حصريا لنايل موتورز : اسعار قطع غيار نيسان اكس تريل

**Ahmed.TV** · 06-10-2010 12:00 AM

[glow=#8c0f0f]اسعار قطع غيار الاكس تريل[/glow]

[glow=#820a0a] حصرى للنايل موتورز[/glow]

الاكس تريل سيارة من نيسان فول اوبشن 2500 سى سى
بسعر 225 الف جنيه فقط

ودى صور ومواصفات وألوان السيارة من الكتالوج الخاص بها

حصريا لنايل موتورز

اسعار قطع الغيار من كل مراكز خدمة نيسان
وبمجهود شخصى والحمد لله

اسيبكم مع الاسعار

مرايا جانبية كاملة =الواحدة 950
فانوس امامى = الواحد 1500
فانوس خلفى = الواحد 850
اكصدام امامى = 2400
اكصدام خلفى 2400
تيل فرامل = 550
تيل فرامل خلفى = 417
مساعدين امامى = الواحد 915
مساعدين خلفى = الواحد 915
كاوتشة تراب = الواحدة 100
مقصات = الواحد 820
صرة عجل كاملة امامية =1030
بليه الامامية = الواحدة 440
صرة عجل كاملة خلفية = 970
بلية الخلفية= الواحدة 230
طنابير امامية = الواحدة 950
طنابير خلفية = الواحدة 435
بطارية = 450
بوجيهات = 70
فلتر هواء = 130
سير مجموعة = 400
الميه بتاعت الردياتير =55
زيت فتيس = 150

الاسعار غير شاملة اسعار الضريبة

واتمنى المجهود يحوز على اعجباكم

اخوكم فى الله
احمد مصطفى
ahmed.tv

**Samah AbdAllah** · 06-10-2010 12:07 AM

ما شاء الله عليك يا احمد
مجهود مميز كما عودتنا
بس المرة دى حصرى وانفرادى فعلا
تسلم ايدك

**gebreel** · 06-10-2010 12:21 AM

انا كنت متوقع اكثر من كدة كأسعار بس فعلا المستهلكات طبيعية جدا بالنسبة لعربية زي دي بس بردو فيه حاجات مبالغ فيها

**doctor_eid** · 07-10-2010 10:32 PM

مساء الجمال يا زعيم
واحشني بجد
انت و الناس الحلوة بتوع عيلة نيسان
انا داخل اساسا علشان امسي عليك
و كمان اسأل : هو احنا هنفضل نسمع عن الاكس تريل نظري بس و لا ايه
مافيش حد من نايل موتورز جابها و لا ركبها
طيب ده احنا حتى عندنا في الزقازيق اتنين و لا تلاتة
يعني اكتر من السيلفي الغلبانة اللي لحد دلوقتي بامشي بيها في الشارع زي اليتيمة مالهاش اخوات
و بنقعد نتمسح في التيدا و الليفينا و نقول دي من العيلة
و اتمنى اشوفكم تاني قريبا

**Ahmed.TV** · 09-10-2010 01:11 AM

المشاركة الأصلية كتبت بواسطة baskota

ما شاء الله عليك يا احمد
مجهود مميز كما عودتنا
بس المرة دى حصرى وانفرادى فعلا
تسلم ايدك[/quote]

الله يخليكى يا بسكوتة
ومنورة نيسان دايما وشاكر تقديرك الغالى
وبعدين فعلا الموضوع حصرى ومش موجود فى اى مكان اخر على صفحات الانترنت وعن ثقة فى اللى بقوله والحمد لله
ودائما بندور على الجديد وعلى الحصرى لمنتدانا والمفيد للاعضاء
والاكس تريل مالهاش اى معلومات عندنا ليها , فكان لازم يكون عندنا كل المعلومات الهامة عن سيارات وعائلة نيسان

المشاركة الأصلية كتبت بواسطة gebreel

انا كنت متوقع اكثر من كدة كأسعار بس فعلا المستهلكات طبيعية جدا بالنسبة لعربية زي دي بس بردو فيه حاجات مبالغ فيها

عادى لازم يكون فى حاجات مبالغ فيها , مش اكس تريل بردوا

المشاركة الأصلية كتبت بواسطة mr_sameh

شكرا لمجهودك

شاكر مرورك الكريم

المشاركة الأصلية كتبت بواسطة basemsaeed

مجهود رائع من انسان رائع

تسلم يا استاذ باسم على تقديرك الغالى ده , وان شاء الله نلتقى بيك قريب باذن الله , عشان نتعرف عليك اكتر ,لانك من الشخصيات المحترمة
[quote=peaceman;3873105884]شكرا يا احمد علي المجهود الجميل ده .. و بصراحة الاسعار دي اضافة جميلة لقسم نيسان

