجات معينه

4- الخامات حجات خامتها حلوه و حجات خامتها علي قد حالها 6/10

5- في لاج او تاخيره في العزم عند سرعه 95 بظبت تحس ان العربيه اتكتمت كده و اكنها بتنام بس بعد كده تمام

4- ا

1- مش حاسس بالموضوع ده ... بس يمكن عشان هيه عالية شوية عن الجين2
2- جايز فيه انواع زي ما قال استاذ توت
3- معاك في دي...بس ليها حلول
4- زي ايه؟؟؟؟
5- حسيت بيها بس عادي مش فارقة يعني

جزاك الله خيرا على ذكر العيوب والمميزات بحيادية

المشاركة الأصلية كتبت بواسطة nour_peugeot

هقول الحجات الكويسه في العربيه

1- الموتور كويس سحبه معقول مش وحش 8/10

2- التكييف زيه زي البيجو 405 او اعلي شويه 7.5/10

3- استهلاك البنزين كويس 200 في الصفيحه 9/10

4- الصالون تحفه بالكامل جلد 9.5 /10

5- الكماليات كويسه جدا علي عربيه بالسعر ده 9/10

6- الشكل الخارجي كويس جدا برده 8/10

7- الفرامل و ال abs استجابته حلوه 8.5/10

8- الاضاءه بسم الله ما شاء الله كويسه بطريقة تحفه 10/10

العيوب من وجه نظري

1- الثبات في المنحنيات 6/10 (معا ان كل الناس بتقول ان ثبات البروتون تحفه بس بعترض علي النقطه دي الثبات بتعها محدد برده )

2- صوت الكاوتش مسموع بطريقه فظيعه الكواتش 5/10

3- التقفيل 4/10 دي لو واحد في الشارع في حجات معينه هيقفلها انضف من كده مش كل حاجه في العربيه تقفيلها وحش حجات معينه

4- الخامات حجات خامتها حلوه و حجات خامتها علي قد حالها 6/10

5- في لاج او تاخيره في العزم عند سرعه 95 بظبت تحس ان العربيه اتكتمت كده و اكنها بتنام بس بعد كده تمام

أهلاُ بيك اخي العزيز
اولاً شكراُ على هذا التقرير الحيادي واسلوبك الراقي...
اسمح لي ان استفهم عن كام نقطة من فضلك ..
بالنسبة( للعيوب النقطة 1 ) حضرتك ازاي اختبرت العربية وفي انهي ظروف.. وازاي توصلت لنقطة ان الثبات مش قد كده.. وكمان بتقارن ثبتها بثبات انهي عربية..؟
النقطة 4 في المميزات تتعارض مع النقطة 3 و 4 في العيوب..؟ ارجو توضيح الفرق
ايه بالظبط مطايق حضرتك في التقفيل (العيوب نقطة 3 ) او ايه اكتر حاجة انت ملاحظها ومش قادر تتقبلها ..؟؟؟ وكمان المقارنة هنا كا بين انهي عربيات ...؟؟
( العيوب النقطة 4 ) ممكن توضح اكتر انهي خامات شايف انها على قد حالها..؟

احنا مش مختلفين بس لو سمحتلي نتناقش شوية علشان نوضح الكلام اكتر للناس المقبلة على شراء العربية وكمان الناس اللي لسة شارينها جديد.. .

تقبل تحياتي
وربنا يباركلك في العربية ويكفيك شرها

الواجا القديمة احسن من الواجا الجديدة في الثبات بسبب الجنوط ال 16 وكمان الجديدة عالية اوي بغباء عن الجين 2 والبيرسونا علشان كدة تلاقي الثبات في الملفات مش زي الجين 2
والكاوتش الجود يير انشف بكتير من السيلفر ستون اعتقد كدة بس مهندس امر قالي لو غيرت الكاوتش هيفرق جامد في النعومة