ايه اللى يحصل لو مستوى الزيت اعلى من المقاس؟

**authority973** · 06-10-2010 12:32 PM

انا بحط Mobil 1 علطول و نادر لما بفحص مستوى الزيت, النهاردة وانا بزود مياه المساحات قولت اشوف بالمرة, لقيتة اعلى من العلامة التانية بحوالى 1 سم, والزيت ده بقالة بتاع 6000 كيلو, يعنى ماشى كل ده و مستوى الزيت اعلى من المطلوب, ده ليه ضرر على الماتور؟, و ازاى ا قدر انقص الزيت الزيادة؟ و شكرا...

**A.Saad** · 06-10-2010 01:54 PM

تنقصه
تفتح الطبة
تاخد الزيت فى وعاء نظيف
تقفل الطبة
تقيس تانى
لو قل اوى زود من الزيت اللى شلته

**mr_sameh** · 06-10-2010 02:09 PM

اكيد مع العمر بيهلك الموتور

**naser_56** · 06-10-2010 03:50 PM

المشكله الاكبر في ذياده الزيت عن الماكس وهو المفروض يكون تحت الماكس تتمثل في زياده الضغط ونتيجه لذلك هتلاقي تهريب زيت من الاويل سيل الاضعف وكمان زكر بالمنتدي عند وصول الزيت الي الكرنك سوف يقوم بعمل خفق له ويعمل ريم وبزلك يفقد الزيت خواصه لانه بيكون عباره عن ماده ريميه نتيجه لضربات الكرنك المتتاليه له وسوف يشبه البيض المخفوق وطريقه القياس بعد وضع الزيت الجديد يتم تشغيل السياره لمده ۳ دقائق تقريبا ومن ثم اطفائها والانتظار حوالي ۱۰ دقائق وبعدين تقوم بقياس الزيت ويراعي ان تكون السياره في وضع مستوي .

**mr_kenawy** · 06-10-2010 04:51 PM

للاسف الشديد معظم الميكانيكية اللى بيغيروا الزيت بيكونوا متخلفين عقليا , عندهم اعتقاد ان الخطر فى نقص الزيت اما زيادته عن الmax فهو امر محمود من وجهة نظرهم , يعنى مثلا عربيتى النوبيرا ما لقيتش ميكانيكى فى مصر ما قاليش انها بتاخد 3.5 لتر زيت مع عدم تغيير الفلتر , 4 لتر فى حالة تغيير الفلتر , و فى الحالتين بالكشف على الزيت بتلاقيه اعلى من الماكس.

**mr_vampire** · 06-10-2010 06:24 PM

حصلت في عربية واحد صاحبي والموتور ولع ( لا قدر الله ) بسبب الضغط والحرارة الزيت ملقاش مكان يتمدد فيه فولع.

**NoRmAl** · 06-10-2010 07:43 PM

أوحش شىء
يعنى زيت ناقص جميل جدا ومقدور عليه
زيت زياده
كذا موال ربنا يستر

**أبو عبدالله** · 06-10-2010 07:56 PM

يا أخي الكريم
أولا انت فحصت مستوى الزيت امتى وازاي
اصل 1 سم زيادده ده استحاله بجميع المقاييس يكون الماتور مشى ده كله اساسا
فحضرتك قياسة الزيت انك توقف العربيه على ارض مستوية وتترك العربيه حجوالي 15 او 20 دقيقة
وبعد كده تطلع عصاية المقياس وتنظفها جيدا وبعدين تحطها تاني في مكانها وبعد 2 ثانية تطلعها تاني وتشوف القياس اد ايه
العصاية بيبقى فيها علامتين واحده بجوارها f والأخرى l
لو الزيت في كل الأحوال بين العلاميتن اي كان فكده امان
لو الزيت طلع فوق حرف f فده اللي مش امان
ومساوئ زيادة الزيت :
- زيادة في استهلاك البنزين
- عزم اقل للماتور
- لو الزيت زايد قوي يبقى الماتور بالسلامه بعد فتره من الزمن

وان شاء الله خير بإذن الله

**authority973** · 07-10-2010 06:22 PM

المشاركة الأصلية كتبت بواسطة mr_kenawy

للاسف الشديد معظم الميكانيكية اللى بيغيروا الزيت بيكونوا متخلفين عقليا , عندهم اعتقاد ان الخطر فى نقص الزيت اما زيادته عن الmax فهو امر محمود من وجهة نظرهم , يعنى مثلا عربيتى النوبيرا ما لقيتش ميكانيكى فى مصر ما قاليش انها بتاخد 3.5 لتر زيت مع عدم تغيير الفلتر , 4 لتر فى حالة تغيير الفلتر , و فى الحالتين بالكشف على الزيت بتلاقيه اعلى من الماكس.

