تابع حادثة الجين 2 و تفاعل التوكيل المحترم جدا و شكر للمهندس آمر

**abo3bdolrahman** · 30-09-2010 11:59 AM

كنت قد كتبت عن حادثة الجين 2 بتاعت أخويا و ده قبل ما أروح أشوف العربية بنفسى أو أسمع كل الأحداث بترتيب واضح و كان الغرض التحذير من مثل تلك الأحداث نرجع لموضوعنا العربية إتحركت من الثبات بسرعة عالية قد تصل ل 30 أو 40 كم / ساعة حسب رواية من شاهد الحادثة و ده فقط بمجرد الغيار من N إلى D و رفع الرجل من على الفرامل و ده ليس له أى تفسير فنى الآن لحين إنتهاء الفحصوصات عن طريق التوكيل الذى أبدى إهتمام شديد جدا متمثلا فى المهندس آمر و ذلك لتفادى حدوث أى مشكلة مستقبلا
و كنت قد أشرت لل Slip Ring على أنه قد يكون متسبب فى مشكلة التحكم دى و لكن بالتوضيح الفنى من المهندس آمر ثبت أنه ليس له علاقة بالموضوع تبقى نقطة أخيرة و هى الإير باج و دى بقى نقطة لازم التوكيل يراعيها أنها تتعلق بالأمان و لا يجب ترك السيارة للعميل إذا كانت الإير باج لا تعمل أو أخد الإحتياطات الواجبة حيال ذلك و للجميع منى كل الحب و للجينا

**jisso82** · 30-09-2010 01:02 PM

1000 سلامة على أخو حضرتك و إن شاء الله العربية تتصلح و ترجع زى الأول و كمان يعرفوا المشكلة فين عشان تتحل

**eng.m7md.ali** · 30-09-2010 01:13 PM

ربنا يجعلها اخر الحوادث ان شاء الله

**Ahmed.Ali** · 30-09-2010 01:20 PM

المشاركة الأصلية كتبت بواسطة jisso82

1000 سلامة على أخو حضرتك و إن شاء الله العربية تتصلح و ترجع زى الأول و كمان يعرفوا المشكلة فين عشان تتحل

+1111

**Ayman_52** · 30-09-2010 01:49 PM

1000 حمد لله على سلامة اخو حضـرتك , و-ان شاء الله- العربيه تتصلح وترجع زى الأول

وصراحه موضوع اهتمــام المهندس/امــر بالعمــلاء بجد شىء متوقع منه , وانه دايما بيحط نفسه مكان الناس ... ربنا يباركله ويقويه

تحيـــــــــــــــاتــى

**Tarek Gen 2** · 30-09-2010 04:15 PM

المشاركة الأصلية كتبت بواسطة Ayman_52

1000 حمد لله على سلامة اخو حضـرتك , و-ان شاء الله- العربيه تتصلح وترجع زى الأول

وصراحه موضوع اهتمــام المهندس/امــر بالعمــلاء بجد شىء متوقع منه , وانه دايما بيحط نفسه مكان الناس ... ربنا يباركله ويقويه

تحيـــــــــــــــاتــى

ايوة طبعا لازم تشهد لرئيسك فى الشغل

**Tarek Gen 2** · 30-09-2010 04:16 PM

طبعا فى ناس ما هتصدق اعوذ بالله

**spiderloking** · 30-09-2010 05:54 PM

الف سلامه علي اخوك يا استاذ ابو عبد الرحمن و ان شاء الله العربيه ترجع احسن من الاول و شكر خاص للمهندس اّمر علي مجهوداته و تعاونه مع عملاء بروتون و حمدالله علي سلامتك يا ايمون متغيبش تاني بقي عن المنتدي يا ايمون علشان بتوحشنا والله و انت يا طروق اسكت شويه يا جدع ما صدقنا الامور اتعدلت ههههههههههههه و علي رأيك في ناس ممكن ما هتصدق كلمتك و تمسك فيها لوووووووول

