ضروووووري جدااااا عندي مشاكل في العربيه لازم احلها بسرعة

**ahmed_said_13** · 29-09-2010 01:05 PM

انا مهندس ميكانيكا و اشتريت عربية فورد اسكورت 1300 سي سي كاربراتير موديل 99 من 8 شهور و بصراحة تاعباني شوية ( كان فيها شوية مشاكل في الاول ) و دلوقتي مشكلتي معاها هي السحب و انا مقدر انا من اكثر السيارات ثباتا علي الطريق لكن عندي دايما حسب ما العفشجي بيقول غربلة في الدركسيون و ده فعلا بيحصل الدركسيون عندي بيتهز يمين و شمال بس علي السرعات البطيئة مش علي السريع يعني مش محتاجة ترصيص ( انا رصصت 3 مرات و كانت الجنوط فيها تظبيط) لو عايز اضبط العفشة اعمل اية حد يدلني علي عفشجي فورد يكون محترم يطلع العربية مفيهاش الهوا لان الحوارات دي حصلت بعد ما ركبت العربية ب 4 شهور و الموتور غيرتله فلتر هوا و جوان تاكيهات و البوجيهات الاصلي و ضبطت التاكيهات و السحب مش عاجبني حاسس انها اول ما ركبتها كانت بتسحب و دلوقتي لأ و لما رحت للميكانيكي قاللي الشكمان مكتوم شويه بس مش هو ده السبب - السبب الاسطوانه و الديسك و عايزين يتغيروا فهل اركب تيل جديده علي الاسطوانه و لا اغير الاتنين و لا اعمل ايه و الدركسيون تقيل عايز اعرف طريقة تخلية خفيف شوية علي الواقف و الواقف عشان الركنة و هل ده ممكن يكون عيب في حاجة في العفشة و علي العموم لو عايز اضبط اداء العربية دي اعمل اية لانها عربية انا عارف انها كويسة بحكم دراستي و لكن صاحبها اللي اشتريتها منه كان مبهدلها شوية و معلش انا عارف طولت عليكم بس انا هتجنن :b4_556: خلاص انا العربية عاجباني جدااااااااا و عشان كده عايزكم تساعدوني عشان اضبطها و شكرا و اسف علي الاطالة

**aYaBooY** · 29-09-2010 03:52 PM

معلش في السؤال موضوع العفشة انا رديت عليك في قسم فورد
دلوقتي العربية مش بتسحب من بعد ظبط التكيهات ولا من قبل عاوز اعرف
و عاوز اعرف مين الي ظبطهم و ظبطهم على مقاس كام و العربية كانت سخنة ولا بارده
معلش انا مخدش بالي من موضوع التكيهات قبل كدة و ممكن يبقي سبب تقل السحب و قلة العزم ده منهم
عموما استني ردك

**ahmed_said_13** · 29-09-2010 07:12 PM

انا عارف انك رديت في قسم فورد بس انا قلت اخد رأي الناس اللي علي الورشة بردو مع احترامي لرأيكو تقريبا رايك صح و لما كشفت علي العفشة قالولي غير جلب المقصات و اكشف علي بارة الدركسيون و صلايب الدركسيون
اما بالنسبة لموضوع التاكيهات - موضوع السحب ده حصل بعد ضبط التاكيهات بشهرتقريبا او اكتر و اللي ظبطهم (واحد اسمه حسين تقريبا شغال عند احمد فرج - جراش جسر السويس) و بعد ما ظبطهم صوت الموتور كان ناعم و سحبها كويس و معرفش ظبطهم علي مقاس كام و كانت العربية باردة لانها و قفت اكتر من نص ساعة او تقريبا ساعة عنده و انا فعلا متشكر لمجهودك معايا

**aYaBooY** · 30-09-2010 12:36 AM

لا شكر على واجب بس موضوع التكيهات انا ملسوع من احمد فرج بسببه فضلت ماشي بالعربية متعفرتة ما يقرب من سنة
عموما بما انك مشيت بيها شهر يبقي مبهدلش الدنيا عندك عموما اتوكل على الله و غير السطوانة و الديسك و البلية علشان يكون عمرهم واحد و متكونش مضطر تفتح تاني لو غيرت حاجة واحدة
سيبك من طقم الدبرياج الاصلي علشان اكيد هاتلاقي تمنة خزعبلي هات البدايل الالماني ( بلاش الاسباني ) اشهرها luk و saysco تقريبا الاسماء كدة صح