تسلم يا بيشو على تقديرك ,وهو ده اللى بندور عليه ,اننا نزود القسم بكل الموضوعات الهامة واللى محتاجها وحيحتاجها الاعضاء دايما
وكمان بندور على اللى بيميزنا عن اى مكان او منتدى اخر
والحمد لله النايل موتورز مميز بموضوعات وباعضائه

المشاركة الأصلية كتبت بواسطة doctor_eid

مساء الجمال يا زعيم
واحشني بجد
انت و الناس الحلوة بتوع عيلة نيسان
انا داخل اساسا علشان امسي عليك
و كمان اسأل : هو احنا هنفضل نسمع عن الاكس تريل نظري بس و لا ايه
مافيش حد من نايل موتورز جابها و لا ركبها
طيب ده احنا حتى عندنا في الزقازيق اتنين و لا تلاتة
يعني اكتر من السيلفي الغلبانة اللي لحد دلوقتي بامشي بيها في الشارع زي اليتيمة مالهاش اخوات
و بنقعد نتمسح في التيدا و الليفينا و نقول دي من العيلة
و اتمنى اشوفكم تاني قريبا

وحشنا يا دكتور عيد جداااااااااااا

السيلفى عربية ممتازة اللى مع حضرتك , بس مش واخدة حقها ولا هى ولا الليفينا ,
بس عربيات ممتازة جدا
ومستنين تقرير وانطباعك عنها الفترة اللى فاتت , بس عاوزين تقرير قوى عنها عشان يكون مرجع عندنا فى القسم
والاكس تريل عربية ممتازة وليها ناسها بردوا بس نتنمنى بس يدلعوها شوية زى اللى بتنزل بره مصر
وعاوزين نشوفك قريب يا دكتور فى مقابلة نيسان الجاية باذن الله
لانك وحشنا فعلا
وتقبل تحياتى

**egypt0777** · 09-10-2010 02:04 PM

فعلا مجهود جميل ان كنت بدور على اسعار قطع غيارها

بس معرفش هى مبالغ فيها اوى ليه كده خصوصا المساعدين

**Ahmed.TV** · 09-10-2010 03:22 PM

المشاركة الأصلية كتبت بواسطة egypt0777

فعلا مجهود جميل ان كنت بدور على اسعار قطع غيارها

بس معرفش هى مبالغ فيها اوى ليه كده خصوصا المساعدين

تحت امرك يا فندم والحمد لله ان عندنا فى القسم كل حاجة من عائلة نيسان

بخصوص اسعار المساعدين انا مش شايف انه مبالغ فيها
انت عندنك المساعدين الواحد فى الصنى تقريبا ب700 او 750 الاصلى , فمساعدين الاكس تريل اعتقد سعرها معقول خصوصا لعربية زى الاكس تريل , وسعرها معدى ال200 الف
ده انا عندى التيدا سعرها زى الاكس تريل فى المساعدين
وبعدين على فكرة فى عربيات كورى سعر المساعدين الاصلى منها غالى بردوا , وكمان سعر التيل الكورى الاصلى فى التوكيل بيوصل الى 400 جنية
وبعدين احنا عارفين ان اسعار المساعدين الاصلى سواء للصنى او التيدا او اى عربية حديثة غالية , بس بتعمر ل100 الف كيلو واكتر كمان , ولا بتضرب ولا بتبوظ ,
وعندنا تجارب كتيرة جدا على ناس اشتروا المساعدين اللى مش اصلى ومش عمروا معاهم وغيروا مرتين بتمن مساعدين اصلى

-

-

الموضوع: حصريا لنايل موتورز : اسعار قطع غيار نيسان اكس تريل

LinkBack

أدوات الموضوع

عرض

حصريا لنايل موتورز : اسعار قطع غيار نيسان اكس تريل - انشر الموضوع فى :

-

-

-

-

-

المواضيع المتشابهه

اسعار قطع غيار نيسان اكس تريل ..حصريا لنايل موتورز

حصريا لنايل موتورز فقط : اسعار صيانة وقطع غيار اوبل فيكترا ايزى ترونيك

الكلمات الدلالية لهذا الموضوع

المفضلات

المفضلات

ضوابط المشاركة