ده حقيقى فعلا, فاكر انه زياده مش مشكلة خير و بركه! مع انى و انا و اقف معاه و هو بيغير الزيت ,كان معايا جركن بقية المره الى فاتت, قلتله حط ده الاول و كمل من الجديد و انا كل مره فعلا بعمل كده, لقيتة حط الجديد الاول لمجرد ان هو ما بينه و بين نفسه ميبقاش سمع كلامى, قلتله مش قلتلك حط القديم الاول, قالى بمنتهى الثقه وهو قالب وشه يا باشا هى هى انا عارف انا بحط قد ايه, قولتله بالحرف الواحد بدل ما تحط زياده, قالى لأ متقلقش, و الغريب ان ثقته الغريبه فى نفسه دى هى تقريبا اللى ادتنى احساس انه فاهم و متأكتدش من المستوى إلا بعد كل ده, الحمد لله, فعلا لازم تتأكد من كل حاجة بنفسك

المشاركة الأصلية كتبت بواسطة NoRmAl

أوحش شىء
يعنى زيت ناقص جميل جدا ومقدور عليه
زيت زياده
كذا موال ربنا يستر

بالضبط

المشاركة الأصلية كتبت بواسطة أبو عبدالله

يا أخي الكريم
أولا انت فحصت مستوى الزيت امتى وازاي
اصل 1 سم زيادده ده استحاله بجميع المقاييس يكون الماتور مشى ده كله اساسا
فحضرتك قياسة الزيت انك توقف العربيه على ارض مستوية وتترك العربيه حجوالي 15 او 20 دقيقة
وبعد كده تطلع عصاية المقياس وتنظفها جيدا وبعدين تحطها تاني في مكانها وبعد 2 ثانية تطلعها تاني وتشوف القياس اد ايه
العصاية بيبقى فيها علامتين واحده بجوارها f والأخرى l
لو الزيت في كل الأحوال بين العلاميتن اي كان فكده امان
لو الزيت طلع فوق حرف f فده اللي مش امان
ومساوئ زيادة الزيت :
- زيادة في استهلاك البنزين
- عزم اقل للماتور
- لو الزيت زايد قوي يبقى الماتور بالسلامه بعد فتره من الزمن

وان شاء الله خير بإذن الله

شكرا لرد حضرتك, انا فحصت الزيت الصبح و العربيه كانت راكنة و مدارتش من اليوم اللى قبليه و كانت على سطح مستوى و تقريبا قستها اكتر من 30 مره لأنى من قلة حيلتى حطيت علبة المناديل جمبى و كل شويه اطلع المقاس امسحه بمنديل يقوم شايل معاه 3,4, نقط زيت والزياده تقل اى حاجة, واتضح ان عشان الفكره دى تنجح اعدلى بتاع يومين اعمل الحكايه دى, المقاس تقريبا مبيتحركش من مكانه, مقدار الزياده هقيسه باضبض ان شاء الله بس هو بالنظر تقريبا مابين 1 سم و 0.5 سم, و الغريب ان تقريبا مافيش اختلاف كبير فى الاداء, السحب اقل حاجه بسيطه بس كنت فاكر ان عشان بقالى حبه منضفتش فلتر الهواء, بس الملحوظ فعلا و انا بسافر العربية كانت بتجيب 165-170 كم\س اخر مره سافرت كانت 155 - 160 تقريبا و الله اعلم ممكن تكون عوامل تانيه بس انا محسيتش بفرق ملحوظ غير دهز

المشاركة الأصلية كتبت بواسطة A.Saad

تنقصه
تفتح الطبة
تاخد الزيت فى وعاء نظيف
تقفل الطبة
تقيس تانى
لو قل اوى زود من الزيت اللى شلته

ان شاء الله هغير الزيت كله النهاردة لزيادة الإطمئنان

المشاركة الأصلية كتبت بواسطة Hacker5

هو مرة حصل معايا لما الزيت كان اكتر من المطلوب
البوجيهات عرقت زيت و العربية بقت بتنتش جامد ولا حتى بتسحب

ربنا يستر

المشاركة الأصلية كتبت بواسطة mr_sameh

اكيد مع العمر بيهلك الموتور

اكيد و الا مكانوش عمله علامة full المفروض منزودش عنها

المشاركة الأصلية كتبت بواسطة mr_vampire

حصلت في عربية واحد صاحبي والموتور ولع ( لا قدر الله ) بسبب الضغط والحرارة الزيت ملقاش مكان يتمدد فيه فولع.

غالبا زيادة كبيره اوى يعنى اتملى لحد فم الماتور مثلا, و ربنا يستر

-

الموضوع: ايه اللى يحصل لو مستوى الزيت اعلى من المقاس؟

LinkBack

أدوات الموضوع

عرض

-

-

-

-

-

-

المواضيع المتشابهه

نقيس الزيت و هي العربية دايرة ولا مطفية و برده ولا سخنة ؟ و يحصل إيه لو الزيت زيادة ؟

قررت ابقى هونداوى و اللى يحصل يحصل

ايه اللي ممكن يحصل لو مستوى زيت المحرك زيادة

الكلمات الدلالية لهذا الموضوع

المفضلات

المفضلات

ضوابط المشاركة