**ahmedfathy77** · 30-09-2010 09:18 PM

المشاركة الأصلية كتبت بواسطة abo3bdolrahman

كنت قد كتبت عن حادثة الجين 2 بتاعت أخويا و ده قبل ما أروح أشوف العربية بنفسى أو أسمع كل الأحداث بترتيب واضح و كان الغرض التحذير من مثل تلك الأحداث نرجع لموضوعنا العربية إتحركت من الثبات بسرعة عالية قد تصل ل 30 أو 40 كم / ساعة حسب رواية من شاهد الحادثة و ده فقط بمجرد الغيار من n إلى d و رفع الرجل من على الفرامل و ده ليس له أى تفسير فنى الآن لحين إنتهاء الفحصوصات عن طريق التوكيل الذى أبدى إهتمام شديد جدا متمثلا فى المهندس آمر و ذلك لتفادى حدوث أى مشكلة مستقبلا
و كنت قد أشرت لل slip ring على أنه قد يكون متسبب فى مشكلة التحكم دى و لكن بالتوضيح الفنى من المهندس آمر ثبت أنه ليس له علاقة بالموضوع تبقى نقطة أخيرة و هى الإير باج و دى بقى نقطة لازم التوكيل يراعيها أنها تتعلق بالأمان و لا يجب ترك السيارة للعميل إذا كانت الإير باج لا تعمل أو أخد الإحتياطات الواجبة حيال ذلك و للجميع منى كل الحب و للجينا

الف سلامة لاخو حضرتك والحمد لله انها جت على اد كده

والحقيقة ان اللى حضرتك كتبته عن المهندس امر ده برضه كان انطباعى عنه لما حصلت عندى مشكلة الحقيقة اهتمامه بالموضوع ادانى ثقة ان المشكلة باءذن الله هتتحل هتتحل وفعلا الحمد لله اتحلت وده اللى بيلاقيه اى حد بيتعامل مع الناس فى عرض مشكلته بالذوق والاحترام .

يارب الموضوع ينتهى على خير وميكونش فى اى ضرر ان شاء الله.

**ahmedfathy77** · 30-09-2010 09:23 PM

المشاركة الأصلية كتبت بواسطة tarek gen 2

ايوة طبعا لازم تشهد لرئيسك فى الشغل :pointiy2[2]::pointiy2[2]:

حبيبى طارق باشا

انا عارف حضرتك بتحب تهزر مع ايمن والحقيقة موتنى من الضحك فى الموضوعين بتوع الحقيقة وراء بروتون .

بس بعد اذن حضرتك نظرا للاحداث والمواضيع الاخيرة الهزار فى النقطة دى فى الوقت ده تحديدا ناس عندها استعداد انها تفهمه غلط , انا عن نفسى كنت بهزر مع ايمن فى الموضوع ده زمان بس اليومين دول سوء النية باه متواجد بشكل غريب .

اكيد حضرتك فهمت قصدى

تحياتى لحضرتك

الموضوع: تابع حادثة الجين 2 و تفاعل التوكيل المحترم جدا و شكر للمهندس آمر

LinkBack

أدوات الموضوع

عرض

تابع حادثة الجين 2 و تفاعل التوكيل المحترم جدا و شكر للمهندس آمر - انشر الموضوع فى :

-

-

-

-

-

-

-

-

-

المواضيع المتشابهه

حادثة بسبب فرامل برسونا 2012 والمصيبة مفيش قطع غيار فى التوكيل المحترم

مساعده فى لانسر شارك قبل الشراء واستفسار للمهندس طارق المحترم

يا حلاوة التوكيل المحترم

الاستاذ طارق المحترم ( استفسارعن التوكيل )

الكلمات الدلالية لهذا الموضوع

المفضلات

المفضلات

ضوابط المشاركة