مرايه نيو اكسنت 2010

**karakero** · 01-10-2010 02:56 PM

السلام عليكم.
انا كنت سالت قبل كده فى الموضوع ده و موصلناش لحاجه .. بس حصل جديد فى الموضوع ده عندى فقلت اعمل موضوع تانى يمكن نوصل لحل

دلوقتى انا عندى المرايه الشمال ضهرها مكسور .. اللى هو الكف البلاستيك اللى ورا ... باقى الجسم سليم و الازازه موجوده .. الكلام ده من زمان اوى اكتر من 6 شهور ... طبعا كلكوا عارفين ان شكل المرايه فى 2010 مختلف عن اللى قبلها ... و دورت ساعتها فى كل حته بما فيهم التوكيل و التوفيقيه و ملقتش الشكل الجديد ده لا اصلى و لا حتى صينى ... و مشيت بيها كده و خلاص و قلت تاخد العين

امبارح بقى الازازه بتاعه المرايا اليمين اتكسرت .. المرايا جسمها كله سليم الحمدلله ..

انا مش عارف اجيب منين بقى الحاجات دى .. هل ضهر المرايا بتاع الشكل الجديد نزل ولا لا ؟؟
كمان انا عايز الازازه تكون اصليه عشان تبقى نفس الابعاد .. المرايات التفصيل او مش الاصليه بتبقى ابعادها مختلفه و مش هعرف اسوق بيها خالص ... فلو حد يعرف هى موجوده فين (التوفيقيه مثلا او اى حد تانى) او لو فى التوكيل حتى و بكام يبقى جزاه الله خيرا

شكرا مقدما :)

**raedegypt** · 01-10-2010 03:14 PM

لو عايز الحاجات دة مرميه هنا فى السعوديه الهيونداى هنا مغرق الدنيا اشتريها لك كامله يمين وشمال وارسلها لك فيدكس

**karakero** · 01-10-2010 03:36 PM

المشاركة الأصلية كتبت بواسطة raedegypt

لو عايز الحاجات دة مرميه هنا فى السعوديه الهيونداى هنا مغرق الدنيا اشتريها لك كامله يمين وشمال وارسلها لك فيدكس

يا باشا ربنا يخليك :) ... انا اعرف ناس كتير فى السعوديه ممكن يجيبوهالى بس ياريت لو تعرف تقولى هى بكام ؟

**Ashraf_Ibrahim** · 01-10-2010 04:13 PM

بالنسبة للمرايا اللي ضهرها مكسور والمرايا نفسها سليمة

اقترح عليك تركب mirror cover من عند اي حد بتاع اكسسوار وبكدة تحافظ على المرايا وهتدي شكل حلو كما ن للعربية

انا كنت جايبه لعربيتي من شهر ونص تقريبا بحوالي 45 جنيه

المرايا اللي مكسورة نفسها وهي كفها سليم دي برده شوفها عند بتاع الاكسسوارات وهو يركبها ليك

انا معرفش هي ممكن تعملها كام الحقيقة

**raedegypt** · 01-10-2010 04:23 PM

المشاركة الأصلية كتبت بواسطة karakero

يا باشا ربنا يخليك :) ... انا اعرف ناس كتير فى السعوديه ممكن يجيبوهالى بس ياريت لو تعرف تقولى هى بكام ؟

بص يابرنس لو تعرف حد الهيونداى هنا منتشر جدآ بالذات الاكسنت والالنترا فى السعوديه كلها ومتوفر قطع الغيار جديد ومستعمل بتاع سيارات حوادث وزى ما انت عايز شيل بس طالما لك معرفه خليه يرسلها لك

**Amro_ON** · 02-10-2010 12:57 PM

أعتقد ان مريات 2011 هي هي 2010.. صح؟

لو كان كده زمان التوكيل جبها

**rzeiny** · 02-10-2010 07:16 PM

ال2011 الرياضية المرايا كهرباء وفيها اشارات يبقى مختلفة وغالية عن ال 2010

**karakero** · 02-10-2010 07:37 PM

خلاص انا جبتها يا رجاله ... السعر كالتالى:
فى التوكيل (غبور): كف ب 80 جنيه و مرايا كامله ب 825
فى مركز خدمه معتمد (الاقصى سنتر فى زهراء المعادى): كف ب 80 جنيه و مرايا كامله ب 750 جنيه

الكلام ده على نيو اكسنت 2010 عاديه مش سبورت

**meza** · 08-12-2010 07:14 PM

المشاركة الأصلية كتبت بواسطة karakero

خلاص انا جبتها يا رجاله ... السعر كالتالى:
فى التوكيل (غبور): كف ب 80 جنيه و مرايا كامله ب 825
فى مركز خدمه معتمد (الاقصى سنتر فى زهراء المعادى): كف ب 80 جنيه و مرايا كامله ب 750 جنيه

الكلام ده على نيو اكسنت 2010 عاديه مش سبورت

ياااااااه بجد
أحمدك يا رب

أنا لسه ال cover واقع منى إنهاردة و إتكسر ... و متنكد من الصبح ... و لما عديت عالحرفيين لقيته عند واحد مشروخ و لون تانى ب 200 جنية !!!

أنا لسه عامل موضوع بالكلام ده و كننت بفكر أغير ال cover بواحد بإشارات جانبية بتاع نيو سيراتو (نفس المراية)http://www.nilemotors.net/Nile/189159-cover.html

ممكن حضرتك بس تقوللى رقم الفرع أو المركز اللى لقيت عنده الغطاء ده ضرورى؟