**ahmed_said_13** · 30-09-2010 10:55 AM

الاسماء صح بس هو كده ظبط التاكيهات صح و لا ايه
و لو هغير الاسطوانه بس لاني هفترض ان الديسك و البليه كويسين ايه مدي الضرر او الفايده اللي هتعود عليا و تنصحني اغير عند مين لو تعرف حد معين او الميكانيكي بتاعك
و هل اظبط تاكيهات تاني و لا ايه

**ahmed_said_13** · 30-09-2010 11:02 AM

طب بالنسبه للحاجات اللي قلتلك عليها في العفشة (جلب المقصات و بارة الدركسيون و صلايب الدركسيون) اكتر من واحد قاللي هما السبب في الغربلة و اذكر ان قطب الميكانيكي قاللي علي جلب المقصات و لما رجت لاحمد فرج قاللي لا علي اللي هما فية مش هما السبب و قالل ابقي غير الكاوتش و هو ده سبب الغربلة و سمعت كلامة و رصصت و ضبطت اي عوجه كانت في ال 4 جنوط (وهي جنوط عادية) و بدلت اماكن الكاوتش و كل ده عملته 3 مرات و كل بتوع الكاوتش و ضبط الزوايا و الاتزان اللي رحتلهم قالولي لكاوتش بتاعك حلو و ميعملش كده و لما كنت بقول لحد ممكن تكون جلب المقصات بيقولي اه ممكن و انا بصراحة مش عرارف اعمل ايه

**aYaBooY** · 30-09-2010 11:34 AM

بص انا مش هاينفع اقارن بين قطب و احمد فرج علشان انا بحب قطب ده جدا و برتاح عنده و بقتنع بصنعته و العكس مع احمد فرج فسيبك مني في اي مقارنة بينهم
المقص ده عبارة عن قطعة شبه مثلثة فيح ضلعين فيهم جلب و ضلع فيه بيضة
الضلعين بتوع الجلب مربوطين في الشاسيه واحد عمودي و التاني موازي يبقي لو فيهم بوش هايترتب عليه عدم ثبات في وضع العجل و يسبب عومان و الضلع الثالث ده بيضة علشان تمتص الصدمات و متتنقلش للجسم و لو بايزة يبقي هانسمع صوت خبط حديد في حديد مع المطبات
بارات الدركسيون بقي وظيغتها انها تنقل الحركة من الطارة للعجل و متنقلش الخبطات للطارة يبقي لو بايزة لما تدخل حتة مكسرة تحس بالخبط بتاع المطبات في الطارة
موضوع الغربلة ده بيكون من سببين اولا القواعد الي شايلة الفتيس لو مش مظبوطة يبقي الحركة بتاعت الموتور و الفتيس المرتبط بيه مش ثابتة و بتنقل الحركة للعجل على اكتر من محور و بالتالي تحس بالغربلة او خبط او رجة لحد ما العربية تاخد وضع الثبات مع السرعة
او تكون المشكلة في الكبالن و الصلايب واحد منهم مش مظبوط يبقي هيا الي هاتقل الحركة من الفتيس للعجل على اكتر من محور و تحسسك بالغربلة
طبعا الرد ده بالطريقة ديه علشان انت قايل انك مهندس ميكانيكا فاتمني اكون عرفت اوصلك الموضوع بالطريقة السليمة و مكونش قصرت في اي نقطة
طيب تصليح الحاجات ديه ازاي اولا المقص عندك ممكن يباني موضوع الجلب لما تنزل انت او صنيعي تحت العربية و بالنظر تحدد حالة الجلب و موضوع البارات و بيض الدركسيون العفشجي او الميكانيكي او الصنيعي بيمد ايدة و حد يحرك الدركسون و يحدد حالة البارات و البيضة الخارجية سهل تتفك من الشمعدان و تتشاف برده
و فيه عنصر مهم لو كل ده سليم ( بس انا مش عارف موجود في الاسكورت ولا لا ) اسمه الاستبليزر او تيش الميزان و ده ممكن يسبب عومان و اصوات تخبيط

**aYaBooY** · 30-09-2010 11:43 AM